Ka Oiaio, Volume I, Number 42, 28 February 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA PUKA LA OIAIO

 

                                    BUKE I.                                                                                                                     HONOLULU, FEBERUARI 28, 1896.                    HELU 42

 

OIAIO PUKA LA

 

------NA-----

 

K@eh@ua io Karisto La.

 

-----oo----

 

HAKUIA E MRS. E. G. WHITE.

 

---------------------

 

KA PILIKIA O KA LAWEHALA INA AOLE O

KARISTO.

 

            I Kinohi na hanaia ke kanaka me na mana hanohano a me ka noonoo pono.  Ua kina ole i kona noho ana, a ua lokahi pu me ke Akua.  Ua maemae kona mau noonoo, hemolele kona makemake ana.  Aka, ma ka hookuli ana ua ano e kona ikaika, e komo mai ka alunu ma kahi o ke aloha.  No ka nawaliwali o kona ano ma ka hana hewa ana, ua hiki ole ia ia, ma kona ikaika iho, e kue i ka mana o ka hewa.  Ua lilo ia i pio na Satana, a ua mau kona noho ana no pela ina aole i kokua mai ke Akua.  O ka makemake o ka mea hoowalewale e hoohoka i ka mea a ke Akua i hooholo ai i ka hana ana i ke kanaka, a hoopiha i ka honua me ka poino a me ka neoneo.  A e kuhikuhi i ka nui o ka ino me he mea la oia ka hope o ka ke Akua hana iloko o ke kanaka.

            Ma kona ano hewa ole, ua ka nailio oluolu ke kanaka me ka mea @kahi i hunaia'a ka waiwai nui o ke akamai, a me ka naauao." (Kol.2:3) Aka, mahope o kona hana hewa ana, aole i loaa ia ia ka hauoli iloko o ka hemolele, a ua imi oia e pee mai ke alo aku o ke Akua.  Oia no ke ano i keia wa o ka naau i hoohanau hou ole ia.  Aole i kulike me ka Akua, aole hoi i loaa ka olioli ma ke kamailio ana me ia.  Aole i hiki i ka lawehaia e noho oluolu imua i ke alo o ke Akua; e makau ana oia i ka hele pu me na mea hemolele.  Ina i ae ia oia e komo ma ka lani, aole he mea ia e olioli ai oia.  Aole e apo mai kona uhane i ke aloha alunu ole, ka mea e noho mana ana malaila---o kela naau keia naau e pana pu ana me ke aloha pau ole.  O kona noonoo ana, kona mau pono i makemake ai, kona makemake maoli, he kue i na makemake o na mea e noho hewa ole ana malaila.  E lilo oia i mea himeni kupono ole i na leo mele o ka lani.  E lilo ka lani i wahi e ehaeha loa ai ia; e ake oia e hunaia mai ka mea nana mai ka malamalama o ia wahi, a me ke kiko waena o kona olioli.  Aole he kanawai hooholo wale ia, ka mea e hookaawale ana i na mea hewa mai ka lani mai:  Ua hookukeia lakou i ko lakou kupono ole e noho malaila.  E lilo ana ka nani o ke Akua i "ahi e hoopau ana" ia lakou.  (E aho ka poino ana i hunaia lakou mai ka maka mai  o ka mea i make mai i hoola no lakou.)

