Ka Oiaio, Volume I, Number 37, 21 February 1896 — Page 3
| This text was transcribed by: | Kahikina De Silva |
| This work is dedicated to: | Awaiaulu |
Ka Oiaio/Ka Oiaio Puka La/
Hoopukaia i na la a pau koe ka la Sabati a me Lapule no 30 keneta o ka mahina.
KA HOOMANA KARISTIANO
NAAUAO.
KO IESU EKALESIA MA KE AO NEI, AUHEA LA IA?
HAINA - O IA NO KA EKALESIA O KA HOOMANA KARISTIANO NAAUAO.
BAPETIZO
MOKUNA VI.
Poha ka Olino o ka Bapetizona - Ka Meahuna
Pohihihi o ka Euanelio - Ke Ki o ke
Aupuni Hiwahiwa.
MAHELE III.
Anuu Elima. ALA HOU ANA.
18 - Nolaila, o ka ouli bapetizona Uhane Hemolele wale iho no ka Karisto, aoleo ka wai Maoli. O ka wai o ka Uhane Hemolele io anei? ae, oia no. Oiai he wai hoomaemae i ka hewa o ke kanaka haumia, a ua lawa loa me ka hemahema ole, a o ka olelo a ke AKUA ke alakai ike maka ma ke kino nei.
19 - Eia na ouli o ka olelo a ke AKUA: -
1 He Uhane o ka Mana.
2 He Ahi,
3 He Hamare;
4 He Pahikaua-oilua.
5 He Ola Mauloa,
6 O Iesu Karisto;
7 Ka Mana o ka PUKUIAKUA.
He nui aku no, aka, ua wahiia maanei.
20 - Eia na pauku kuhikuhi ma ka baibala:
1 I Kor. 2:4. A o ka'u olelo, a me ka'u ao ana 'ku, aole ia ma ka olelo maalea a ko ke kanaka akamai; aka, ma ka olelo hoakaka a ka Uhane, a me ko ka mana.
2 Ier. 23:29. Aole anei i like ka'u olelo me ke ahi?
3 Ier. 23:29, hapa hope. A he hamare hoi, e nahaha'i ka pohaku?
4 Ep. 9:17, hapa hope. Ka pahikaua o ka Uhane, o ia no ka olelo a ke AKUA.
5 Ioa. 6:63, hapa hope. O ka olelo a'u e olelo aku nei ia oukou, he Uhane ia a me ke Ola.
6 Ioa. 1:1. I Kinohi ka LGOU, * * * *
Pauku 14. Lilo mai la ka LOGOU i kanaka a noho ihola me kakou, (a ua ike hoi kakou i kona nani, o ua mea Hiwahiwa 'la no ia a ka MAKUA,) ua piha i ka lokomaikai, a me ka oiaio.
Rom. 8:3, hapa hope. Ua hoouna mai ke AKUA i kana Keiki ponoi, ma ke ano maoli no o ke kino Hewa (God sending his own Son, in the likeness of sinful flesh,) e hoahewa ia iho ana no nae, ka hewa ma ua kino 'la (for sin, condemned in the flesh.)
7 Kin. 1:1. I Kinohi, ua hookumu ke *AKUA i ka Lani a me ka Honua. Rom. 1:16. Nokamea, aole au i hilahil i ka euanelio a Karisto, nokamea, o ia maoli no ka mana o ke AKUA e ola'i, kela a me keia e paulele aku ana.
Aole i unuhi pau ia na pauku, oiai ea, he elua mana o nei anuu. Ka Mua, ke Ala Hou o ka poe haipule. Ka Lua iho, ko ka poe hoomaloka, aia, hooino Uhane Hemolele.
1 Hoala kino Maoli, 2 Hoala kino Uhane o ka Nani (Glory Spiritual Body by the Son of Man)
21 - O kela pauku Io. 3:5. * * Ke ole ke kanaka e hanau ia ma o ka wai la, a me ka Uhane, e hiki ole ana oia ke komo i ke aupuni o ke AKUA. Ninau, he wai Maoli anei, e inu ia nei? ka! ua hamau ka Palapala Hemolele no ia mea. Nokamea, he Kauoha Hou Keia no Karisto, a o kana papetizona, he Uhane Hemolele, a me ke ahi. Aohe paha wai a Iesu? ka! o wai oe e ke kanaka, e pakike aku nei i ke AKUA, e hoole ana i ke koko hiwa o ka mea i hoolaaia i mohai, ke koko wale no o Iesu, ua lawa loa! Ka Uhane Hemolele, ke kokua, ua piha!
