Ka Oiaio, Volume I, Number 57, 20 March 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

 

PUKA LA KA OIAIO

Hoopukaia I na la a pau loe ka la Sabati a me Lapule no 50 keneta o ka mahina

 

BUKE 1                 HONOLULU, MARAKI 20, 1896              HELU 57

 

OIAIO PUKA LA

KE AUPUNI O KE ALOHA A ME KA NANI

 

Aole he mea haohao ka loaa ana aku o ke kahi poe kanaka nona na manao i hoopouhia e na noonoo kanaka iho, a ma ia kumu ua hiki wale no ia lakou ke apo hapa aku i ka kea no o na mea nui i koike ia iloko o ka ke Akua olelo.  Pela no me na haumana a Karisto.  Ua komohia ia kolakou noonoo me ka mea i manao ohohia nui ia he alii ka Mesia no keia noho ana, a ua hiki ole hoi ia lakou ke ike, i kea no o kana mau olelo e hoike mua ana e hoino a e hoomaewaewa ia ana oia, a e hoomake ia ana.  Ua hoo@@@ kino aku no hoi o Karisto i kana mau haumana e hai i ka enapelio.  Ua hiki mai uei ka Manawa, na kokoke mai hoi ke aupuni o ke Akua (Mareko 1:15) He oiaio na kukala aku lakou i ka enanelio a Karisto i kauoha aku ai ia lakou aka ua kohohewa nae lakou i kea no o ka lakou mea i olelo ia aku ai e hai aku.  Oiai ka lakou enanelio i hele ai e ao aku i ua lahuikanaka, ua kukulaia maluna iho o ka olei a ke kaula ma Dan. 9:25, aole loa me lakou i hoomaopopo iho ma ka olelo a ke kaula ma ka paaku mahope iho, e olelo ana “e @kiia ka Mesia”.  I ka Manawa pono a hoi a lakou i kaunui ai e ike aku ana lakou i ka Haku e hele ana e lawa i ka noho alii, o kona kupuna ma ke kino kanaka, o Davida, aia hoi no ike aku la lakou ua hopu ia mai la oia, me he la, he lawehala haahaa loa, a lawe ia aku la hoi a kau lia ma ka kea ma Kalivari.  Aole hoi o ke aupuni a lakou i ao ia ai e hele aku e kukala akea, a lakou hoi i manao kuhihewa ai, he aupuni honua.  A aole no hoi he aupuni mau loa mamua aku e kukuluia i ka Manawa “o ke aupuni, a me ke alii ana, a o ka nani o ke aupuni, malalo iho o na lani a puni, e haawi i na kanaka haipule o ka Mea Kiekie.” (Dan. 7:27)  E like me kea no i hoohanaia ai ia olelo “ke aupuni o ke Akua ma ka Baibala, ua hoohanaia e hoike ana hoi i ke aupuni o ke aloha a i ke aupuni o ka nani.  Ua lawe ia mai e Paulo, a hooomaikeike ia mai ke aupuni o ke aloha ma ka episetele i ka poe Hevera, mokuna 4:16:  “E hookokoke aku kakou ma ka noho alii aloha.”  O ke ku ana o kekahi noho aloha, oia no ka hoike e manao ia aku he aupuni maoli kekahi I ku ai ia mea.

 

Iloko o kekahi hapa o kana mau olelo nane ua puana ae o Karisto i na hua olelo “ke aupuni o ka lani,” e kuhikuhi ana i ka hana a ka lokomaikai o ke Ahua maloko o ka naau o kanaka.  O ka noho alii o ka nani oia no ke aupuni o ka nani.  O keia aupuni nani eia aku no ia mamua o kakou, aole hoi he kukulu maoliia ana aia a hiki hou mai o Karisto.  Ma – 25:31.

 

HAAWINA HELUEHLU (HELUHELU) BAIBALA.

