Ka Oiaio, Volume I, Number 44, 3 March 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

JOHN E. BUSH, Luna Hooponopono ame Puuku

HONOLULU, MARAKI 3, 1896.

 

NA MEA MAIMAI.

 

 

            I keia mau la, ke waiho mai nei o Paulo Numana iloko o ka ninipo o ka onawaliwali, a o S. E. Bihopa hoi kekahi e lohea mai nei. He mau mea oo keia, aka he manaolana no ko makou aole e lilo keia ma’i ana he mea no laua e poino ai.

 

 

NA ANOAI

 

 

            Ma na hoolaha a na Hotele, e kona ana i ke kipa ana o na malihini, hookah mea nui a makona e ike nei, a oia mea, oia no ka hoolaulea ia ana o na anoai o ka puu o ke kanaka, me na mea ai e hoono ai i ka ai ana, a me na leo o na pila a me na leo mele. He oiaio, ua lilo ka opu o ke kanaka he akua nona i keia mau la anoe o ka noho ana uhaai o ka lahuikanaka.

 

 

E MALAMA I KA WAI.

 

 

            O kekahi kumu ma’i fiva e laha mai nei, mamuli no ia o ka wai, main a kahawai mai a ua paipu  Aole he hewa o ka makaala i ka luku ana i na mea ola i kumu iloko o na wai kumau i hookah ia ae iloko o na kiowai o kakou. E hoomau i ka heemaemae ana e like me ka wa o ka ma’i kolela, i ka wai, i ka ai, a i kahi noho. O ke ea maikai kekahi mea kumu kuai ole e loaa ana i na mea a pau, aka, aole nae e eu ae kanaka main a wahi kookoou a kuluma i na mea hoina ea.

 

 

JOHN T. WATERHOUSE

 

 

            Ua lawe aku ka make i keia keiki kamaaina a Hawaii nei, i ka hora 4:30 auina la o ka Poakahi nei  He mau pule kona kaa ana iloko o ka ma’i a mamuli o ke kino omali i ka loku mau a ka omaimai ia ia mai kona noho paa ana he hoa no ka Papa Ola i na la o ka ma’i kolela, na ikaika ka ma’i mamua o ka hiki ia ia ke pale aku.

            Ua hanauia o Mr. Waterhouse ma Tasmania, Auseteralia, i ka 1841, In@ai 17, a ua hiki mai ma Honolulu nei i ka makahiki 1850. He kanaka oluolu oia, he hoopono, a he hoomanawanui. Ua hilinai nui ia aia e na haole kalepa ma kona ano hoopololei. He hoahanau oia no ka Ekalesia Kaukeano, no ua makahiki loihi, a ma na hana a pau e hooholo mua ai i ka pono o ka Ekalesia, oia kekahi o na lala hooikaika mau. Ua waiho iho oia he wahine, a he ewalu mau keiki i kanaka makua a pau koe hookah kaikamahine e hele nei ma ke Kula Punahou; he mau kaikaina eleu a he kaikuahine hookahi, na pilikoko lehulehu, a me na kini makamaka me na hoaloha. Na ka Haku mai ke kanaka a na ka make hoi oia e ako nei, aka, e manaolana kakou, ua moe oia i ka poli o kona makuahine honua, a hiki i ka la a ka leo o ka Haku nana oia i hana, e hooho iho ai me o leo o ka Anela Nui, a e ala mai oia e ike aku ia ia he maka a he maka, a e loaa ia ia na pomaikai o ka hoola mua ana.

 

 

KELA ME KE@A

            He oia mau na onene kaua o na aina e, oia ka mea i lohe ia mai.

            Ua lohe ia mai, ua oluolu iki o Eva Paka i keia mau la.

            He mau Aeko wale no na moku kaua e hoolulu mal nei i ke awa lai o Kou

            No ka mau o ka hiolo ana o na pakaua, oia ke kumu i ukele loa ai na alanui

            Nui ka ua o keia mau la o kakou e nee nei ke hele ala a hoopue iloko o ka huluhulu.

