Ka Oiaio, Volume I, Number 39, 25 February 1896 — Page 3

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA HOOMANA KARISTIANO

NAAUAO.

 

KO IESU EKALESIA MA KE AO NEI, AUHEA LA IA?

HAINA - O IA NO KA EKALESIA O KA HOOMANA KARISTIANO NAAUAO.

 

BAPETIZO

MOKUNA VI.

Poha ka Olino o ka Bapetizona - Ka Meahiwa

Pohihihi o ka Euanelio - Ke Ki o ke

Aupuni Hiwahiwa.

MAHELE III.

Anuu Elima. ALA HOU ANA.

 

            23 - Oih. 4:12. Aole loa he ola ma loko o ka mea e ae; nokamea, aole inoa i haawiia mai ma lalo iho o ka Lani, i waena o na kanaka, i mea e ola'i kakou. Ep. 1:10. Ma keia aupuni o keia manawa hope, e houluulu ana i na mea a pau ma kahi hookahi i loko o Karisto, i na mea o ka Lani a me na mea o ka Honua.

            24 - Ep. 2:13. Aka, i neia manaw ai loko o Karisto Iesu, o oukou ka poe i manao aku ma mua, ua hookokokeia mai ma ke koko o Karisto. 15. Ua hoopau a e la hoi oia ma kona kino o ka mea e inainaia'i, o ia ke kanawai o na kouoha a me na kapu, i hoolilo ai oia i na mea elua i kanaka Hou Hookahi ma lalo iho ona; peia no ka hana ana a kuikahi.

            25 - Ioa. 17. Ua haawiia mai ke kanawi ma o Mose 'la; aka o ka lokomaikai a me ka oiaio ma o Iesu Karisto la no ia.

            II Kor. 5:17. No ia mea, i na i loko o Karisto kekahi kanaka, he mea Hou oia; ua hala aku 'la na mea Kahiko; a ua ano Hou a e la na mea a pau. E pau ana anei ke kuhihewa o na kanaka o ka Honua Nei, e huli i ke kulana haipule Karistiano, O IA KE ALA HOU!

            26 - Ninau, He oihana mulei anei o Bapetizona Uhane Hemolele? aole, he akea e like me na welelau Lani. O ka wai Maoli anei ke Kumulipo, a o ke Kumuakua paha, i hoohanauia mai ai ka Honua-Lani? Aole. Penei ka pauku, Hal. 92:2. Ma mua e aku o ka hanau ana o na mauna, a o kou hoomaka ana i ka Honua a me ke Ao Nei, a mai kela mauloa, a i nei mauloa aku, o OE wale no ke Akua.

            27 - Sol. 8:22-3. Na Ienova no WAU i ke Kumulipo o kona noho'na, ma mua'e o kana mau hana o ka wa Kohiko loa. Aole no e kala Kahiko aku WAU mai ka Po mai, ma mua iho o ka opuu ana'e o ka Honua.

            Ke maopopo 'la oe i ka mua ana o ka Uhane? ka! aole i mea ia'e he Uhane, he 'kua wale no la e mea ia, aole e kala Kahiko, a i ma hea ka Uhane o Laila? e ia iho. Ioa. 4:24. He UHANE ke AKUA (hapa mua o ka pauku).

            Pau ke kuihe i ka Bepetizona Uhane, ea!

            Oih. 2:18. A i kela mau la, e nini aku no au i ko'u Uhane, ma luna iho o ka'u poe kauwa kane a me ka'u poe kauwawahine; a e wanana ae lakou. [Oia ke au Karistiano]

            28 - Iob 26:7. Ua hohola aku oia i ke kukulu-akau ma luna o ka neoneo, a waiho ihola i ka Honua Nei ma luna o ka OLE.

            He aha hoi ka mea olelo ole, ma luna o ka wai? ta-ha-ha! ke pakike nei ta oe i ko ke AKUA Lelepuni, Poaipuni a me kona Nuiakea. Aole anei oe i ike, he wai a he ua ka UHANE? e nana i keia, Hal. 72:6. E iho mai no oia e like me ka ua ma luna o ka aina mauu i pokepokeia; a me na kikiao-ua hoi, e hoomau ana i ka Honua Nei. Ua lawa. Pe hea, ea, ma ka ouli Aarona anei, i ka wia Maoli, aiole i ka ouli Karistiano ma ka wai o ka UHANE HEMOLELE?

