Ka Oiaio, Volume I, Number 38, 24 February 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

PUKE 1           HONOLULU, FEBERUARI 24, 1896

 

OIAIO PUKA LA

KA ULU KARISITIANO

 

            Aole hoi na mea kanu a me na pua i ulu mamuli o ko lakou kaunui, noonoo nui hooikaika ana no lakou iho, aka, mamuli o na mea a ke Akua i hoolako ai no ko lakou ola ana. Aole e hiki i ke keiki ke hooulu ae i kona kino mamuli o kona noonoo nui ana nona iho, a mamuli o kona mana iho. Pela no hoi, aole e hiki i kekahi mea, mamuli o kona noonoo nui ana a hooikaika ana ma ona wale iho, e loaa ai ia ia ka ulu ana o ka uhane. E ulu ana ka mea kanu, ke keiki, mamuli o ka loaa ana mai na mea e hoopuni ana ia ia, na mea e hanai ai i kona ola - ka ea, ka la, a me ka ai. E like me ke ano o keia mau mea loaa wale i na holoholona a me na mea kanu, pela iho la hoi o Karisto i ka poe i hilinai aku iaia.

            Mamuli o ka makana lua ole o kana Keiki, ua hoopuni mai hoi ke Akua i ke ao a pau me ka haawina o kona lokomaikai, e like me ka oiaio he ea ke hoopuni nui i ko lakou noho ana. O ka poe a pau e ae e hanu i keia ea hoola e ola ana a e ulu ana a ke ana o kino o na kane a me na wahine iloko o Karisto. E like hoi me ka pua e haliu aku ana i ka la i pa pono iho kona mau kukuna malamalama i mea e hoolawa iho ai i na haawina e ola a e nani ai hoi, pela kakou e huli aku ai i ka malamalama o na kukuna o ka pono i pa iho ai ka malamalama mai ka lani iho maluna o kakou, i mohala ae ai ko kakou ano i loko o ko Karisto ano.

            Ua ao mia no hoi o Karisto i keia mea hookahi i kona olelo ana, " E noho oukou iloko oʻu, a owau hoi iloko o oukou. Aole e hiki i ka lala ke hohua ma on a iho, ke pili ole i ke kumuwaina; pela e hiki ole ai ia oukou ke pili ole mai iaʻu. aole mea iki e hiki ia oukou ke hana ke ole au." (Ioane 15:4,5) Ua like kou kulana kalele maluna o Karisto, i mea e loaa ai ia oe ke ola hemolele ana, e like me ka lala uwaina pili i ke kumuwaina, e kaukai ana no kona ola mai ke kumu mai, no ka ulu a me ka hua ana. Ke kaawale oe mai ia mai, aole he ola iloko ou. Aole no manae hiki ai ke pane aku i na hoowalewale, a e ulu ai iloko o ka lokomaikai a me ka hemolele. Ia oe iloko o Karisto ua hiki ia oe ke ulu. Ia oe e ume mai ana i kou ola mai loko mai on a, aole oe e maloo a ole hoi e nele i ka hua. E like no oe me ke kumulaau i kanaia ma ka aoao o na muliwao.

            E.H.G.

 

KA ULU ANA ILOKO O KARISTO

 

1. Heaha ka inoa kapa no ka huli ana i o Karisto la? 1 Pet 1:23 (Ioane 3:3, 5-7)

 

" Ua hanau hou ia mai oukou, aole hoi na ka hua e pala wale ana, aka, na ka hua pala ole, ma ka olelo a ke Akua ola, ka mea e mau loa ana."

 

"Olelo mai la o Iesu ia ia, i mai la, Oiaio, he oiaio kaʻu e olelo aku nei ia oe. Ina e hanau hou ole ia ke kanaka, aole e hiki ia ia ke ike aku i ke aupuni o ke Akua."

 

"Olelo mai la o Iesu, Oiaio, he oiai kaʻu e olelo aku nei ia oe. Ina e hanau ole ia ke kanaka i ka wai me ka Uhane, aole e hiki ia ia ke komo iloko o ke aupuni o ke Akua.

