Ka Oiaio, Volume I, Number 39, 25 February 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

HONOLULU , FEBERUARI 25, 1896

OIAIO PUKA LA

KA MANA O KA MANAOIO

O ka mana o ka manaoio oia no ka mana iloko o ka olelo i kukukuia ai ua mana la. Aole i oi aku ka mana o ka ke kanaka olelo mamuua o ka ua kanaka la. Ua hoike mai ka moolelo o ka honua, i ke ano ole o ke kanaia a me kana olelo. Aka nae, iloko o ka ke Akua olelo aia no e noho ana ka mana. Ma ka olelo a ka Haku i hana ia ai na lani, a me na mea a pau ma ka ha ana o kona waha. I iho la ko Akua “I malamalama, a ua malamalama iho la.”  Ua pane hoi oia, a ua hemo ke kuli o ka mea lohe ole, ka mea kamailio ole ua kamailio, ka makapo ua like, ka make ua ala hou mai, ua hoomaluia hoi ka uluku ae o ke kai a ua malie ka makani, ua hoomaemaeia hoi ka ma’i o ke kino lepera, ua mokumoku liilii hoi ke kaulahao o ka hewa. O keia iho la ka mana o ka ke Akua olelo, ua hele mai io kakou nei ma a Iesu Karisto mai, a ua apo ia a pau iloko ona, ka huaolelo ola make ole, no ka mea, I kinohi no ka Logou, me ke Akua la Logou, a o ke Akua no n

ka Logou. Me ke Akua no ia i Kinohi. Hanaia iho la na mea a pau me ia; aole kekahi mea i hanaia i hana ole ia e ia. (Ioane 1:1 – 3)  “No ka mea, o ka pono no ia i ka Makua; e noho nui ka ono  a pau iloko ona.” “Oia  hoi ka mua o na  mea a pau, ma ona la no hoi i mau ai na mea a pau.”  (Kolosa 1:19, 17). Ua hoike ia kona mana nani, ma Hebera 1:3. “E hoomau ana i na mea a pau ma kana olelo mana iho.” O ka mana o ka mamoio, oia no ke mana o ka ke Akua olelo, ka mana o Kristo, ka Logou ma ke kino kanaka, nana i lawe mai ka olelo.

Pehea hoi i loaa ai i ka manaoio keia mana?- Ma ka lawe ana mai i ka olelo a ke Akua. Ua hiki i ka olelo ke kamailio ia ia kakou, a e lohe ana kakou , a e waiwai ole ana. I ka poe Hebera  “No ke mea, * * * o ka olelo i lohea aole ia i hoopomaikai ia lakou, i ka hoopili ole ia me ka manaoio iloko o lakou i lohe.” Heb. 4:2. Aia hoi ka mana o ke Akua iloko o kana olelo. Nolaila,  ina ke kanaka e hoonoho i, ia ma kahi o ko ke Akua makemake, e like me ia i hoikeia ma kana olelo e komo pu ana oia ma kahi o ka ke Akua hana. A o keia iho hoi ka manaoio, o ke koho ana i ka ke Akua mau ano hana, kona makemake, kana olelo, ma na mea a pau. Ua kamailio mai oia ma kana olelo,  ia kakou; ua ae aku kakou, i kana olelo,  me ka ike oia ka mea maikai, a ma ia ua hooi ia mai  ia kakou ka hooko ana i ka hana e like me ke kauoha.

E kauoha ana anei ke Akua i ka mea i ike ia ‘ku he mau mea hiki ole ke hana? He mana kai loko o ka olelo e hooko i ke kauoha, i na ka manaoio e ae ana e hooko i na mea i kauohaia. Ua kauoha  mai anei ke Akua, e hana aku i na mea hiki ole – oia hoi ka hoomaemae ana mai i na hewa, ka hana  i ka naauhoa, ka hookomo ana mai i ke ola hou?

Aia hoi iloko o ka olelo kauoha ka mana e hana ai i na mea a pau, ina ka mea hana e ae ana e i ka olelo, e hahai me ka oluolu.

“No ka mea,” wahi a Luka, “aole mea hiki ole i ke Akua,” (Luke, 1:37) Hookahi  wale no hana a ka manaoio, oia hoi ka apo aku i ka mana maloko o ka olelo ma ka hoolohe ana i ka olelo, ma ka lawe ana me ka hauoli i ua olelo la. (Nana  ma Oih.2:41.

