Ka Oiaio, Volume I, Number 36, 20 February 1896 — Page 3

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

na mea naauao a hohonu i wehewehe ia e ke hoa malalo o kela poo manao, a ua loaa no ia'u ka waiwai ma ka heluhelu ana ia ua mau mea la. Aka, ma kela pane a me kela hooia ana, "he kanaka hewa o Iesu," ma ia mea i hoala ae i ko'u manao e kamailio malalo oia ninau a me kona pane.

  Aole au i hapai i keia me ka manao e hoino aku i ke hoa; aka, me ka manao lili, a makee ma ko Iesu aoao; no keia hoike akea ana ae nei, "he kana hewa o Iesu." Ua hoike ae la an i ko'u manao, a me ka'u mau kuhikuhi me na wehewehe: a na kela a me keia a lawe nona iho.

  O Iesu, oia ke kikowaena o ka manaoio, ka manaolana a me ke aloha. No kahi wa aku.

                Me ke aloha,

                         E. KEKOA.

  Na kekahi hoa o ka Hoomana Naauao La Ehiku. Hilo Bay, Feb. 17th, 1896.

 

KA HOOMANA KARISTIANO

NAAUAO.

 

KO IESU EKALESIA MA KE AO NEI, AUHEA LA IA?

HAINA--O IA NO KA EKALESIA O KA

HOOMANA KARISTIANO NAAUAO.

 

BAPETIZO

MOKUNA VI.

Poha ka Olino o ka Bapetizona--Ka Meahuna

Pohihihi o ka Euanelio--Ke Ki o ke

Aupuni Hiwahiwa.

MAHELE III.

  Anuu Elima. ALA HOU ANA.

  9--Heb. 7:10 *  *  *  Heaha ko laila hemahema i koe, e ku hou ae ai ua kahuna ma ke ano Melekisedeka, aole e kapa ia mamuli o ke ano Aarona? 12. Aka, ua hookahuliia akn na oihana kahuna 'la, alaila he pono e hookahuli ia ke kanawai.l 17. A, ua hoike mai oia, He kahuna Mauloa oe, mamuli o ke ano Melekisedeka.

  10--A, i na pela, e hoopupu no anei kakou ma loko o ka ouli hookele o ka Papa Kahuna Aarona? aole Palapala Hemolele pela, e like me ko Iaone ouli. I na pela ka hoomana Akua ana, alila na huikau kekahi poo ma luna o kekahi poo; a o kahi maawe haipule, ma luna o kahi. Oiai nae, ua kaupaleia kekahi. mai kekahi ae. A, nokamea hoi, ke hoi aku nei ke kanawai o na lahuikanaka, i kakauia'i ma na papapohaku pilihonua, i na papapohaku o ka manaoio, na papaopohaku pililani no ia.

  11--A, o ka ouli o ka berita anuenue o ke au ia Noa, he olelo logou ia e hai ana i ko ka Honua, o Kariato no ia: e wewehi ana mai kona puai ana, a hoea ia kakou, a i ka Pua Hou ana.

  Ua ulupaia wawahiia, na papapohaku elua o ke kanawai, na mea i hoohanau ponoi ia mai e ka MaKUA; (he aka wale no ia no ka Mesia) e Mose. A, o na papa Hou iho, na ke kanaka aku ia, a o ua mau mea 'la, ua naloale a ua pau i ka nahaha hou paha, aiole na popopo.

  12--Aole no i lohea a ike hou ia aku, ua pio, ua hakanu, ua hoomaha paha, aiole ua hamau laua no ka wa mauloa.--Oiaio! Ua hoi ma ka papa o ka naau, e kamailio ana i loko o ko kakou lunaikehala me ka oiaio. A o ka Papa Kahuna Aarona me Levi hoi; o ia like no ka meha a hoea wale mai ia kakou nei, aole i ikeia he pani ma ko laua mau wahi.

  13--Aka hoi, ma ka oihana i heaia e ke AKUA ua hoike mai kana olelo, o Ioane ka Bapetizona ke pani hope loa. Ua pane ponoi kona waha, E mihi oukou, nokamea, ua kokoke mai ke aupuni o ka Lani Iesu, o wau ke bapetizo aku ia oukou i ka wai o ka mihina, (aole i ka mihi repent, but repentance, aole Uhane Hemolele, not unto or into Holy Ghost; is never, never indeed) aka, o ka mea e hele mai ana mahope o'u, he oi aku oia mamua o'u, nana oukou e bapetizo aku i ka Uhane Hemolele a me ke ahi.

