Ka Oiaio, Volume I, Number 58, 23 March 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE I.  HONOLULU, MARAKI 23, 1896.  HELU 58

OIAIO PUKA LA

——NA——

Keehina io Karisto La.

—oo—

HAKUIA E MRS. E. G. WHITE.

KA MANAOIO A ME KA APONOIA'NA

(Hoomau ia).

"He naau hou no hoi ka'u i haawi ai ia oukou, a he uhane hou no hoi ka'u e uhao aku ai iloko o oukou." Eze. 36:26. Ua hai aku oe i kou mau hewa a ma ko @ naau ua waiho aku ia lakou. Ua manao oe e haawi lilo aku ana au ia oe iho i ke Akua. E hele aku oe i ona la, anoi aku iaia e holoi mai i kou mau hewa, a e haawi mai i naau hou nou. Alaila, e manaoio ae ua hana no ia ia mea no ka mea pela kona hoohiki ana." O keia ka Iesu i ao mai ai i kona noho ana ma ke ao nei, oia hoi ua haawina a ke Akua i haawi mai ai, he pono ia kakou e manaoio aku iaia e loaa mai ana ia, a no kakou no ia mea. Ua hoola o Iesu ina ma'i o kanaka oiai he manaoio ko lakou ma kona mana; ua kokua oia ia lakou ma na mea a lakou i ike ai, i manaoio lakou iaia ma na mea a lakou i ike ole ai, — e alakai ana ia lakou e manaoio a u i kona mana e kala i na hala. Oia kana i ao maoli mai ai i kona hoola ana i ke kanaka ma'i lolo: "I ike hoi oukou, he mana no ko ke Keiki a ke kanaka e kala aku ai i na hewa ma ka honua nei. E ku ae, (wahi ana i ka ma'i lolo,) e lawe oe i kou wahi moe a e hoi i kou hale." Mat. 9:6. Pela no hoi ke olelo mai nei o Ionae ka euanelio, i kona kamailio ana no na hana mana a Karisto. "Ua palapala ia keia mau mea i manaoio ai oukou o Iesu ka Mesia, ke Keiki a ke Akua; a i ko oukou manaoio ana, i loaa ai ia oukou ke ola ma kona inoa." Ioane 20:31.

Mai ka moolelo o ka Baibala mai no ko Iesu hoola ana i na mea e ao ai ia kakou e manaoio aku i kona mana e kala e mai i na hala. E huli ae kakou i ka moolelo o kona hoola ana i ka ma'i lolo ma Betesoda. Ua lolo loa ka mea ma'i, aole i hele no na makahiki he kanakolukumamawalu. Eia nae, ua olelo o Iesu iaia. "E ku ae e kaikai i kou wahi moe a hele," Ioane 5:8. Ina paha i olelo mai ua ma'i lolo nei. "E ka Haku, ina e hoola mai ana oe ia'u e hoolohe au i kau olelo." Aole nae, ua manaoio oia i ka Karisto olelo, ua manaoio ia ua ola ia; a ala koke mai la; a hele aku la ia. Ua hana aku la ia mamuli o ka Karisto olelo, a ua haawi mai la ke Akua i ka mana. Ua ola ia.

Pela no he lawehala oe. Aole e hiki ia oe e kala aku i kou mau hewa i hala i hope; aole e hiki oe ke hoolilo i kou naau, a hoolilo ia oe iho i hemolele. Aka ua ae mai ke Akua e hana mai i keia mea ma o Karisto la. Ke manao nei oe i ua mea la i ae ia. Ke hai aku nei oe i kou mau hewa, a ke haawi lilo aku nei oe ia oe iho no ke Akua. Ke koho nei oe e hookauwa nana. E like me ka oiaio o kau hana ana i keia mea, pela no e hooko ai ke Akua i kana olelo ia oe. 1@a e manaoio oe i kana olelo, —ina i manaoio oe ua kalaia a ua hoomaemaeia, —na hana aku ke Akua ia mea; ua hoolaia oe e like me ka Karisto haawi ana i ka mana e hle i ka ma'i lolo i kona manaoio ana ua ola ia. Pela no ina ua manaoio oe.