AUWE ka mea paulele kapekepeke, no ke aha la oe e hooino nei i ka Uhane Hemolele; aole e kala ia i nei Ao, aole i ke Ao e hiki mai ana!!
22 - Rom. 3:25. Oia ka ke AKUA i haawi mai ai i mohaikalahewa, ma ka hilinai ana i kona koko, i mea e hoaka'ka'i i kona hoapono ana, i ke kala ana i na hewa i hana e ia mamua, i ke ahonui ana o ke AKUA.
Aole i pau
MAKANANI
MA K KIHI MAUKA O ALANUI PAPU
A ME KALEPA.
AOLE O MAKOU MALAMA I NA KAMAA iki ole ia makou ke hooiaio aku i kona paa, a i hiki le ke kuai no ke kumukuai makepono a i kupono hoi no keia mau la mamake o ka aina. I mea e hiki ai ia makou ke malama i na kamaa maikai wale no o na ano a pau, a e kuai aku hoi no na Kumukuai haahaa loa, ua kuai pololei aku hoi makou i ko makou mau kamaa mai na hale hana kamaa nui a kaulanano ka maikai, ka paa a me ka nani.
NO KEIA KUMUA LAKOU MAU MAUKOU I NA MEA MAIKAI WALE NO NO NA KUMUKUAI EMI LOA E HIKI AI KE KUAI HAAHAA AKU I NA MAKAMAKA A PAU MAI HAWAII A NIIHAU.
Eia ma keia kii kamaa aulii e ike ia iho ai na ano o na kamaa NANI ma kahi o MAKANANI
HE EKUA WALE NO DALA ME HAPALUA KO KEIA KAMAA!
Pela iho la ke ana o ke kuai ana o na ano kamaa o ko makou hale. Nolaila, e hoomanao oukou e na makamaka mai Hawaii a Niihau i kahi e loaa ai na Kamaa Pua, Na Kamaa Emi,
Na Kamaa helu Ekahi o ka hiehie,
E LOAA NO MA KA
Ka Hale Kuai Kamaa o
MAKANANI
Honolulu, Jan 2, 1896
Na Lole : :
: : Kohukohu!
Oia hoi ka mea a na lede a pau e ake ana e loaa a he meahiki wale no ke hookoia.
E HELE MAI OUKOU ILOKO O KOU
HALEKUAI A E HANA AKU AU I KA
KA MEA KUPONO I KO OUKOU
MAKEMAKE.
Ua loaa mai nei ia'u kekahi ano piha o na
LOLE AAHU HOU LOA.
Crepon, (he like me kanikau)
Na Lole Farani,
Na Lole Ulana Waihooluu Like Ole
Na Lole Awiliwili Lopi Silika me Huluhulu.
Na Lole Alabatosa,
Na Lole Casamia a me Huluhulu
Na Lole Hulu Kao Lama
Na Makalena
Na Lole Diminite
Na Lole Pongi,
Na Lole Satina
Na Peersucker,
Na Rliss,
Na Lole Anuunuu Crepe
Na Keokeo Manoanoa o na ano a pau, etc., etc.,
Aia no hoi ma ko'u Halekuai ka
LOLE FIBRE FABRICA.
He mea i oi aku ka maikai i ko ka LOLE NAAU HULU.
Aole no oe i kahiko piha ke ole i hoi loaa ia oe kekahi o kuu
PALEKOKI KOHU MAMALU.
A e halo iho hoi i ke Kaliki (Trilby) ano hou i kupono i kau e iini nui nei.
Aia hoi ma ko'u halekuai na @@ Moepoli i ka hikonoeau ia, a kupono o ka hana ana iho m Adamu
Na Pale ili o na kane i kupono hoi i ko Eva makemake, i huki ai ka Ulua i Malamanui. Uwese oe.
Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima, na hainaka, a pela aku.
E hauoli loa au e hoomakaikai aku i keia mau mea nani i na Lede o Honolul.
J.J. Egan.
Alanui Papu Mei 21, 1895. me 12itf