Ka Oiaio, Volume I, Number 40, 26 February 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE I. HONOLULU, FEBERUARI 26, 1896 HELU. 40

 

OIAIO PUKA LA

 

KA HELU LAAHIA UMI.

 

       "Heaha ka haawina no ke kokua ana i na misiona?"  O ka mea i olelo ia aku, he kanaka opiopio no ia nona makahiki he iwakalua.  O ke kahu ekalesia ka mea nana ka ninau.  Ia wa i lohe ai ke kanaka opiopio ua kau ae la oia i kona mau lima elua, me he la e i aku ana, he umi dala.

       "Aole he umi dala kau e manao la?"  Wahi a ke kumu.  "He oi aku ia mamua o ke kupono nou."

       "Ae, o kou manao ia," wahi ana, "he umi I kekahi la ae, ua hele aku la hoi ke kahu dala."  Pela hoi i hoopaa ia ai kona inoa

       I kekahi la ae, ua hele aku la hoi ke kahu ekalesia i ka makuahine o keia kanaka opio e kamailio no ua mea la, a olelo aku la iaia.  "Ua manao au ua haawi ae o Frank a oi aku mamua o ke kupono, i ka la inehinei."

       "Ua hiki no.  Kuu ia aku oia e like me kona makemake," wahi a kona makuahine, "Mamua o kona huli ana mai na hana hewa a lilo he hoahanau, he nui ka  manawa, ua ike ole makou i kahi e loaa ai i kahi mea ai, aka, i keia wa ua lawa makou i na wa a pau.  Nana makou e hoolawa nei.  E haawi ana no oia i ka hapumi o kana loaa no ka hana a ke Akua.  Ua hoohiki oia e hana e like me @ia.  Nolaila, kuu ia aku oia e hana ana."

       He mea oiaio loa keia, o na keiki i hanau hou ia, me ka naau hou, o lakou ka poe malama loa i ko lakou mau makuahine kane ole.

 

HAAWINA HELUHELU BAIBALA.

 

KA EUANELIO.

 

1     I ka wa hea ke euanelio i hai mua ia ai?  Kin. 3:15.

"E waiho no au i ka inaina mawaena o olua a me ka wahine, a mawaena hoi o kou hua a me kona hua; nana e paopao iho kou poo, a nau hoi e pakuikui aku kona kuekuewawae."

 

O Karisto no ka hua ka wahine, (Gal. 3:16, 19,) a ka inaina i hookomoia iloko o ke kanaka e kue ia Satana a me ka hewa, oia no ka lokomaikai iloko o Karisto.

 

2     Heaha hoi ka euaneli?  Oia no ka mea olioli no ke ola o na lahuikanaka a pau.  Lu. 2:10.

"A olelo mai la ka anela ia lakou.  Mai makau oukon, no ka mea, eia hoi, ke hai aku nei au ia oukou i ka mea maikai, e olioli nui ai e lilo ana no na kanaka a pau."

 

3     Ua haiia aku no anei ka euanelioia Aberehama?  Gal. 3:8.

"Ike e iho la ka palapala hemolele, e hoopono ana ke Akua i na lahuikanaka ma ka manaoio, hai e aku la ia mamua i ka euaneli ia Aberehama, Ma ou aka la e hoomaikaiia'a na lahuikanaka a pau."

 

4     Ua haiia aku no ka euanelio i ka poe Iseraela i ka waoakua?  Heb. 4:2.

"No ka mea, ia kakou kekahi i haiia mai ka euanelio e like me ia ia kakou; aka, o ka olelo i lohea, aole ia i hoopomaikai ia lakou, i ka hoopili ole ia me ka manaoio iloko o ka poe i lohe."

 

5     Ua hoike mua ia anei ko Karisto mau popilikia e na kaula?  Oih. 3:18 (1 P@t. 1:10, 11).

"Aka, o na mea a ke Akua i hoike mua mai ai, ma ka waha o kona poe kaula a pau, e make ana ka Mesia, ua hooko mai ia pela."

 

6     Ma o na kaula hea la i hoike mua ia mai ko Karisto mau ehaeha?  Hal. 22 16-18.  (hoohalike me Mat 27:35).  Isaia 50:6,  (hoohalike me Mat. 26:67).  Heluhelu Isaia 53.

"Ua hoopuni mai na ilio ia'u; Ua poaiia mai au e ke anaina kanaka hewa; Ua o mai la i ko'u mau lima a me ko'u mau wawae; Ua puunaue lakou i ko'u mau kapa no lakou; A o ko'u aahu ka lakou i hailona ai."

