Ka Oiaio, Volume I, Number 54, 17 March 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE 1.                                             HONOLULU, MARAKI 17, 1896.                                                                                                  HELU.54

OIAIO PUKA LA

-NA-

Keeh@na io Karisto La.

-oo-

HAKUIA E MRS. E. G. WHITE.

KA HAI ANA I KA HEWA.

(Hoomau ia).

            E hoomaopopo no ka poe haahaa a pepe ma ka naau, i hoopioia e ka mihi io, i kekahi kapa o ka aloha o ke Akua a me ke kumukuai o Kalivari:  e like hoi me ke keiki e hai ana i kona hewa imua o ka makuakane aloha, pela e lawe mai ai ka mea mihi io i ona mau hewa a pau imua o ke Akua.  A na kakauia;

"Ina e hai aku kakou i ko kakou hewa, he iaio mai no ke Akua a he lokomaikai i ke kala mai i ko kakou hewa, a i hoomaemae mai ia kakou mai na mea pono ole a pau."  I Ione 1:9

KA HOOLAA ANA.

            O ko ke Akua olelo hoopomaikai keia, "E imi mai no oukou ia'u a loaa, i ka wa e imi ai oukou ia'u me ko oukou naau a pau."  Jer. 29:13.  He pono ke hoololoia ka naau a pau i ke Akua, a i ole ia, aole loa e hoohuliia kakou mamuli o kona ano.  Ma ko kakou ano maoli ua enemi kakou i ke Akua.  Ke hike mai nei ka Uhane Hemoolele i ko kakou ano penei, "Make iloko o na hala a me na hewa," "Ua puni ke poo i ka mai, na maule hoi ka naau a pau."  "Aohe wahi ola maloko olaila." Ua paa kakou iloko o ka pahele a Satana; "Lawe pio ia e ia ma kona makemake."  Epeso 2:1; Isaia 1:5,6;  2 Tim. 1:26.  Ke makemake nei ke Akua e Hoola ia kakou, e hookuu aku ia kakou.  Aka, he pono ia kakou e haawi lilo aku kakou ia kakou iho ia ia, i hoololiia a pau, i ho hanau hou ia ke ano holookoa.

            O ke kaua ana ia oe iho, oia ka oi o na kaua a pau.  O ka hoolilo ana ia oe iho me ka hookuu ana i na mea a pau mamuli o ka makemake o ke Akua, he paio ia; aka he pono ke ae aku ka uhane i ke Akua mamua o ka hanau hou ia ana iloko o ka hemolele.  Aole i hookumuia ke aupuni o ke Akua maluna o ka ae makapo aku a me ka hoomalu kupono ole ana, e like me ko Satana makemake i hoike mai ai.  Ke koi kmai nei ke Akua mamuli o ka noonoo pono a me ka lunaikehala.  "E hele mai hoi, e kike kakou, wahi a Iehova."  Isaia 1:18.  Oia ke kono ana a ka mea nana kakou i hana.  Aole i kaohi ke akua me ka ikaika i ka manao o kanaka.  Aole ona makemake i ka hoomana i haawi ole ia me ka ae oluolu a me ka manao maikai.  Ina i kaohiia ka ae ana o ke kanaka, aole e kulu pono ka noonoo a me ke ano pono; e lilo ana ia i mekini wale no.  K makemake knei ke Akua i ke kanaka, ke pookela o kana mau mea i hana'i, e ulu ae a loaa ke kulana kiekie loa ana e hiki aku ai.  Ke waiho mai nei ia imua o kakou i ke kiekie o ka pomaikai, kahi ana i makemake ai e alakai aku ia  kakou ma kona lokomaikai.  Ke kono mai nei ia kakou e haawi aku ia kakou iho ia ia, i hana mai oia i kona makemake iloko o kakou.  Eia ka mea i koe mai no kakou, ekoho ina paha e hookuuia kakou ka pio ana i ka hewa, i komo aku kakou iloko o ke kuokoa nani o na keiki a ke Akua.

