Ka Oiaio, Volume I, Number 40, 26 February 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

 

            KA OIAIO PUKA LA.

 

            JOHN E. BUSH, Luna Hooponopono am@ Puuka

 

            HONOLULU.  FEBERUARI 26, 1896.

 

                        MAKE I ALOHA IA.

 

Ua hoolaumahaia ko makou naau i ka heluhelu ma iho ma ka Avataisa, i ka make o Palmer Kuihelani Parker, keiki kane a Samuela a me Harriet Parker.  Aloha makou i keia mau hoa aloha i ka lokumau o ka anela o ka make iloko o ko laua ohana. O ka eha iho la keia o ka make o keia ohana; he elua kaikamahine, a he elua keiki kane, a he poe wale no e komo aku ana i ke kino kanaka makua, he elua i mare, a he elua i mare ole.

            Ke hoomanao mei makou i ka olelo a kekahi haole kilokilo, i olelo iho ai i kona ninau ia ana aku, i ka mai ana o Keoni Parker Opio, e noho mau no kekahi kumu pilikia iwaena o keia ohana, a me he la, ke ukali mai nei no ka poino i ka ohana.  Aka, o keia mau mea e loohia mai nei, oia no ka hopena o na mea a pau@a hookahi wale no wahi o ka maha, o ka olelo a ke Akua.

 

            Mai ka B@na Lahui Mai.

 

            Pittsburg  Peneselevania  Jan. 30 1896.

 

            Ka H@oike oiaio i@na o ka La@ui Oiwi.

 

                        (Hoomauia).

A mamuli paha o kela kuwala pooia ana o J. H. Wilson I kela po, ua imi iho la oia i kahi mea e poino ai makou, oia hoi, ko makou hoopii ia ana no ko makou aie i ke kaa, oiai no nae o keia J. H. Wilson no ka mea nana e malama ka pono o ka mea nona keia kaa, me ka lohe ole o na lala o ka puali he aie ko makou i keia kaa, he $160, oiai hoi ke kakahiaka o kekahi la ae, ua loaa ia laua he manawa maikai e ku--ka ai i kahi mea e hana mai ai ia makou.  A oia hana a laua i ku--ka pu ai oia ua lono kaumaha a oukou i lohe aku la, ko makou hoopii ia ana.  He oiaio, ua loaa io ia makou keia haawina kupilikii mai ko makou io ponoi mai o ka lahui hookahi, a i hele pu mai ai hoi mai ka aina hanau mai, a hiki iho la i nei aina malihini, a iloko o ke kulanakauhale o Cleveland kahi a kona puuwai aloha ole i upu ai i kahi hana hoomokuahana a kipi hoi e pepehi i ka lahui Hawaii e make ma keia aina malihini, aina makamaka ole, hookahi no makamaka “ke aloha o ke Akua.”  E hoomaopopoia hoi e ko makou lahui aloha, o kela huina dala he $70 i kooholo ia ai e haawi aku ia J. L. Libornio aole ia mau huina dala nona wale no, aka, no ke kokua ana no kekahi i ko makou pilikia, o kela a me keia ano, a ua ike maka makou ia mau kokua aloha ana a ka makou Kumu.

            A e like me ka rula i hooholoia e ka elua hapakolu o na lala ma kekahi olelo hooholo oia nae ka W. Aylett i hana iho la i kahi mea kue i ua ru@@@ pu no i hooholo pu ai M@@@ylett.  O keia ae la ke kumu nui o k@@@ pilikia.

            @@@ hoi, he mau hoolaha kekahi e pili @@@ ka Maule ana o kekahi o makou i ka po@li.  Ma keia ke hoole aku nei makou, aole he pololei oia mau hoolaha ana.

