Ka Oiaio, Volume I, Number 41, 27 February 1896 — Page 1
This text was transcribed by: | Richard Tavares |
This work is dedicated to: | Awaiaulu |
Ka Oiaio/Ka Oiaio Puka La/
Hoopukaia i na la a pau koe ka la Sabati a me Lapule no 30 keneta o ka mahina.
-----
BUKE I, HONOLULU, FEBERUARI 27, 1896. HELU, 41
-----
OIAIO PUKA LA
-----
E MANAOIO I KE AKUA.
-----
E ae mai ana ka hopohopo a me ka pouli maluna o ka noonoo o ke kanaka, i kekahi manawa a e hooweli ana e uhipu maluna o kakou, aka, aole ia he mea no kakou e haalele ai i ko kakou manaoio. E haka pono ko kakou maka maluna o Iesu, me ka ike a ike ole. E hooikaika kakou e hooko pololei i ka kakou hana i kela a me keia la, a laila hoomaha malie iho maluna o ka ke Akua mau olelo hoolana.
He manawa no kekahi e hoea mai ana e hapai ae ana i ka noonoo i ko kakou maikai ole, e hookomo ana i ka lia weliweli a puni ka uhane o ke kanaka, aka aole keia he hoike ua hoololi a eke Akua i kona aua ia kakou, a o kakou paha i ke Akua. Aole hoi he mea kupono e hoao ia e pulama ae i ka noonoo a kekahi kulana eehia o loko o kakou. Aole no paha e loaa ana ia kakou o keia la ka maluhia a me ka oluolu a kakou i ike ai i ka la mamua aku; aka, he mea kupono ia kakou e apo aku i ka lima o Karisto, a e hilinai aku ia ia i ka pouli e like me ka malamalama. E hawanawana mai ana paha o Satana, “he kanaka kino nui oe e hiki ai ia Karisto ke hoola.” Oiai oe e ae ana no he oiaio he kanaka hewa oe a he maikai ole, ua hiki no nae ia o eke hookuu aku i ka mea hoowalewale me ka leo kaumaha: ‘Mamuli o ka pono ka hoolapanai, ke lawe nei au ia Karisto oia kou Hoola. Aole au e hilinai ana i ko’u pono iho, aka i ka pono o ke koko waiwai nui o Karisto Iesu ka mea e maemae ai au. I keia wa ua kau ae hoi a’u i kou kino nawaliwali maluna o Karisto.’, Ua kupono e lilo mau ko ke Karistiano noho ana i ola ana manaoio makaukau mau. O ka hiliuai loli ole, ka hilinai kupaa maluna o Karisto, oia ka mea e loaa ai o ka maluhia a me ka hoolana ana i ka uhane.
-----
O kekahi o na mea dala o na Moi iho la i kuai kudalaia ai e Mr. J. Mogana ua lilo ia T. H. Davis, he $550 a ua hoihoiia aku no ka hale hoikeike o na Kula Kamehameha.
-----
HAAWINA HELUHELU BAIBALA.
-----
O KARISTO ILOKO O KE KAUOHA KAHIKO
1 He Nohona no anei ko Karisto mamua o kona hanau ana i keia ao ? Ioane 17:5.
“An hoi oe, e ka Makua, e hoonani mai oe ia’u me oe iho ma ka nani o’u i nani ai me oe mamua o ka hookumu ana o ke ao nei.”
2 E ola ana anei ia mamua o Aberahama? Ioane 8:58
“I aku la o Iesu ia lakou, oiaio he oiaio ka’u e olelo aku nei ia oukou, mamua o ko Aberahama noho ana. Owau no.”
3 Heaha ka ke kaula Mika i olelo ai no ka hele ana mai o Karisto?
“A o oe, Mika 5:2 Betelehema Eparata, ka mea uuku iwaena o na tausani o Iuda, mailoko mai ou e hele mai io’u nei, ka mea e alii ana iloko o ka Iseraela; mamua mai kona puka ana, mai ka manawa kahiko loa mai.”