            He nui na hauwawa i keia mau la e pili ana no ka nupepa KA LEO, no ka oili pulelo hou aku.

            I keia la i kuehu pau aku ai na moku holopili aina o kakou nei, no ko lakou mau awa maa mau.

            Ke pii mau ae nei ka oluolu o kauka Makalena i keia mau la, malalo o ka lawelawe ana a kona mau kauka.

            I kekahi la o keia pule e haalele iho ai ka Bennington i na aekai o Hawaii nei, a holo aku oia no Alaska.

            Ua hala ma kela huli o ka poepoe honua o J.T. Waterhouse Jr, a ua kuu kona luhi, pau ka ike ana i na inea o keia ao.

            I ka hora 1 o ka ponei ke ku ana mai o ka mokuahi Pekin i o kakou nei, a ma ona la, i loaa mai, ai na mea hou o ka hi@na mai.

            He hana nui ka na luna hana alanui o ke aupuni ke kiai ana i na puka wai a pau o kela wahi a me keia wahi o na alanui i ka pone@ oiai ka ua e loku ana me ka ikaika.

            Eia i Honolulu nei o J. W. Kalua, ka Lunakanawai Kaapuni o Maui o kana hana i hiki mai ai. aole makou i maopopo, heaha la?

            Ua make mai nei i Alameda o Kapena Moka, he Kapena kamaaina oia i keia awa, nana i haaheo ka mokuahi Alameda i kekahi mau makahiki loihi i hala, he kaikamahine kana e ola nei i Hawaii nei.

            Poniponi hoi ka hoea ana mai o ka mokuahi Rio de Janerio i o kakou nei i ke kakahiaka o keia la, i lawe mai nei i na limahana Iapana no na mahiko o Hawaii nei, ka mea makemake ole hoi a ka Repubalika o Amerika o ka hookauwa kuapaa.

            Mawaena o ka hora 8 a me 9, ua holo mahuka mai la kekahi kaikamahine o ke Kula o Kawaihao ae nei a ua ike ia kona lele ana mai maluna o ka pa Kula Kahunapule, a holo a lele ma ka pa makai iho, a holo loa aku la. A ua mare ia oia ma ka po Sabati nei me kekahi haole, ma ka luakini o Kaumakapili, e Rev. J. Waiamau.

            E na mkuahine o ka lahui e ola ai ka aina, ka poe hoi i manao ia ai na oukou hoi e hoohua ae i ka lahui kanaka, mai hoohalike oukou me keia hoa kula o oukou oiai he hana hupo loa ia, e ao i ka hana pono i @ ai ka aina.

 

L. B. KERR,

 

ma

 

NAE O KA HALEKUAI O MOGAN.

Alanui Moiwahine, Honolulu H., I.

 

KE KALEPA POLOLEI MAI NA HALE HANA MAI.

 

 

E @uai ana i kekahi mea okoa a e kuai ai ma ka i-a ma ke kumukuai kukaa.

 

            He kupono i na lede e hele mai e nana mua maanei i ko makou puu waiwai nui mamua o ke kuai ana aku i kahi e aku.

            O KA HOOKAHI DALA I KUAI IA MA KAHI O L. B. KERR UA LIKE IA ME ELUA MA NA HALEKUAI E AE.

 

            OIA HOI, UA LOAA IA OE NA LOLE nona ke kumukuai Elua Dala HOOKAHI DALA WALE NO.

            NA PAPAKE,

            Na Lipine

            Na Pua Papale

            Na Hulu

            Na Lihilihi

            Na Mikinllima

            Na Lole

            Na Paku

            Na @ eokeo Uhi-moe

            Na Kihei Huluhulu

            ECT ECT

            L. B. KERR

ALANUI MOIWAHINE

Waikiki iho @  ka Hale Kudala o Mogan.