            O ke mea oiaio, oia keia; ko makou Luna, Hoohana Nui Mr. Charles Woodford kai loaa ia haawina, mamuli hoi o ka loaa ole ana iaia he manawa kupono e hooluolu ai kona kino oiai oia e lilo ana i o a ianei no ka imi ana me kona ikaika a pau me ka hoomanawanui pauaho ole no ko makou pono, pele i loaa ai iaia ia haawina.  Aole hoi i kahi Opuu Rose au e ka Lahui Hawaii.  Eia no lakou ke popohe nei, me ka hoike ana hoi i ke onaona oi kelakela o ka Lahui Hawaii imua o ka Amerika a pau, a ke puia ‘la no kona a’la waianuhea ma na welelau o ka honua.  A imua hoi o na Noho Kalaunu o ko Europa a puni.

            Aole hoi o keia haawina i ili iho la maluna o makou he kumu ia e mimino ai kona pua, a e mae ai kona lau, aka, he hooi ana ae ia i kona nani oi kelakela.

                        Aole i pau.

 

                        KELA ME KEIA.

            He 14 ka nui o na tona kopaa o kekahi eka o ka aina o ka Mahiko o Waianae.

            He luaiakoko ka ma’i i make ai o P. K. Paker Ua pau ae kona piva loaa iho la oia i keia poino.

            E lawe nai i ka nupepa PUKA LA KA OIAIO i ike pono i na aoao Elua o ko ke kanaka ola ano.

            Ua hoopalau o Mr. Keliinoe me Miss Ema Yates, kaikamahine a ka Hope Makai Nui o Kau.

            Ua hoopalau hoi o Mr. Charles Creighton me Miss May Cummins.

            Eia o Rev. Lukela ma Honolulu nei i keia manawa.  He kahunapule aloha alii keia.

            Ua lohe mai makou o Rev. Kaili ke noho kahu ana no ka Ekalesia o Hana, Maui.

            Ua hookuuia o Underwood a me Shermann ma ka hoopii kipi e ke jure.

            He 7000 tona ka nui o ke kopaa i manaoia o keia wili ana o ka mahiko o Spreckels.

            Ma ka hoopii lapaau hoopunipuni, imua o Mr. Waipuilani, L. K. o Kau ua hoopaiia hoi o Kinolaupele he $200 a me na koina.

            Ma ka auina la apopo (Poano) hora 4 e malamaia ai ka halawai hoolewa o Palmer Kuihelani Parker, ma ka home o na makua.

            A ka mahina ae nei o Maraki e hookolokoloia ai ka hihia o Cranstoun, Muller a me Johnstone imua a na Aha Hookolokolo o Vitoria.

            Ua nui na pake kuonoono o keia kapitala i paa i ka hopu ia ka makai kiu Kaapa no ka hewa pili waiwai a noho ana i ka halewai.

            I ka hora 8:30. p.m. o ke ahiahi Poalua nei i ku mai ai ka mokuahi Altmore i o kakou nei iloko o 11 la holo mai Pokalana mai, ua lawe mai oia he 24 Iapana eepakeke, a he 200 tona ukana, a e holo ana oia i keia ahiahi no na Hui o Iapana, ke ole nae na kuia.

 

            L. B. KERR,

            ma

            NAE O KA HALEKUAI O MOGAN.

            Alanui Moiwahine, : : : : Honolulu H., I.

 

            KE KALEPA POLOLEI MAI NA HALE HA MAI.

 

            E kuai ana i kekahi mea okoa a e kuai ai maka i-a ma ke kumukuai kukaa.

He kupono i na lede e hele mai e nana mua maanei i ko makou puu waiwai nui mamua o ke kuai ana aku i kahi e aku.

O KA HOOKAHI DALA I KUAI MA KAHI O L. B. KERR UA LIKE IA ME ELUA MA NA KALEKUAI E AE.

 

OIA IIOI, UA LOAA IA OE NA LOLE nona ke kumukuai elua Dala HOOKAHI DALA WALE NO.

NA PAPALE,

Na Lipine

Na Pua I’apale

Na Hulu

Na Lihilihi

Na Mikinilima

Na lole

Na Paku

Na Keokeo Uhi-moe

Na Kihei Huluhulu

ECT. ECT.

 

L.B. Kerr,

ALANUI MOIWAHINE.

Waikiki iho @ ka Hale Kudala o Mogan.