Ka Oiaio, Volume I, Number 60, 25 March 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

 

JOHN E. BUSH, Luna Hooponopono a me Puuku

 

HONOLULU,            MARAKI 25, 1896.

 

NUHOU O NA AINA E.

Ma ka nuhou ma ka Asloun mai, ua hoike ia ma na nupepa, na hooponoponoia kekahi launa ana o ka Emepera o Geremai ia a me ka moi o Italia, a mahope o ka launa ana e ukali aku ana ka Emepera i kana malihini ma kona moku holoholo lealea ka HohenzoHeru no Italia.

Ua oluolu ka moiwahine Margherita e kokua i ka Aha Kuhina hou o Italia.

Ma na mea akeakamai, ua hoike mai ke Kanikela Amerika Dekay ma Berelina, ka mea hoa e pili ana i ka oihana lapaau, oia hoi ua hiki ke hoomalamalamaia ke kino o ke kanaka a ke ikeia i kona mai, ma ka imi noeau ana a Porofesa Rontgen.  He mea ano hou keia.

Ua hoopiia o Generala Garcia a me kona mau hoa, i pae olulo ae ai ma Amerika, ma hope o ke piho ana o ko lakou moku, no ka hoao ana e hoopae i ka pu a me na lako kaua mai Amerika aku no Cuba.

Nui ka makaalaia ma Sana Petereboro o ka hopena o ko Italia manao no ke kaua ma A@esinia.  Ke kiai makaala nei ke aupuni o Eusia i ua kulana o na aupuni o Eurpoa, a me he la, me ka manao no paha e hoonee aku i kana mau hana imua no ka hooko ana i ke kauoha a Petero ka Nui.

Aia no ka olelo, hooholo a ikeia aku i ka poe kauwa kipi o Cuba imua o ka Hale Ahaolelo Makaainana, o Amerika kahi i waiho hoopaapaaia la.

O Makinele ka noho o kekahi poe repubalika i hooholo ai i Peresidena ma keia koho ana aku no Amerika.

Ua kauohaia mai o Adimirala Stevenson, o ke aumokukana o Enelani ma ka Akau Paeimu@ i Hawaii nei.  Ua manaoia eha la oia makaukau, ua pule a oi aku oia ma ka moana e hele mai nei.

Ua hoomaka ae ke kaua ma Sumatara mawaena o ka poe kamaaina a me ka poe Holani ia lakou ke aupuni.

Ke hoomaka la na leta a me na elele, e hooponopono no ka hoopau ana i ke kaua ma Abesinia.

Ua hoonohonohoia kekahi mau pukuuiahi nui ma na papu hou o Esqumalt, ko Enelani Giberalata ma ka Pacifica Akau.

Ua pae ku kekahi mau pu a me na lako kana ma Cuba na ka poe kipi.

 

KELA A ME KEIA.

Nui na malihini i holo aku no ka luaopele ma ke Kinau onehinei.

Ua lawe aku ka moku Hakafila he 30 limahana Iapana no Laa@son Ailana.

Ma ke kakahiaka onehinei i holo loa aku ai ka Asloun no Kita a me Iapana.

I ke ahiahi Poaaha e haiolelo ai o J. M. Poepoe ma ka hale o ka hui o na keiki Hawaii.

Aole i hoopukaia ka olelo hooholo no ka hihia o ka moku opiuma Henerieta.

Ua hoopaiia o Lono he $100 no ke eh@ fa: Po keokeo no na lima a ka Pelehu.

No ke ano ino o keia mau la nolaila i paikau Bataliona ole ai ma ka po Poalua nei.

I keia kakahiaka i kuai kudala ia aku ai na mea liilii a ka Hokuao i lawe mai ai mai ka Hema mai.

Ua hoopaiia o Lewai Mekane he $100 no ke kuai waiona me ka laikini ole.  Oia no ka uku o ka hewa.

He oi aku ke anu o keia mahina mamua o na mahina i hala aku, he mea maa mau ole hoi ia Maraki.

Ua hoahewa loa ka poe haole kahi umiumi ina Iapana, no ko lakou hoemi loa i ka uku o ke kahi umiumi ana.

Oiai kekahi keiki e hekau ana maluna o ka pa o ka Pepee ma Koula ae nei, ua haule iho la oia a haki kona mau wawae.

Ma ke kakahiaka nei i kai ae i na Pukiki no palapala kue i na limahana Iapana.

Ua holo puiwa mai la ke kaa o Charles Booth mai Pauoa mai a Alanui Nuuanu a nahaha liilii, mamuli o ka hoohemahema o ke kalaiva kaa.

E makaala i ka piano a L. B. Kerr, no $2.50 au e kuai ai, ua loaa ia oe he kikiki e koho ai, a malie ma ia koho ana e loaa ai he piano nona ke kumukuai he $350.

Eia no ka ulalii: fiva, me ke kunu, ke laulaha mai nei no ma na home o ke taona nei a o na opio ka mea hiaai loa a keia mau ma'i, a ua lilo aku hoi kekahi poe i luahi na lakou.

Ua make iho la ke kaikamahine a Rev. Hamaike, maloko ae nei o ke kula hanai o Kawaiahao a ua hoounaia aku kona kino wailua no Kauai.  He fiva me ke kunu ka ma'i.

Ke nauki nei hoi ka poe kaa hoolimalima i ka hookomoia ana mai o ke kaa hehihehi wawae iloko nei o ke aupuni, oiai wahi a lakou, aole he loaa nui o ka lakou mau hapaha ma o ka lilo loa o ka poe o nei mau la maluna o ka huila lua.

E ka lahui puni lealea a puni no hoi i na hana ahuai o ke n@ nei, @ pono i kela mea a me keia e malama i kahi kenikeni uuku e loaa ana ma ka hooikaika ana, aole hoi e like me ka kekahi poe kanaka, me na ike iho no he ilihune keia o ka aina nei oia nae ka wa e hookiekie ae ai o ka mau, a hoino aku la i kekahi hoa kanaka, aka nae, he wa no ko na mea a pau.

 

L. B. KERR,

-ma-

NAE O KA HALEKUAI O MOGAN.

Alanui Moiwahine,     Honolulu H., I.

 

KE KALEPA POLOLEI MAI NA HALE HANA MAI.

 

E kuai ana i kekahi mea okoa a e kuai ai ma ka i-a ma ke kumukuai kukaa.

 

He kupono i na lede o hele mai e nana mua maa noi i ko makou puu waiwai nui mamua o ke kuai ana aku i kahi e aku.

O KA HOOKAHI DALA I KUAI IA MA KAHI O L. B. KERR UA LIKE IA ME ELUA MA NA HALEKUAI E AE.

 

OIA HOI, UA LOAA IA OE NA LOLE

nona ke kumukuai Elua Dala HOOKAHI DALA WALE NO.

NA PAPALE,

Na Lipine

Na Pua Papale

Na Hulu

Na L@hilihi

Na Mikialima

Na lole

Na Paku

Na Keokeo Uhi-moe

Na Kihei Huluhulu

ECT.    ECT.

L. B. Kerr,

ALANUI MOIWAHINE

Waikiki iho o ka Hale Kudala o Mogan.