Ka Oiaio, Volume I, Number 49, 10 March 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA

 

JOHN E. EISH, Iule Peepuupeie ene Puuku

 

HONOLULU, MARAKI 10, 1896.

 

KA NOHO ANA PAKIKO.

 

            Ua lilo ka waiwai ana a me ke kuonoouo ana o kekahi pue, he mea hoohuoi ia e ka lehulehu; a he kumu lili a hoonauki wale na kekahi poe.  O keia mau manao o kanaka i ka poe i kuonoono a waiwai, he kumu ole, no ka mea, i na e imi ia aku ka oiaio, aole i hooi ia aku ke kumu i waiwai ai o kekahi kanaka mamua o kekahi.  Ua hamama like ka ipuka o ka imi loaa i na mea a pau, a iua e hoomau aku ka mea e hookuonoono ana i kana loaa i hooikaika ai, he mea maopopo e ulu ana no kona waihona, aka, ina e hoolilo wale ana oia mamuli o na anoai iho ona a me kana wahine a ohana paha, a e ahuai wale ana ma ua mea i ku ole i ka pono o ke kino a me ka uhane, he mea maopopo loa, e noho mau ana ka ilihune me ia, a o ke kuko ka haawina nui ma kona waihona, me na manao lili a me ka hoino pu.  O keia mea, he imi waiwai, e like me ia i keia manawa, he okoa loa a he malihini i ka lahui Hawaii.  Aka, ke ano kamaaina nei nae i ka lahui ke ano o keia mea, i keia mau la.  He oiaio iaia i pohala ae nei mai kona nanea ana o ke au kahiko a hoomaopopo iho la i ke ano o ka noho ana o ke au hou, na nele oia i na mea a pau.  Ua lilo aku la kona aina, a me kona mau pono a me ke kuleana a pau i na lahui i ike mua i ke ano o ka noho ana apuepue, e like me ka noho ana hune o na lahui Asia a me Europa.

            O ka lilo ana o ka aina o kekahi kanaka-kupa e noho ai a e mahi ai, ia hai, o kona hooilihune ana uo ia iaia iho a me kona ohana iho a me kona ohana aku, a lilo hoi he hana luhi ka hooikaika hou ana aku e hoi hou mai ka pono mua o ka noho ana.  Aka, aole nae e hiki ke oleloia, e nele loa ana ia i ka mea e hiki ai ke ola, oiai ke ola kino maikai mai ke Akua mai me ia.  O ke ola kino, ka waiwai i koe iho i ke kanaka mahope o ka lilo ana o kona mau pono pilikino e ae; a o keia mea, he mea hiki ole ke hooliloia, aka, he mea hiki no nae ke lilo aku ma ka ahuai a manna waleia.

 

            Ua lohe mai makou, ua waiho aku o Sam Daimon i kona noho Kuhina Waiwai ana.  O ko makou lohe keia.

            Ua haawi ia aku kekahi medala hoomanao ia Frank Lavierre, ke kuene o ka moku o ka moku o ka Moi Kalakaua i holo ai a make ma Kaleponi.  Ua haawi ia keia iaia e ka Moiwahine Liliuokalani, he hoomanao ana i ka manao o kona kaikuuane alii.

 

KELA ME KEIA.

            I ke ahiahi Poalua nei ke ku ana mai o Kinau.

            E manaoia ana e hoopii ia ka auhau o na ilio.

            Ma ko makou hoomaopopo a u aole e puka aku ana ka nupepa Ka Leo.  O ko makou lohe keia.

            Nui ka ona ma Kukuluaeo, ma ka nana aku ua like me he Pelehu ala e kope ana i ke Kulina.

            I ka la apopo e holo aku ai ka Hui Keaka no na kai o Iapana.

            He $735.50 ka loaa o ka Hui Keaka i haawi ia ai no ka pomaikai o ka Home Hoohanau Keiki.

            Ua waihoia ka noonoo ana o ka hila opiuma ma ka lima o kekahi Komite Wae.  Pela no hoi ka hila e pili ana i ka auhau.

            Ua nui ka waiwai koke o kekahi poe Iapana, ua manaoia no ka opiuma ke kumu, oia hoi ka mea i hopuia ai ka poe o Hale dute.

            I ka Poakahi nei i pau ai kekahi poe o Hale Dute i ka nopuhopuia no kekahi mau hana kolohe i hanaia malaila, oia hoi na limahana Iapana e hana ana malalo o C. Fishel.

            Ua make iho la kekahi sela o ka mokuahi Kauai i ka Poakahi nei i hauleia e ka eke kopaa, oiai e hiu ia ana iluna a i ka moku ana, ua haule mai la a pa oia a haule aku la oia ilalo o ka lua waiho ukana o ka moku.

 

HOOLAHA!

            O ka poe a pau e makemake ana e hoolilo i ko lakou aina, a e kuai paha i ko lakou aina, ke poloai ia aku nei e hele mai i ke Keena o ka OIAII nei mamua o ka hele ana aku i na wahi e aku.

            O ka poe makemake e moraki a hoaie paha, e hele mai a na makou e kuhikuhi aku i kahi e loaa ai ke dala, no ka ukupanee oluolu, ma ka waiho ana mai i na hoopaa kupono no ia mea.

            1yr.

 

MAKANA-:-MAKANA!

 

            E haawiia ana kekahi

 

Piano Nani o Nu Enelani Mai.

 

--E--

 

L. B. KERR.

            Iloko o na la he 30 mai keia wa aku.  E kuai ana o L. B. KERR i na LOLE O NA ANO A PAU ma ke kumukuai.

 

KUMU LILO MUA

            a e haawi ana i na mea, a kuai ana i hiki aku i ka $2.50 i hookahi kikiki e loaa ai ia lakou he hookahi koho ana no hookahi PIANO NANI O NU ENELANI e ku la maloko o ko makou Halekuai, ma alanui moiwahine.

            E loaa ana ka makana piano i ka mea koho pololei a hookokoko aku i ka pololei o ka nui o na hua iloko o kekahi ipupu e kau nei ma ko'u hale kuai.

            Maipoina, he hookahi koho ana no kala a me keia kikiki i loaa no kela a ua keia elua dala.

 

L. B. KERR,

---INA---

NAE O KA HALEKUAI O MOGAN.

 

Alanui Moiwahine,     Honolulu H., I.

 

KE KALEPA POLOLEI MAI NA HALE HANA MAI.

            E uai ana i kekahi mea okoa a e kuai ai ma ka i-a ma ke kumukuai kukaa.

 

            He kupono i na lede e hele mai e nana mua maanei i ko makou puu waiwai nui mamua o ke kuai ana aku i kahi e aku.

 

O KA HOOKAHI DALA I KUAI IA MA KAHI

O L. B. KERR UA LIKE IA ME ELUA

MA NA HALEKUAI E AE.

 

OIA HOI, UA LOAA IA OE NA LOLE

nona ke kumukuai Elua Dala HOOKAHI DALA WALE NO.

NA PAPALE.

Na Lipine

Na Pua apale

Na Hulu

Na Lihilihi

Na Mikinilima

Na Lole

Na Paku

Na Keokeo Uhi-moe

Na Kihei Huluhulu

ECT     ECT.

L. B. Kerr,

ALANUI MOIWAHINE.

Waikiki inc a ka Hale Kuelula o Mogan