Ka Oiaio, Volume I, Number 35, 19 February 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

HONOLULU, FEBERUARI 19. 1896

KA HOIKE O KE AKUA PONO,

            O ke kanawai ka hoike no ko ke Akua pono o ka hana a ke kanwai, oia no ka hoike ae i ka hewa, a me ka hooiaio ana i ka pono i loaa ma o Iesu Karisto la, ka mea i hiki hoi ke hoomaopopo loa ia ae ma ke ano o ka hoohana ia ana o ke aniani kilohi.  He mea hiki hoi i ke kanaka ke ike ma ke kilohi ana iloko o ke aniani ua paumalel@ kona helehelena i ka pa’u.

 

            Aole na ke aniani i hoopaumaele aku kona maka, a aole no hoi e hiki i ke aniani ke hoomaemae ae i ka helehelena.  Ua hoike wale mai no i kona paumaele ma ka maka.

 

            He okoa hoi ka mea nana e holoi ae i ka lepo; a i ka wa i maemae ai, na ia aniani hookahi no e hoike mai i ka pau ana o ka pa’u nana i hoopaumaele.  Aka, ina paha ke kanaka e wawahi, a kiola paha i ke aniani, no kona hoike ana mai i ka pa’u ma kona maka, a lawa ole iho la no nae kona makemake ma ia hana ana, ua hoao aku la oia e hoomaemae ia ia iho i maemae ai, me ka hiki ole e maopopo ponoi ai iaia, heaha la ka mea e lawa ai kona ike maoli ana ua maemae oia?

 

            E ike ana no paha oia i ka maikai ma kona noonoo wale iho, no ka mea, ua hoao oia e hoomaemae iaia iho, aka ia wa no, malia paha he hakina wale no kona maemae ana, aole i pau pono, a malia paha, ua oi loa ae la ka hapala o ka maka i ka pa’u.  Aole loa he hoike maopopo iaia i kona helehelena e maopopo ai me ke kanalua ole ka maemae io a me ka ole.  Pela kakou i hoopaumaele ia ai e ka hewa.  Ua hoike mai ke kanawai i ka paumaele, me ka hike ole nae ke hoomaemae; aka, aia hoi kekahi, “waipuna hamama no ka ohana o Davida, a no ka poe o Iernialema no ka hewa a me ka maemae ole,” kahi i hiki ai ia kakou ke holoi a e maemae ai.  E hooia ana ke kenawai i ke ano o ka mea i hana ia no kakou “e ia i aloha ia kakou, a i holoi ia kakou mai ua hewa me koua kokoponoi.”  Aka, ina paha ua hoopau ia ke kanawai, na waiho iho kakou iloko o ka maopopo ole; alaila, na hiki iho la paha i ka pono a ke kino iho ke ku makahi o ka pono o ke, Akua, no ka mea. ua lawa iho la kakou i ko kakou noonoo wale ma ka hoao ana e hooko i ke ana o ka hoike a me ka hooiaio a kakou i kukulu ai no kakou iho.

 

HAAWINA HELUHELU BAIBALA

KA HUA O KA PONO

1.  I ka wa e loaa ai i kanaka o ka pono o ke Akua ma ka manaoio, ua loli anei ko lakou ano?  2 Kor. 3:18.  (1 Ioane 3:2)

“Aka, me ka maka i uhi ole ia, ke ike aku nei makou a pau i ka nani o ka Haku, e like me ke aka ma ke aniani, a ua hoano hou ia e makou ma ka ike ana o ua aka la, ma ka nani e mahuahua ana e ko ka Haku nona ka Uhane.”

Ua loaa ke aka o ke Akua e like me Adamu i @inohi?

2. Heaha ka mea i olelo ia no ia ano kanaka?  2 Kor. 5:17.

“No ia mea, ina iloko o Karisto kekahi kanaka, he mea hou oia; ua hala aku na mea kahiko; aia hoi ua ano hou ae la na mea a pau.”

3. Heaha ka Uhane e noho ano iloko o ke kanaka i huli mai ka hewa?  Rom. 8:9

“Aole hoi oukou ma ke kino, ma ka Uhane no, ke noho ka Uhane o ke Akua iloko o oukou.  Aka, i loaa ole kekahi ka Uhane o Karisto, aole nona, ia.”