            Aole e hiki ia kakou ma o kakou iho hoi e pakele mai ka lua mai o ka hewa kahi o kakou i poho ai.  He hewa ko kakou mau naau, aole no hoi e hiki ia kakou ke hoololi iho.  "Owai ka mea i unuhi ae i ka mea maemae mailoko mai o ka mea haumia? Aole kekahi."  "No ka mea, o ka manao o ke kino, he mea kue ia i ke Akua ; aole ia i malama i na kanawai o ke Akua, aole loa e hiki."  (Ioha. 14:4, Rom. 8:7)  He mana no ma ko lakou wahi ponoi ke ao ia ana, ka imi ana i ka naauao, ka hoikaika ana i ka makemake, ka hana a ke kanaka, aka, ma keia mea ua mana ole.  Ua hiki paha ia lakou ke hoohua ae i ka makemake owaho, aole i hiki ke hoololi i ka naau, aole he hiki ia lakou ke hoomaemae i na kumu o ke ola.  I mea e hiki ai i na kanaka a pau ke hoololi ae mai ka hewa mai a ka hemolele, he pono ke loaa ka mana e hana ana maloko mai, i ola hou ai mai luna mai.  A o ua mana ala o Karisto no ia.  Ma kona mana wale no e hiki ai ke hoola ina mea make a pau o ka uhane, a hoopili aku ke Akua i ka hemolele.  Ua olelo mai @ ola, "ina e hanau hou ole ia ke ka@" ina aole he naau hou, alaila aole @ makemake hou, na hooholo hou @ ka naau, na iini hou, e alakai ana i ke ola hou "aole e hiki iaia ka ike aku i ke aupuni o ke Akua."

            O ka manao he pono ke hoomahuahua wale i ka pono iloko o ke kanaka ma on a maoli he manao hoopunipuni ia e make ai.  "O ke kanaka ma ke kino aole e loaa iaia na mea o ka uhane o ke Akua, no ka mea, he lapuwale ia mea iaia, aole hoi e hiki iaia ke hoomaopopo aku, no ka mea, ma ka uhane wale no lakou e ike ia ai."   "Mai kahaha kou naau i ka'u i olelo aku ai ia oe, e pau oukou i ka hanau hou e pono ai."  No Karisto, ua kakauia iloko ona ke ola, a o ua ola la ka malamalama no na kanaka, no ka mea, aole he inoa e ae i haawiia malalo iho o ka lani, iwaena o na kanaka i mea e ola ai kakou.

            Aole i lawa wale ma ka ike ana i ka lokomaikai o ke Akua, e ike i ke aloha, i ke aloha makua, i kona ano maoli.  Aole i lawa ka hoomaopopo ana i ka naauao a me ka pololei o kona kanawai, i hookumu ia maluua o ke kahua mau o ke ano aloha.  Ua ike o Paulo ka Iunaolelo i keia mau mea a pau loa i kona olelo ana:  "Ua ae aku au i ke kanawai he pono."  "Ua hemolele ke kanawai, a ua pono, a ua maikai ke kauoha."  Aka, ua olelo hou ae la oia iloko o ka awaawa o kona naau.  "Aka, ma ko ke kinoa au, ua kuaiia no ka hewa." Rom.   7:16,12,14       2   Rom.  7:24  Ua iini loa oia i ka maemae, ka pono, he mea hiki ole iaia ke ano ae nona iho, a ua hooho ae la oia me ka leo nui.                  "Auwe hoi au ke kanaka poino!  nawai au e hoopakele ae i ke kino nona mai keia make."              (2 Rom 6:23)  Oia ke ano o ka uwe ana i pii ae mai ka naau kaumaha ae ma na aina a pau a ia kau aku.  Ina mea a pau he hookahi wale no pane ana. "E nana i ke Keikihipa a ke Akua, nana e lawe aku ka hala o ko ke ao nei!

            Nui na ano o ke ao ana mai o ka Uhane o ke Akua e hoike ana i keia mea oiaio, i hoomaopopo lea ia i na uhane e iini ana e hookuuia mai ke kaumaha o ka hewa.  I ko Iakoba auhee ana mai ka hale mai o kona makuakane, mahope o ka hoopunipuni ana ia Esau, ua kaumaha loa kona naau no ka hewa.  Oiai he hemahema a he kuewa i hookaawaleia mai na mea a pau e hooluolu ana i kona noho ana, o ka noonoo hookahi no ia maluna ae o na mea e ae a pau, oia hoi ka maka'u o oki ia aku oia mai ke Akua mai no kona hewa, a o haalele ia e ua lani.

 

                                                                                                                                                                                                                                                                        Aole i pau.