 

O ka mea i hanau ia na ke kino, he kino no ia; a o ka mea i hanauia na ka Uhane, he uhane ia. Mai kahaha kou naau i kaʻu i olelo aku ai ia oe. E pau oukou i ka hanau hou e pono ai."

 

2. Heaha ka ai kupono no lakou e ulu ai? 1 Pet 2:2

 

"E like me na keiki hana hou pela oukou e iini ai i ka waiu aiai o ka olelo, i mea e ulu nui i oukou."

 

 3. E noho kamalii mau ana anei ka poe Karistiano? Epeso 4:14 (hapamua) a me 15

 

"I kamalii ole ai kakou mai ia hope aku i ka aleale ia a me ka lauwiliia e na makani apau o ka olelo, ma ka ʻapiki a kanaka, a me ka maalea a lakou e imi ai i ka hoopunipuni;" Aka e olelo oiaio aku ana me ke aloha, i nui ae kakou i na mea a pau iloko on a, oia o Karisto o ka poo.

 

4.Alaila, aole anei ko Karistiano e ulu mau ana, e ulu aku ana e like me Karisto? 1 Tesa 3:12

 

"Na ka Haku hoi oukou e hoopiha a hu aku ke aloha i kekahi i kekahi, a ia hai ae hoi a pau, a e like me makou ia koukou"

 

5. Me keaha hou aku ke Karistiano i hiki ke hoohalikeia? Isa 6:14, (hapa mua) Hosea 14:5

"I kapaia lakou, He mau oka o ka pono, o ke kanu ana hoi a Iehova, i hoonaniia ai oia."

 

"E like auanei au me ka hau i ka Iseraela; e pua auanei oia e like me ka lilia, a e kolo leo kona mau aa e like me Lebanona."

 

6. He ka kakou mea i kauoha ia mai ai e hoomaopopo? Mat. 6:28

 

"Heaha hoi ka oukou e mano nui ai i ke kapa?

            E nana i na lilia o ka kula, i ko lakou ulu ana; aole nale lakou e hana aole hoi e milo."

 

E hoomaopopo i ko lakou ulu ana.

7. Pehea ka ulu ana o na kamalii, a me ka ulu ana o na mea kanu?

 

Ua ulu hoi ma muli o ka mehana o ka la, ke kehau a me ka ua, ka ai a me @.

 

8. E ulu ana no anei na keiki a ke Akua ma ka uhane, e like me ka ulu ana o na laau a me na pua, a me ka ulu ana o ke kanaka? Isa. 61:11; (Hosea 14:7)

 

"No ka mea, e like me ka honua i hoopuka mai ai i kona muo, e like hoi me ka mahina ai i hooulu i na mea i lulu ia maloko on a, pela no o Iehova ka Haku e poopuka mai ai i ka pono, a me ka nani, imua o ko na aina a pau."

 

9. He malamalama anei ke Akua no kakou e like me ko ka la? Hal. 84:11. hapa mua (Isa. 60:19)

 

"No ka mea, o Iehova, ke Akua, he la no ia."

 

10. He kehau a he ua anei ke Akua no kona poe kanaka? Hal. 72:6 Hosea 14:5

 

"E iho mai no ia e like me ka ua maluna o ka aina mauu i okiia; me na kulu ua i hoopulu iho i ka honua."

 

11. He ai a he iaʻo anei oia no lakou? Ioane 4:14 a me 6:48

 

" Aka, o ka mea e inu i ka wai aʻu e haawi aku ai ia ia aole loa ia e make wai hou aku; aka o ka wai aʻu e haawi aku ia ia , e lilo ia ia waipuna iloko ona e pipiiana i ke ola mau loa." " Owau no ka barena e ola ai."

 

12. Heaha ka Karisto i olelo ai oia ka wai a me ka ai i kumu e ola ai? Ioane 6:53 (Heluhelu pauku 48-58)

 

" Olelo aku la o Iesu ia lakou, Oiaio, he oiaio kau e olelo aku nei ia oukou, A i ai ole oukou i ke kino o ke Keiki a ke kanaka, a i inu ole hoi i kona koko, aole he ola iloko o oukou."

 

 

Ua malama ia ka la hanau o Wasinetonaa , i ka Poaono, la 22 Feberuari nei, ma ke keiki pu ana oka mokukaua Amerika.