4. Pehea i loaa ai kela Uhane?  Gal. 3:14

“I kau mai ai ka hoopomaikai ia o Aberehama maiana o ko ua aina e ma o Iesu Karisto @ i loaa mai ai ia kakou ma ka manaoio ka mea i olelo ia mai, o ka Uhane.”  Ma ka manaoia.

5. Heaha ka mea i pahola ia ma ka na@u o ke kanaka e ka Uhane Hemolele?  Rom. 5:5

“A o ua manaolana la aole ia i hoohilahila uo ka mea, ua ninini mai ke aloha o ke Akua iloko o ko kakou mau naau e ka Uhane Hemolele, i haawi ia mai ia kakou.”  Ke aloha o ke Akua.

7. Heaha la ke alakai a ko ke Akua ano iloko o kakou e hana aku kakou?  1 Ioane 5:3

“No ka mea, eia no ke aloha o ke Akua, o ka ma lama aku i kana mau kauoha; aole hoi he mea luhi kana mau kauoha.”

E hana pololei ana kakou i na hana e like me Karisto i hana ai – e malania i kana mau kauoha, no ka mea ua hoololi nui oia i ko kakou ano, e haawi ana i kona ano ia kakou.  (2 Pet. 1:4)

8. Heaha la ka hua o ka Uhane?  Gal. 5:22:23.

“Aka, o ka hua na ka Uhane, oia ke aloha, ka olioli, ke kuikahi, ke ahonui, ka lokomaikai, ka maikai, ka manaoio, ke akahai, ka pakiko; aohe kanawai paa mai ma ia mau mea.”

9. Heaha hoi ka mea i kulike ole me keia – ka hana a ke kino?  Gal. 5:19,20 a me hapa mua o 21.

“A ua akaka ae la na hana o ke kino; oia ka moekolohe, ka hookamakama, ka hoohaumia, ka makaleho, ka hoomana kii ka hoopiopio, ka inaina ka hakaka, ka ukiuki ka huhu, ka hoopaapaa, ka mokuahana, ka man@o kue.”

10. U@ hiki anei i ka poe hana me ia ke nomo iloko ke aupuni lani?  Gal. 5:21, hapa hope.

“Na mea a’u e hai e aku nei ia oukou, me a’u i hai e aku ai mamua, o ka poe e hana i ua mau mea la, aole e hooili ia no lakou keaupuni o ke Akua.”

11. Heaha ka hua o ka Uhane i kapa ia ai i kekahi wa?  Pet. 1:11

“I hoopiha ia hoi oukou i na hana o ka pono, i mea e hoonani ai a e hoomaikai aku ai ke Akua ma o Iesu Karisto la.”

He hua hoi lakou, no ka mea aia wale no lakou maloko o ka naau o ka poe i loaa ka pono ma ka manaoio iloko o Karisto.

12. Heaha la ka kakou mea i olelo ia mai ai e waiho aku?  Epeso. 4:22.

“A no ka noho ana mamua, e haalele aku oukou i ke kanaka kahiko i haumia i na kuko hewa hoopunipuni.”

13. Heaha la ka loli e hoohana ana iloko o ko ka kou naau?  Epeso 4:23.

“E hoano hou ia hoi oukou ma ka manao ana o ko oukou naau.”

14. Heaha hoi ka kakou e hoaahu iho?  Epeso 4:24.

“E hoaahu iho hoi i ke kanaka hou, i hana ia mamuli o ke Akua ma ka pono a me ka hemolele io.”

15. Heaha hoi keia kino hou?

He kino kanaka no i noho ia e Karisto maloko.  (Rom. 13:14).

 

            E holo aku ana ka Bennington no Lahaina.

            Nui ka poe i hiki ae ma ka hula ma ka Paka Kuuokoa i ka ponei.

            I ka anina o nehinei i ku mai ai o Kinau, mai Hawaii mai.

            E paa ana na hale hana aupuai i ka Poaono a nei, no ka la hanau o Keoki Wakinekona.

            Pakele a mai make ke ola o kekahi @ keiki ma Waikiki, i puliki ia e ka hee.