            I ko kakou haawi ana aku ia kakou iho i ke Akua, he pono ia kakau e waiho aku i na mea a pau a hookaawale ana ia kakou mai ona mai.  Nolaila ke i mai nei ka Hoola,  "Pele hoi kela mea keia mea a oukou i haalele ole i kona mau mea a pau, aole e hiki ia ia ke lilo mai i haumana na'u."  Luka 14:33.  O kela me keia e kaio ana i ka naau mai ke Akua mai, he pono ke waihoia aku.

            O ka waiwai o keia ao oia ke akua o ka lehulehu.  O ka puni dala, ka makemake nui i ka waiwai, oia ke kaula hao gula i nakinaki aku ai ia lakou ia a Satana.  Ua hoomanaia ke kaulana a me ka hanohano o keia ao e kekahi poe e ae.  O ka noho oluolu a me ke kaawale mai na hana kaumaha mai ke ii akua o kekahi poe.  Aka he pono ke uhakiia keia mau mea paa a pau.  Aole hiki ia kakou ke noho he kapalua no ka Haku a he hapalua no ke ao nei.  Aole kakou he mau keiki na ke Akua'ina aole nona wale no kakou.  O kekahi poe e imi ana e hookauwa i ke Akua, oiai ke hilinai nei lakou i ko lakou hooikaika ana e malama i kona kanawai, e loaa ke ano maikai, a e loaa ke ola.  Aole i hoopalupalu ia ko lakou mau naau e ka manao hohonu no ke aloha o Karisto; aka ua imi lakou i na hana o ke ola Karistiano, i komo aku ai lakou i ka lani.  Aole waiwai ka hoomana oia ano.  Aia a noho o Karisto iloko o ka naau, alaila e piha ka uhane me kona aloha, me ka olioli o ka noho pu ana me ia, a e pili aku ka naau ia ia; a ma ka nana ana ia ia, e hoopoina ai kakou ia kakou iho.  E lilo ana ke aloha ia Karisto i kumu hana no kakou.  O na mea i ike i ke aloha hoi o ke Akua, aole e ninau ana lakou no ka mea emi e haawi aku ai, i mea e pono ai imua o ke Akua; aole lakou i noi aku no ka pono emi mai, aka ua imi lakou i ka pono kina ole e like me ka makemake o ko lakou Hoola.  Me ka iini nui ke hoolilo nei lakou i na mea a pau, me ka hooikaika ana e like ka nui me ka waiwai o ka mea a lakou e imi nei.  Ina i ole keia aloha hohonu, he mea ole ka hooia ana ia Karisto, he kamailio wale no, he hana mamuli o na rula, a he mea hookaumaha wale.

            Ua manao anei oe he mohai oi aku mamua o ka pono keia haalele ana i na mea a pau no Karisto?  E ninau oe ia oe iho "Heaha ka Karisto i haawi mai ai no'u?"  Ua haawi mai ke Keiki a ke Akua i na mea a pau--ke ola a me ke aloha a me ka ehaeha--i ola kakou.  E hiki anei ia kakou, na mea kupono ole no ia aloha nui ke ana ia ia i ko kakou naau iho?  I kela me keia minute o ko kakou ola ana na komo aku kakou iloko o na pomaikai o kona lokomaikai a no ia mea aole i hiki ia kakou e hoomaopopo i ka hohonu o ka naaupo a me ka poino i hoopakele mai ai kakou.  E hiki anei ia kakou e nana aku iaia; ka mea a ko kakou mau hewa i hu hou ai a mahope hoowahawaha i koa aloha a me kona mohai?  I ka nana ana i ka hoohaahaa loa ia ana o ka Haku nani, he pono anei ia kakou e hoohalahala no ka mea ma ka paio a ma ka hoohaahaa weale no akou e komo aku ai i ke ola.        Aole i pau.