Ka Oiaio, Volume I, Number 44, 3 March 1896 — Page 3

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA HOOMANA KARISTIANO

NAAUAO.

_________

NO IESU EKALESIA MA KE AO NEI, AUHEA LA IA?

HAINA – O IA NO KA EKALESIA O KA

HOOMANA KARISTIANO NAAUAO.

__________

BAPETIZO

MOKUNA VI.

Poha ka Olino o ka Bapetizona – Ka Meahuna

Pohihihi o ka Euanelio-Ke Ki o ke

Aupuni Hiwahiwa.

MAHELE III.

Anuu Elima.  ALA HOU ANA.

KINO MAOLI.

   He poe kino Maoli no keia ua holoia, kuehuehuia, anaanaiia. hoomaemaeia, a pau ka pelapela o ke kino.  Alaila, e hoi a luakaha iho no ma nei Honua a kakou no e noho nei, e nau a e ai hoonuu ana i nei mau mea maoli e ulu mai nei; oiai, ua nalo aku ka popopo. ka palahu, a me na mea ino a pau ma luna o na mea-ulu.  He Honua Hou ia, he Idumia ka inoa  No ia mea ua nani, a ua mae-ole na mea a pau o keia lepo.  A o ka nani o ua kino la, e ulu mau ana i ke alohilohi palenaole, ia kau aku, ia kau aku, a hoea  i ke kuikahi o ka mauloa.

   Nani, keu, kupaianaha ka ke Akua hana!  I Kor. 15:44. *** He kino Maoli kekahi kino ***

   He poe Akahai keia, Oluolu a me na mea like: a o kekahi ouli o na haipule Karistiano, i noho hoomanawanui’i ma keia wa a kakou e noho nei Penei ka pauku,  Mat. 5:5.  Pomaikai wale ka poe Akahai: nolamea, e lilo ka Honua Nei ia lakou.

   I Kor. 15:23. *** O Karisto ka hua mua; alaila, o ko Karisto poe aku, i kela wa ona e hiki mai ai.

KINO UHANE.

   E oili mai ana na kino uhane, mai na wahi a pau o ke Ao Nei, ka poe i holoiia i ke koko o Iesu.

   E hoea mai ana lakou i loko o ka hiohiona olino o ka nani maeole: e pii, a e ulu mau’e ana i ke alohilohi pauole, e like me ka maaloa o ke Akua, pela no ka nani e puapua mau ae ana, mai ua mau kino ‘la i hooluuia i ka nani alohi o ke KEIKI HIPA KINAOLE.

   He poe lakou i lanakila ma luna o ko ke Ao Nei mau kikiao o na mea kulai a hoohihia.  A e ike maoli aku i ke Akua, he maka a he maka, he kino no a he kino, a ma ka uhane hoi   I Kor. 13.12.

   I keia wa, ua ike powewehi au aka, i kela wa aku, e ike maoli aka no wau, e like me a’u i ikeia mai ai.

   I Kor. 15:54  A i ka wa e hookomo ai keia palaho i ka palaho-ole a me keia make i ka make-ole; alaila, e ko kela ololo i kakauia.  Ua aleia ka make e ka lanakila!

 

KE ANO AKAHI O KE ALA HOU ANA

   1-O ko Karisto poe ka mea ( na haipule Karistiano) a ma hope iho ka poe aia, hoomaloka ia Iesu, hooino Uhane Hemolele, o ka; oe hewa ihola no ia.  E oili mai ana ka Luna Anela me ka pu, alaila, e puhi ae ana oia i loko o ka lewa Nuiakea, ia wa koke no e nakaka, a hamamana luakupapau o na ilina; e puka ae kela mea’ eia mea, mai kona lua ponoi, a e pii huluipau ana i loko o ka lewa, e hui aloha me ka Haku Iesu, a e hoomalu iho i nei Honua, no hookahi (ausani * wekili ( 1,000 years as a millenium)

   2-I Kor. 15:23. O kela mea keia mea, ma kona wa pono; o Karisto ka hua mua; alaila, o ko Karisto poe, i kona wa e hiki mai ai.  1 Tes’ 4:14 **

Pela no hoi ke Akua e lawe pu mai ai me ia i ka poe e hiamoe ana i loko o Iesu.  16.  Nokamea, e iho io mai no ka Haku mai ka Lani mai, me ka hooho, a me ka leo oka Luna Anela, a me ka pu a ke Akua; a o ka poe make i loko o Karisto ke ala e mai.  17. Alaila, e kaili pu ia ‘ku kakou ka poe i koe e ola okoa ana, me lakou, i loko o na ao kaalelewa e ha’awai pu me ka Haku, i ka lewa; oiahoi, e mauloa ana ko kakou noho ana me ka Haku.