 

7     E kulike ai me ka Isaia mau olelo wanana, heaha la ka Karisto hana e hana ai?  Isa. 16:1,2, (hoohalike me Lu. 4:16-19).

"E hookupu oukou i keiki hipa na ke alii o ka aina, Mai Sela o ka waonahele mai, A i ka mauna o ke kaikamahine a Ziona.  E like me ka man@ lele, i kipakuia mai kona punana aku, Pela auanei na kaikamahine o Moaba, Ma na ahua o Arenona."

 

8     Heaha la ka Karisto e kuahaua ai mawaho ae o ka "hai ana i ka makahiki oluolu o Iehova."  (Isa. 61:2)?  "Ka la o ka inaina o ko kakou Akua."

"E hai aku oi i ka makahiki oluolu no Iehova, A me ka la o ka inaina o kou kakou Akua; E hoomaha hoi i ka poe kaniu@u;"

 

9     Maloko o kana haiolelo ma Nazareta, heaha ke kumu O Karisto i heluhelu ole ai i kela hapa o Isaia 61:2, e olelo ana i ka la o ko ke Akua inaina?

 

Haina--No ka mea, o ka la o ko ke Akua o'uolu ka Karisto hana mua i hele mai ai e hana, i loaa ai he wa no ke kanaka e mihi ai.  Aole hoi e hookoia ana ia wa ko ke Akua inaina maluna o ka poe hana hewa a pau na la o kona aloha.  (Heluhelu ia Luka 4:20, hapa mua, ame 21.

"Hoopaa iho la ia i ka buke hoihoi, ae la i ke kahu, a noho iho la ilalo. * * *  A hoomaka oia e olelo mai ia lakou, O keia mau palapala (olelo) i komo aku la i ko oukou mau pepeiao, ua hookoia i keia la."

 

Ina oia i heluhelu i kela wahi o Isaia 61:2, e olelo ana no ko ke Akua la inaina, aole loa hoi e hiki ia ia ke olelo ae me ka oiaio:  "Ua hookoia i keia la," ua mau olelo la no ko ke Akua inaina, no ka mea aole ia wahi o ka olelo i hookoia.

 

11   I kulike ai me ka keia mau olelo, aole anei ka olelo no ko ke Akua la inaina, oia kekahi o ka Karisto euanelio?  Oia no,

 

12   Heaha hoi ka mea hookahi a Paulo i ao mai ai?  1 Kor. 2:2.

"No ka mea, ua paa ko'u aole e hoike i kekahi mea e ae iwaena o oukou, ia Iesu Karisto wale no, a me kona make ana maluna o ke kea"

 

13   Aole anei oia i hai no kekahi la hookolokolo e hiki mai ana?  Oih. 24:25, (hapa mua) Oih. 17:31).

"A i kana kamailio ana no ka pono, a me ka pakiko, a me ka hookolokolo."

 

Ma keia ua ike kakou o ka haiolelo ana a Karisto, he haiolelo pu ana no ia no ka la o Karisto e hookolokolo ai i ko ke Akua, a hoopai aku no ka hewa, Hoik. 19:11-15.  Ua haiolelo o Paulo no k hookolokolo e hiki mai @, aole no ka hookolokolo i hiki ia wa

 

14   Ma ka hihio, heaha ka Ioane i ike ai?  Hoik 14:6 (hapa mua)

"A ike aku la au i kekahi anela hou e lele ana i waena o ka lani, ia ia ka euanelio mau loa."

 

15   Heaha ho ka keia anela i hoike ai ko ke ao a pau?  Hoik. 14:6, (hapa hope).

"E ao ai i ka poe e noho la ma ka honua, a i ko na aina a pau, a me na ohana, a me na olelo, a me na lahuikanaka;"

 

16   Heaha hoi ka olelo a keia anela?  Hoik. 14:7, (hapa mua).

Hoakaka--Ua hiki mai ka hora o kona hookolokolo ana, aole e hike mai ana, e like me ka Paulo i olelo ai.  (Oih. 24:25).  I ka wa kupono e lohe ana ko ke ao a pau i keia olelo kuahaua.

 

17   Alaila, aole anei ka olelo kuahaua o ka La Hookolokolo oia no kekahi mahele o "ka euanelio mau loa."  Ae, oia no.  Hoik. (1: 6, 7).  E. H. G.

 

O kekahi lima hana Iapana o ka mahiko o Ewa nei, ua eha ia oia i ke kaa'hi, a ua hoihoi ia mai oia no ka halema'i Moiwahine e lappau ia ai.