  Ioa, 3:30. E mahuahua ae no ia, aka, o wau nei la, e emi iho ana.

  14--Ioa. 3:31. O ka mea no luna mai, ma luna ia o na mea a pau: o ka mea o ka Honua, he mea pilihonua no ia, a he olelo Honua no kana: o ka mea i iho mai hoi mai ka Lani mai, ma luna ia o na mea a pau.  @Aole hookahi pauku o ka Palapala Hemolele, e kauoha ana i na lahuikanaka, e hoomau aku i ka noho hookeleakua ana, i ka Ioane (oiahoi mai ia Aarona mai ke Kahuna Nui) i loko o ka Karisto.

  15--Aole o Iesu i hooluu iki (bapetizo iloko o ka wai, not at least, or, dont be fools as your own conceits, or as nature) aiole i na haumana 12. Aole o Paulo i hanaia pela, kekahi o na lunaolelo Pookela loa; nana i hoahewa ia Petero, Mareko, Sila ame Iakopa; ma muli o ka hoihope me ka haipule hookamani.

  16--O na haumana kai hana pela. A na wai i kauoha e hana peia? aole, aole loa i kauoha iki o Karisto. Ua hana na haumana ma muli o ke ano kuluma, mai ka wa-kahiko loa mai,l a me ka Ioane; pau! Aole hookahi kauoha mai ka waha ae o Iesu. Penei ka Karisto, Mat. 28:18. O ka MANA i loko o ka Lani a me ka Honua, ua pau loa i ka haawiia mai ia'u.

  17--Mat. 28:19. E hele aku e oukou hoohaumana i na lahuikanaka a pau, i ka bapetizo ana ia lakou, i loko o ka inoa o ka MAKUA. ke KEIKI, a o ka UHANE HEMOLELE;

  20. E ao aku aua ia lakou e malama-pono i na mea a pau a'u i kanoha'i ia oukou: aiahoi, o Wau pu no me oukou a mau, a hoea aku i ka palena o nei Ao. Amene. (Oiaio.)

  O keia wale ae no ke kaoha ponoi a Iesu, maanei; pau! O na moolelo lahui (pili i na ohana a Isaraela wale no) he buke okoa no ia, a he okoa no na moolelo aina i kapaia ka Moolelo o ke Ao Nei; History of the World.

                 Aole i pau

 

  Piha pono na kolamu heluhelu o ka nupepa ka OIAIO PUKA LA, i keia mau la e nee nei.

 

Na Lole  :   :

      :   :   Kohukohu!

Oia hoi ka mea a na lede a pau e ake ana o loaa a he

meahiki wale no ke'hookoia.

E  HELE  MAI  OUKOU  ILOKO  O  KOU

HALEKUAI A E HANA AKU AU IKA

KA MEA KUPONO I KO OUKOU

MAKEMAKE.

Ua loaa mai nei ia'u kekahi ano piha o na

LOLE AAHU HOU LOA.

Crepon, (he like me kanikau)

  Na Lole Farani,

    Na Lole Ulana  Waihooluu Like Ole

       Na Lole Awiliwili Lopi Silika me Hulu

                                    hulu.

Na Lole Alabatosa,

  Na Lole Casamia a me Huluhulu

    Na Lole Hulu Kao Lama

       Na Makalena

                          Na lole Diminite

                              Na Lole Pongi,

                                  Na Lole Satina

                           Na Peersucker,

                               Na Rliss,

                                  Na Lole Anuunuu Crepe

Na Keokeo Manoanoa o na ano a pau, etc , etc.,

       Aia no hoi ma ko'u Halekuai ka

                  LOLE FIBRE FABRICA.

He mea i oi aku ka maikai i ko ka LOLE NAAU HELU.

  Aole no oe i kahiki piha ke ole i hoi loaa ia oe kekahi o kuu

PALEKOKI KOHU MAMALU.

  A e halo iho hoi i ke Kaliki (Trilby) ano hou, i kapono i kau e iinu nui nei.

  Aia hoi ma ko'u halekuai na Lole Moepoli i ka hikonoeau ia, a kupono o ka hana ana iho m Adamu.

  Na Pale ili o na kane i kupono hoi i ko Eva makemake, i huki ai ka Ulua i Malamanui. Uwese oe.

  Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima. na hainaka, a pela aku.

E hauoli loa au e hoomakaikai aku i keia mau mea nani i na Lede o Honolu@

J. J. Egan.

Alanui Papa  Mei, 21, 1895.                me 12itf