Ka Oiaio, Volume I, Number 39, 25 February 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

____________________________________________________

JOHN E. BUSH,  Luna  Hooponopono  ame  Puuku

____________________________________________________

HONOLULU,  -  FEBERUARO  25, 1896.

==================================================

Mai  ka  B@na  Lahui   Mai.

_________

Pittsburg  Peneselevania  Jan.  30,  1896.

_________

Ka Hoike oiaio i aua o ka lahui Oiwi.

_________

 

          Ma ka lokomaikai o ke Akua, a me ka launa pu ana mai o kona Uhane aloha me makou.  A i loaa ai hoi ia makou he manawa maikai, e hoike aku ai imua o ko makou lahui aloha, i ka moolelo oiaio e pili ana i na mea i hana ia mai maluna o makou, e ko makou hoa paahana pu o ka oihana hookahi.  A i’o ponoi hoi mai ka lahui hookahi mai, a oiai hoi kekahi mau hoolaha, e hoike aua i ka mea oiaio ole e pili ana no makou, ma na nupepa haole o Amerika nei.  A i puka aku hoi ma na nupepa o ko makou aina makuahine, a ke pahola ala hoi kona @ono imua o ka lahui, a ua lilo no hoi ia mau hoolaha ana i mea maikai ole i ko makou mau noonoo, a he mea ehaeha no hoi i ko makou ohana pakahi, a me ko makou lahui aloha, na lono o keia ano, nolaila, i mea e pau ai ko oukou noonoo ana pela, ke hoouna aku nei makou i ka moolelo oiaio, e pili ana no makou.  A oiai hoi, e like me na mea i hoolaha ia aku la paha, e ka nupepa Ke Aloha Aina a me Ka Leo o ka Lahui nokamea, he mua kope no kekahi o keia mau manao i hoouna ia aku nei ia mau nupepa, pela no hoi keia e hoounaia aku nei imua o ka lahui oiwi, e hooiaio aku ana hoi imua o ke alo o ke Akua, a imua hoi o ko makou lahui aloha, no na mea i hanaia mai maluna o makou.

 

          AKAHI. - Ma ke kulanakauhale o Kikako, ma ka mokuaina o Illinois, imua o kekahi halawai i malamaia, ua noi mai la o W. Aylett e haawi aku ia

ia i ka huina dala he $150 mai lokoaku o ka waihona o ka Puali, a ua panai pu mai oia me keia mau olelo penei:  i na aole e loaa ia’u kela huina dala, alaila, he alahele e ae no kekahi a’u i manao ai e loaa ia’u kela huina dala i hai ia ae la maluna, me ka manao maikai o na lala o ka puali, ua hookoia kaua noi, kani iho la ka aka aka manu Pelehu, Pokeokeo.

 

          ELUA. - Ma ke kulanakauhale o Kansas o ka mokuaina o Missouri, imua o kekahi halawai i malamaia e makou, ua n@i hou mai la aia no ka lua o ka manawa i $50 dala no ka pule hookahi, he uku no na ohe a oukou hoi e ka lahui i iulu ai.  A ke loaa ole kela mau dala ia ia e paa ana oia i na ohe, a e nele ana hoi makou i ka mea hana ole, e hana aku ai no ko makou pono ma keia aina malihini, me na manao maikai o na lala o ka puali, a no ka lua hoi o ka manawa, ua wehe hamama hou aku la no makou me ko makou puuwai aloha no ka hooko aku i kana nei, ma o ko makou Papa Hooko ala a me ko makou Puuku maikai ahonui, “Joe Aea,” e like me ka lakou i ke ai he pono, a ua ko no hoi kana mea i makemake ai, ka elua hoi o ke kani ana a ka manu Pelehu Pokeokeo.