Mai kali oe a hoomaopopo oe ua ola, aka e olelo, "Ke manaoio nei au, aole no kuu hoomaopopo ana, oia no, no ka mea ua ao mai ke Akua pela."

Ke i mai nei Iesu, "O na mea a pau a oukou e noi aku ai ma ka oukou pule ana, e manaoio oukou i ka loaa ana, alaila e loaa io aku no ia oukou ia ia." Mar. 11:24. He mea i hoomaopopo pu ia ma keia ae ana, oia hoi e ku like ka pule me ka Ke Akua makemake. Eia nae, o ka ke Akua e hoomaemae ia kakou mai ka hewa mai, e hoolilo ia kakou i mau keiki nana, a e kokua ia kakou e noho hemolele. Nolaila ua hiki no ia kakou e noi aku no keia mau pomaikai, a manaoio ua loaa, a e aloha aku i ke Aku no ka loaa na. He kuleana ko kakou e hele io Iesu la i hoomaemaeia mai, i ku hoi imua o ke kanawai me ka hilahila ole a me ka ehaeha ole o ka naau. "Ano hoi, aole e hoahewaia no ka poe iloko o Karisto Iesu, ka poe hele ole mamuli o ke kino, mamuli o ka Uhane." Roma 8:1.

Ma keia hope aku aole no oukou iho oukou; ua kuaiia me ke kumu kuai. "Aole me na meapopo wale e like me ke kala a me ka gula, na kuaiia oukou, * * * * aka, me ke koko waiwai io o Karisto, me ko ke keikihipa kina ole a me ka hala ole." 1 Petero 1:18,19. Ma keia hana maopopo o ka manaoio ana i ke Akua, ua hoohanau hou ka Uhane Hemolele i ola hou ma kou naau. Ua like oe me he keiki la i hoohauauia iloko o ka ohana o ke Akua, a ua aloha oia ia oe e like me kona aloha ana i kana Keiki.

Oiai ua haawi aku oe ia oe iho ia Iesu, mai hoi i hope, mai hookaawale ia oe iho mai ona mai, aka e olelo i kela a me keia la, "No Karisto au, ua haawi aku au ia'u iho i ona la," malama mai ia oe me kon lokomaikai. E like me kou haawi ana'ku ia oe iho i ke Akua, a ma kou manaoio ana iloko ona. Ke i mai nei ka lunaolelo, "Nolaila hoi, no ka loaa ana mai o Karisto ia oukou, e hele oukou iloko ona." Kol. 2:6.

Ke manao nei kekahi poe, he pono ke hoaoia, a hooiaio i ka Haku i ko lakou huli ana, mamuli o ke noi ana i kona hoopomaikai. Ua hiki no nae e noi aku i ka hoopomaikai mai ke Akua mai i keia wa. Ina i ole kona lokomaikai, ka Uhane o Karisto, e kokua i ko lakou mau nawaliwali, aole e hiki ia lakou e pale aku i ka hewa. Ua oluolu o Iesu i ko kakou hele ana i ona la me ko kakou an hewa ano lolo a ano hilinai'. He pono no ia kakou, me ko kakou mau nawaliwali a pau, ko kakou naaupo, ko kakou hewa, e kulou imua o kona mau wawae me ka mihi. O kona @@i no ia e apo mai la ia kakou me na lima o kena aloha a wahi a paa i ko kakou mau palapu, a e hoomaemae ia kakou mai na mea pa@@a le a pau.

Ma keia mea ke kuhihewa nei na tausani; aole i manaoio i ko Iesu kala ana mai ia lakou pakahi. aole i manaoio lakou i ka olelo a ke Akua. O ka pono o na mea a pau e imi ana mamuli o ka hoomaopopo ana, e ike maopopo no lakou iho, ua kalaia kela me keia hewa me ka aua ole.

Aole i pau.