            E huli, e huli i ka ouli Karistiano. Olino.

            Hal. 71:22, hapa hope: O oe no ka Mea Hemolele o ka Isaraela.

            Aole i pau

 

MAKANANI

MA K KIHI MAUKA O ALANUI PAPU A ME KALEPA.

 

AOLE O MAKOU MALAMA I NA KAMAA hiki ole ia makou ke hooiaio aku i kona paa, a i hiki ole ke kuai no ke kumukuai makepono a i kupono hoi no keia mau la mamake o ka aina. I mea e hiki ai ia makou ke malama i na kamaa maikai wale no o na ano a pau, a e kuai aku hoi no na kumukuai haahaa loa, ua kuai pololei aku hoi makou i ko makou mau kamaa mai na hale hana kamaa nui a kaulanano ka maikai, ka paa a me ka nani.

NO KEIA KUMUA LAKOU MAU MAKOU I NA MEA MAIKAI WALE NO NO NA KUMUKUAI EMI LOA E HIKI AI KE KUAI HAAHAA AKU I NA MAKAMAKA A PAU MAI HAWAII A NIIHAU.

 

Eia ma keia kii kamaa aulii e ike ia iho ai na ano o na kamaa NANI ma kahi o MAKANANI

 

HE EKUA WALE NO DALA ME HAPALUA

KO KEIA KAMAA!

 

Pela iho la ke ana o ke kuai ana o na ano kamaa o ko makou hale. Nolaila, e hoomanao oukou e na makamaka mai Hawaii a Niihau i kahi e loaa ai na Kamaa Paa, Na Kamaa Emi,

                        Na Kamaa helu Ekahi o ka hiehie,

                                    E LOAA NO MA KA

Ka Hale Kuai Kamaao

            MAKANANI

Honolulu, Jan 2, 1896

 

Na Lole           :           :                      

:           :           Kohukohu!

 

Oia hoi ka mea a na lede a pau e ake ana e loaa a he

meahiki wale no ke hookoia.

 

E HELE MAI OUKOU ILOKO O KOU

HALEKUAI A E HANA AKU AU I KA

KA MEA KUPONO I KO OUKOU

MAKEMAKE

 

Ua loaa mai nei ia'u kekahi ano piha o na

 

LOLE AAHU HOU LOA.

 

Crepon, (he like me kanikau)

            Na Lole Farani.

                        Na Lole Ulana Waihooluu Like Ole

                                    Na Lole Awiliwili Lopi Silika me Huluhulu.

 

Na Lole Alabatosa,

            Na Lole Casamia a me Huluhulu

                        Na Lole Hulu Kao Lama

                                    Na Makalena

 

                                                Na Lole Diminite

                                                            Na Lole Pongi,

                                                                        Na Lole Satina

 

                                                Na Peersucker,

                                                            Na Rliss,

                                                                        Na Lole Anuunuu Crepe

 

Na Keokeo Manoanoa o na ano a pau, etc, etc.,

 

                        Aia no hoi ma ko'u Halekuai ka

 

LOLE FIBRE FABRICA.

 

He mea i oi aku ka maikai i ko ka LOLE NAAU HULU.

 

Aole no oe i kahiko piha ke ole i hoi loaa ia oe kekahi o kuu

 

PALEKOKI KOHU MAMALU.

 

A e halo iho hoi i ke Kaliki (Trilby) ano hou, i kupono i kau e iini nui nei.

Aia hoi ma ko'u halekuai na Lole Moepoli i ka hikonoeau ia, a kupono o ka hana ana iho m Adamu

Na Pale ili o na kane i kupono hoi i ko Eva makemake, i huki ai ka Ulua i Malamanui. Uwese oe.

Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima, na hainaka, a pela aku.

E hauoli loa au e hoomakaikai aku i keia mau mea nani i na Lede o Honolul.

 

J.J. Egan.

 

Alanui Papu    Mei 21, 1895.              me 12itf