 

Manaoio

1 He haawaina anei ka manaoio mai ke Akua mai?  Rom. 12:3, hapa hope ( I Kor. 12:8,9; Epeso. 2:8) “Aka, e mamao hoohaahaa e like me ka haawina o ka manaoio a ke Akua i haawi mai ai i kela me a i keia mea.”

E haawi ana ke Akua ia kakou i ka manoio, e like me kona haawi ana ia kakou i ka ikaika kino;  aka i mea e ulu ai o ka manaoio, he kupono e hoohana kakou i ko kakou manaoio.

2 Ua hiki anei ia kakou ke hoohauoli aku i ke Akua ma ka menaoio ole? Heb. 11:6, hapa mua. “Ma ka manaoio i noho malihini ai oia i ka aina i olelo mua ia ai”

3 Heaha ka Aberahama i hana ai i pono ai oia?Kin. 15:6, (Rom. 4:3).

“Manaoio aku la oia ia Iehova, a hooili mai la oia  ia mea i pono nona.”

4 Heaha ka ke Akua i olelo ai i ka poe i hilinai ia ia? Ieo 17:7

“Pomaikai ke kanaka i hilinai aku ia Iehova, a o Iehova hoi kona mea e manaolana ai.

5 Pehea hoi i ka poe i hilinai aku malun hoakanaka? Ier. 17:5

“Ke olelo mai nei o Iehva peuoi @ poino ana ke kanaka i hiliai i ke kanaka @ manao iho la i ka io i  ikaika nona, a haalele kona naau ia Iehova.”

6 No ke aha e loaa ai ke ola i ke kanaka i hilinai maka manaoio i ka ke Akua olelo ? Ioane 6:63.

“O ka uhane ka mea nana e hoola; aole ke kino he mea e pono ai; o ka olelo a’u e olelo aku nei ia oukou, he uhane ia a me ke ola.”

7 Heaha ka ka luna haneri (keneturiona) i olelo ai i kekahi wa, ia Karisto i olelo aku ai e ola ana kana kauwa? Mat. 8:8, hapa  hope a me eiwa.

“Ua manaoio oia i ko Karisto olelo wale no e ola ai kana kauwa.”

8 Heaha ka Karisto i olelo ai no ka manaoio o ka Luna haneri? Mat. 8:10 hapa hope.

“A lohe ae la o Iesu a mahalo ae la ia, i mai la i ka poe e ukali aku ana, he oiaio ka’u e olelo aku nei ia oukou, aole au i ike i ka manaoio nui e like me keia iloko o ka Iseraela.”

9 Ua loaa anei he ola i kona kauwa, ma kona manaoio ana? Mat. 8:13

“Olelo aku la o Iesu i ka luna haneri. O hi oe; a e like me kau i manaoio mai ai, pela hoi e hana ia aku ai nou. Ola iho la no kana kauwa ia hora.”

10 Heaha ka Karisto i olelo ai i ka wahine ma’i i hoopaa mai ai i kona aahu? Luka 8:48 (Heluhelu 43-48).

“I mai la o Iesu iaia, e olioli oe e ke kaikamahine,  ua ola oe i kou manaoio; e hele hoi oe me ka pomaikai.”

11 Heaha ka ke Akua olelo no kakou? 1 Ioane 1:9.

“Ina e hai aku kakou i ko kakou hewa, he oiaio mai no ke Akua a he lokomaikai i ke kala mai i ko kakou hewa, a i ka hoomaemae mai ia kakou mai na mea pono ole a pau.”

12 Heaha ka kakou e hana ai i mea e hooko ia ai keia olelo wanana ia kakou?

Eia wale no, e hilinai aku i ka ke Akua olelo a e mihi hoi i ko kakou hewa? (2 Sam. 2:3).

 

Aia maluna mai o ka mokuaho China, he ekolu haneri Pake lima hana, a he ewalu haneri Iapana, a he eona haneri malalo o Ogura. Nui kela!

O kekahi maikamahine o Apolonia  ka inoa, nona na makahiki he 14, ua loaa ia oia i ka fiva typhoid, a ua kaa malalo o na lawelawe ana a Kauka  E.A. Williams, e makaala e pono ai.

Ola na la opio o Tommy Cammins,  ma o ka pua ana mai o kekahi pua nani mai kihapai mai o kana Eva, he keiki kane nui puipui i ka hora 7 o ke kakahiaka la Kapule nei.

Poalima, oia ka mahina piha, I’oaono, oia o Kulu, a o ka lapule oia o Laaukukahi  he mau la waiwai nui keia ma ka helu Hawaii, a malia o ike ia aku.