Ma ka olelo Hebera, mai na la mai o ka manawa pau ole.
4 Ua hana ani o Karisto i na mea a pau? Col. 1:17.
“Aole i hoouna mai o Karisto ia’u e bapetizo, aka, e ha i ka euanelio; aolelo ma ke akamai i ka olelo e hoolilo ia ke kea o Karisto, i mea ole.”
5 Pehea la keia pauku o ka olelo e pili ai me na olelo ma Kin. Kin. 1:1? Epeso 3:9, hapa hope.
“He Akua, nan a i hana na mea a pau ma o Iesu Karisto la.”
Ua kappa ia O Karisto ke Akua, (Hebera 1:8) no ka mea ua ili mai kona inoa mai ka Makua mai, ma Hebera 1:4.
6 Owai kai hele pu me ka poe Iseraela maloko o ka Waoakua? Puk. 13:20.
“Hele aku la lakou mai Sukato, a hoomoana ma Etama, ma ke kihi o ka waonahele.”
7 Ko wai inoa hoi kai iloko o keia Anela? Puk. 23:21.
“E ao iaia e hoolohe i kona leo, mai hoohuhu aku iaia; no ka mea, aole ia e kala mai i kou hewa: aia hoi, maloko ona ko’u inoa.”
8 He poe anela e ae no anei kekahi ma ko ke Akua inoa, mawaho o Karisto? Heb. 1:4
“A ua hookiekie ia ae maluna loa o na anela, e like me ka oi ana o ka maikai o kona inoa i loaa iaia, mamua o ko lakou.”
9 Alaila, o wai kai hele pu me ka poe Iseraela maloko o ka waonahele? 1 Kor. 10:4. (Heluhelu pauku ekahi a ka eha).
“A inu no hoi lakou i kela wai lani; no ka mea inu lakou i ko ia pohaku lani i hahai mahope o laa o ua pohaku la, oia o Karisto.”
O Karisto ka alakai ike maka ole ia o kona poe kanaka, i ka wa kahiko loa, e like no me keia manawa.
10 Ua hoi io ia anei o Mose no Kriksto? Heb. 11:26, (hapa mua) Hoohalike pauku 24 me 25.
“E manao ana hoi i ka hoino ana a Karisto i hoino ia ai he waiwai la e oi aku ana mamua o ko Aigupika waiwai; ne ka mea, ua manao aku oia i ka hoouku ia mai.”
11 O ko wai uhane la kai loko o na kaula o ke au o ke kauoha kahiko? 1 Pet. 1:10; hapa hope.
“Oia ke ola a na kaula i huli ai, me ka imi ikaika, o ka poe i wanana mai i ka pono e hiki mai ana io oukou nei.”
12 Nolaila, owai ka Hoola o kanaka ke au o ke Kauoha Kahiko a me ke Kauoha Hou? Oih. 4:12. (Heb. 9:14.15).
“Aole loa he ola maloko o ka mea e ae; no ka mea, aole inoa e ae i haawiia mai malalo iho o ka lani,iwaena o na kanaka, i mea e ola’i kakou.
E. H. G.
-----
I keia la e kudala ia ai Club Stables.
Ua oluolu loa ae ka mai o Ilamuku Brown a ua kipa ae oia e ike ia kuhina Cooper.
Ua hoi aku no Iapana ma ka Altimore kekahi poe limahana Iapana i pau ko lakou mnawa kepa.
Ua hoounaia aku ma ka Australia i ka Poakolu nei he $200, no ke kokua i ka poe Amenia pilikia.
Ua oki ia ka wawae o ka Iapana limahana i pii ia ai e ke kaahi ma Ewa ae nei a e ia oia ke waiho mai nei iloko o Haukipila.
He anaina haipule kai haawi ia ae ma ka halepule Karistiano ma alanui Alakea i ka auinala Poakolu iho nei,a o ke kumuhaua oia ke pale ana ku i ke kumuhana o ka ae ia e laikini ka opiuma.