KE AUPUNI O KE AKUA

 

1 Heaha ka Daniela i ike ai ua kukuluia maluna o ke okaoka o na aupuni i lukuia o keia ao?  Dan. 2:44.

“Ma na la o keia poe alii, e kukulu mai ai ke Akua o ka lani i aupuni mau loa, aole hoi e

Hoohioloia ia aupuni; aole uae ia e lilo no ka lahuikanaka e, aka, ia ia no e weluwelu liilii auuanei a okaoka loa keia mau aupuni a pau, a e mau loa aku ana no ia.”

2 Ma kea no hea la leia aupuni i hoailona ia mai ai?  Dan. 2:45.

A i kou ike ana ina pohaku la i kalai lima ole ia’i mailoko mai o ka mauna, i weluwelu liilii ai ka hao, a me ke keleawe a me ka palolo, a me ke kala, a me ke gula; oia ko ke Akua kiekie hoike ana mai ke alii i na mea e hiki mai ana mahope; ua oiaio ka moe, a o kona hoike ua paa loa ia.” A kela pohaku uuku nana i paluku iho ke kii kanaka (Pauku 35)

3 Ma keaha la i hoopakeleia ai kanaka wai ka howa?  Epeso 2:10, (hapa mua.)

“No ka mea, o kakou kana hana i hana ai ma o Iesu Karisto la”

4 Aia anei na mea a pau i kakele mamuli o k lokomaikai e noho pu aku ana ma ko Kristo aupuni?  Hoike 1:9 (hapa mua)

“Owau o Iaone nei, o ko oukou hoahanau a o ko oukou hoa maloko o ka pilikia”

5 Heaha la keia aupuni I kapaia ai, i pili i na Karistiano ma keia ao?  Heb 4:16

“Nolaila, e hookokoke aku kakou ma ka noho alii aloha me ka manaolana, i aloha ia mai kakou, a i loaa hoi ka lokomaikai e kokua mai ai i ka wa popilikia.”  Ua hiki ke manaoia ma ka olelo he “noho alii aloha: he aupuni keia o ka lokomaikai, no ka mea, ma kahi e ku ana o kekahi noho alii, he alii no kekahi no ia noho, a he aina, he mau kupa, a he mau kanawai.  No ia mea, ua kapaia hoi ko Karisto aupuni i keia wa, he aupuni o ke aloha.

6 Ma ka inoa hea la ke aupuni mau loa o keia mua aku e kapaia ai?  Mat. 25:31

“Aia a hiki mai ke Keiki a ke kanaka me kona nani, a o na anela a pau pu me ia, alaila e noho iho oia maluna o kona noho alii nani” Alaila, ina he noho alii nani, he aupuni nani no ka inoa o ia aupuni.

7 I ka wa hea la leia aupuni e kukulupaa ia ai?

Haina – I ko Karisto wa e hele hou mai ai.

8 Ma ka olelo-nane o na hua ai a me na hua kikania, he hoailona aha la ka hua maikai? Mat. 13:38.

“O ka mahinaai aoi kea o nei, o ka HUA MAIKAI oia NA KEIKI O KE AUPUNI; a o ke kikania oia na keiki o ka mea ino.”

9 Nawai i kanu ka hua kikania iloko o ke aupuni? Mat. 31:39, hapa mua.

“ O ka enemi nana i lulu ia mea oia ke diabolo.” O Satana ka mea i kanu mua i ka hua kikania o ka hewa ma ka mahinaai o Edena.  Nolaila, ua ku mua hoi ke aupuni o ke Akua i ka hoohumuana o ka honua.  He aupuni keia honua no ke Akua, a ua hana ia hoi nona no ka wa mau loa.

10 Ia wai ke Akua i waiho aku ai i ka maluna ana i kona aupuni?  Kin 1:26.

“A olelo mai la ke Akua, e hana kakou ano, a e like me ko kakou helehelena; a e haawi aku ia lakou e noho maluna iho o ua mea a pau maluna o ka honua.”

 

                                      Hoomauia aku ana

                                       E. H. G.

 

Ua hoi hou mai o Rudolph Spreckela mai Maui mai ma ka Iwa@@ni.

 

Ua hoi hou ae hoi o Alex Kakalaika me kana wahine mare, a ua mare hou iho laua ma Kaleponi O na hana kuanaha keia o keia wa.