   Ioa. 5:28. Mai kahala ko oukou naau i keia; nokamea, e hiki mai auanei ka manawa e lohe’i ka poe a pau o loko o na ilina i kona leo  Aole i pau

______________________________________________________________________________________

   * He olelo Kumuhonua ia no kakou, i ane 50 ceneturia, i aui aku, a o kona ano he makahiki.

 

R W WILIKOKI:

______

Keena Ana Aina a me Kuai.

______

 

   Ua hiki hoi ke hooponopono pu i na WAIWAI o kela a me keia ano e waiho pohihihi nei; a i lawe wale ia paha e kekahi poe ma ke aluna a pakaha.

   Ua hiki no hoi ke hooponopono i na WAIWAI hihia i paa malalo o ha Moraki a ano e ae paha.

   Ua hiki ke huli maloko o na Buke Aupuni no na aina pohihihi o na palena a me le ano o ka hooliloia ana.

   E loaa no ma ke ALANUI MOI mawaena o ke ALANUI PAPU   a me ALAKEA, maloko o kekahi rumi o ka hale e pili pu ala ma ka aoao ma Ewa o kahi noho o kale Gulika.

   Na Hora Hana mawaeua o na hora 9 a.m. a me ka hora 4 p.m., koe ke Sabati.

Feb. 26, 1896.                       43-1mdly.

______________________________________________________________________________

 

MAKANANI

 

MA K KIHI MAUKA O ALANUI PAPU

A ME KALEPA.

_______________

 

AOLE O MAKOU MALAMA I NA KAMAA

hiki ole ia makou ke hoolaio aku i kona paa. a ‘i

hiki oole ke kuai no ke kumukuai makepono a i kupono noi no keia mau la mamake o ka aina   I mea e hiki ai ia makou ke malama i na kamaa maikai wale no o na ano a pau, a e kuai aku hoi no na kumukuai haahaa loa, ua kuai pololei aku hoi makou i ko makou mau kamaa mai na hale hana kamaa nui a kaulanano ka maikai, ka paa a me ka nani.

NO KEIA KUMUA LAKOU MAU MAKOU

I NA MEA MAIKAI WALE NO

NO NA KUMUKUAI EMI LOA

E HIKI AI KE KUAI HAAHAA AKU

I NA MAKAMAKA A PAU

MAI HAWAII A NIIHAU

__________________________

 

Eia ma keia kii kamaa aulii e ike ia iho ai na ano o

nakamaa NANI ma kahi o MAKANANI

HE EKUA WALE NO DALA ME HAPALUA

KO KEIA KAMAA!

Peia iho la ke ana o ke kuai ana o na ano kamaa o ko makou hale.  Nolaila, e hoomanao oukou e na makamaka mai Hawaii a Niihau i kahi e loaa ai na

Kamaa Paa, Na Kamaa Emi,

Na Kamaa helu Ekahi o ka hiehie,

E LOAA NO MA KA

Ka Hale Kuai Kamaa o

MAKANANI

Honolulu . Jan 2, 1896

 

Na Lole : :

: : Kohukohu!

Oia hoi ka mea a na lede a pau e ake ana e loaa a he meahiki wale no ke hookoia.

E HELE MAI OUKOU ILOKO O KOU

HALEKUAI A E HANA AKU AU I KA

KA MEA KUPONO I KO OUKOU

MAKEMAKE.

Ua loaa mai nei ia’u kekahi ano piha o na

 

LOLE AAHU HOU LOA.

Orepon, (he like me kanikau)

Na Lole Farani,

Na Lole Ulana Waihooluu Like Ole

Na Lole Awiliwili Lopi Silika me Hulu

hulu.

 

Na Lole Alabatosa,

Na Lole Casamia a me Huluhulu

Na lole Hulu Kao Lama

Na Makalena

 

Na Lole Diminite

Na Lole Pongi,

Na Lole Satina

 

Na Peersucker

Na Rliss,

Na Lole Anuunuu Crepe

 

Na Keokeo Manoanoa o na ano a pau, etc, etc

 

Aia no hoi ma ko’u Halekuai ka

 

LOLE FIBRE FABRICA,

He mea i oi aku ka maikai i ko ka LOLE NAUUU HULU.

 

Aole no oe i kahiko piha ke ole i hoi loaa ia oe kekahi o kuu

 

PALEKOKI KOHU MAMALU.

 

A e iho hoi i ke Kaliki (Trilby) ano hou i kupono i kau e iini nui nei.

Aia hoi ma ko’u halekuai na Lole Moepoli i ka hikonoeau ia, a kupono o ka hana ana iho m Adamu.

Na Pale ili o na kane i kupono hoi i ko Eva makemake, i huki ai ka Ulua i Malamanui.  Uwese oe.

Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima. na hainaka, a pela aku.

E hauoli loa au e hoomakaikai aku i keia mau mea nani i na Lede o Honolul.

 

J.J. EGAN.

Alanui Papu mei 21, 1895.           me 12itt.