 

          EKOLU. - Ma ke kulanakauhale o Cleveland ma ka mahele aina o Ohio, ua malamaia kekahi halawai, i ka noonoo ana i ka pono o kekahi huina dala i noi ia mai ai e ka makou kumu J. S. Liboenio no ka huina dala he $70 i waena o keia noonoo ia ana ua hooholo iho la ka hapanui o na lala, ma o ko makou papa hooko ala a me ko makou Puuku maikai e haawi aku i kela huina dala ia ia.  Keia manao nae i hooholoia e ka elua hapakalu o na lala o ka puali, ua kue iai ko W. Aylett manao, a meia manao kue iloko ona, ua noho iho la oia i ka hana a makou ia auwina la ma Gsays Armory.  I ka po ana iho, ua hele ae la oia i ka hana me na manao ino i ohumuia e laua me J. H. Wilson, me ko makou noonoo ole ae, e hanaia mai ana kekahi hana “hao dala ia po.”  I ka pau ana o na hana oia po, ia hui pu aku la o W. Aylett me J. H. Wilson, me ka maopopo mua ole ia makou ka laua mea i manao ai, a oiai hoi ko makou Puuku kekahi malaila, ua noi aku la oia i kela huina dala i hooholoia e haawi mai ia ia, (Joe Aea).  Ua hoole mai la o J. H. Wilson, aole ia’u ke dala, aka aia ia W. Aylett, ua noi ia aku la o W. Aylett e haawi mai i ke dala, a eia mai hoi kaua pane ia makou, “e imi aku oukou i ko oukou pono ma ke kanawai.”  Me keia mau olelo i pane ia mai e ko makou hoa’loha, hoa kuka, a hoa kaana pu hoi no ka pno a ka oihana a makou e malama nei i ka hanohano oi kelakela o ka Lahui Hawaii, ua like ia mau olelo aloha ole, me he kui houhou ala i ko makou mau puuwai.  A ua lilo hoi ia mau minute o ka manawa i mea na kou makou lunaikehala’e ninau  ai kekahi i kekahi.  Heaha ka makou e hana ai?  Me na haku’iku’i manao ana iloko o ko makou mau puuwai, ua hoi aku makou i ka Hotele me na mano piliaiku o ke kaumaha no ia mea i hanaia iho la i na hora mamua iho. a oiai hoi he $250 ka huina o na dala i hao ia e lana, ke kolu hoi o ke kani ana a ka manu Pelehu Pokeokeo.  A mai ka Hotele aku, hoi aku la makou i ko makou hale holo honua, (Kaa Ahi) kahi hoi a ua mau hao dala nei e noho ana, me na manao maikai mai na lala aku o ka puali, ua noi hou ia aku la kela huina dala ia J. H. Wilson, ua hoole hou mai la oia, aole ia’u ke dala, aia no ia W. Aylett, ua nei hou ia aku la no hoi o W. Aylett ua hoole hou mai la no hoi oia, me ka kuhi ana o kahi i kekahi, ua lilo hoi ia i mea e hoopiii mai ana i na manao maikai ole iloko o ko makou mau puuwai, a oiai hoi kela lei gula i kuni ia iloko o ko makou puuwai, “o ke aloha” pela i loaa ole ai kekahi haawina maluna o W. Aylett ia po, a hookahi o lana i kuwala pooia mawaho o ke kaa.

                                                                             Aole i pau.

                                                                            

____________________________________________________________

 

 

L.   L.  B.  KERR

 

--- ma ---

 

NAE O KA HLEKUAI O MOGAN.

 

Alanui Moiwahine,                                                                                 Honolulu  H., I.

 

_____________

 

KA KALEPA POLOLEI MAI NA HALE HANA MAI

_____________

 

E kuai ana i kekahi mea okoa a e kuai ai ma ka i-a ma ke kumukuai kukaa.

_____________

 

He kupono i na lede e hele mai e nana mua maanei i ko makou puu waiwai nui mamua o ke kuai ana aku i kahi e aku.

 

O KA HOOKAHI DALA I KUAI IA MA KAHI O L. B. KERR UA LIKE IA ME ELUA MA NA HALEKUAI E AE.

______________

 

 

OIA HOI, UA LOAA IA OE NA LOLE

nona ke kumukuai Elua Dala HOOKAHI DALA

 

WALE NO.

                  

          NO PAPALE,

         

                   Na Lipine

 

                             Na Pua Papale

 

                                      Na Hulu

                  

          Na Lihilihi

         

                   Na Mikinilima

 

                             Na Lole

 

                                      Na Paku

 

                                                Na Keokeo Uhi-moe

 

                                                          Na Kihei Huluhulu

 

                                                                   ETC  ETC.

 

L.   L.  B.  Kerr,

                  

                   ALANUI MOIWAHINE

 

Waikiki       iho              ka Hale Kudala o Mogan