Ka Oiaio, Volume I, Number 66, 2 April 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

JOHN E. BUSH, Luina Hooponopono a me Puuku

HONOLULU.      APERILA. 2, 1896

KUE IA.

            Ua hoike ae o Senata Waterhous a me Senata Hocking i kekahi mau olelo oiaio leae pili ana i ka monopole o ka oihana hui kuai bipi.

            Ua hana keia nui monopole i ke kuai ana o kekahi mea ai e ola ai kanaka, ma na kumukuai kiekie loa, i oi ae mamua o ke kupono, me ko lakou alalai ana a hoemi hoi i ka poe hanai holoholona i k@okoa mawaho ae o keia monopole. Wahi a Hanale Walekahauki, ua ike kumaka au me ka wahia pu i na hana a keia hui.

            Ua haawi aku au i kekahi mau bipi no ke kumukai i haahaa iho i ka kekahi o na hoa o keia hui monopole kuai bipi, aku aole lakou i nana mai i kau i kamailio aku ai. Ua like ole hoi ko Mr. Hocking manao me ko Mr. Damon, ma ka olelo ana o ke Kuhina, ua hoemi ia iho ke kumukuai o ka bipi e kuai ia nei e ka hui, a e hoole ana hoi o Mr. Hocking, me ka i ana ua hoopiiia a ua pii ino ka waiwai o ka poe hanai holoholona iloko o ka lani.

HEAHA KA PONO.

            O ka hooko ana i ka mea pono, ma na ano a pau, oia ka pono, a oia ka Iesu i hooko ai, a pela hoi e hiki ai ia kakou ke like me ia, a ke kupono e kapa iho kakou ke poe Karistiano.

            Nolaila, e hana kakou i na hana pono, mai na Luna Aupuni Kiekie, a na makaaiana, mai ka poe waiwai a ka poe ilihuna.

            Aole wale hoi kakou e hana i ka pono, ma o kakou iho, aka e hookoia ka pono ma na hana i ili iho maluna o kakou, ma ko kakou noho ana kanaka, a lawelawe kauwa hana paha no ka pomaikai o ka lehulehu.

            Aole hoi e pono e hoaui ia na luna aupuni, a me na hoa hana kanawai. E hana na luna kau kanawai maluna o ka pono a me ke kaulike. E makaewaewa aku i na hana hewa a pau, a e kue aku i na hana hapai pono pilikino. E kaana pono hoi lakou i ka pono pili paa o ke kanaka a ke Akua i hana ai, aole e mau-ae aku, a e kau hoi lakou i na hoopai e au ano i ka mea hana hewa e waiho i na hana hewa, a ina e lohe ole, e ana aku i aka hoopau hoopaahao mawaho ae o na hoopai dala, oia ka hope loa, maluna o na mea a pau. Ina he hoopae opiuma, a he kuai waiona piliwaiwai, a mau hana apuka paha, e kua ana i ka pono a e alakai ana e hoohaule i ka hoopono a kanaka, e hoopai aku me ka hoopaahao wale no, me ka nana ole i ka ano, ke kulana, a me ka ili o ka mea a hana ana i ka hewa. E hooko hoi ua luna hooko o ke aupuni me ka hoopololei loa ana aku.

KELA ME KEIA

            He puhiohe ka ka Ema kuwea o keia po.

            Aohe kopaa i ili mai nei maluna o ka mokuahi Hawaii no ka ino loa o na awa o Pepeekeo.

            He mau Mikini hou ke hana i anei no ka hale wili ko o Laupahoehoe.

            O ka mokuahi Mariposa kei ku mai i ka ponei, a holo loa aku no kona mau awa i keia la.

            I keia la e huli hoi aku ai ke Kuhina Willis a me kona ohana, maluna o ka mokuahi Mariposa.

            Mai poina i na kaui hoemi ma kahi o B. F. Fhlers (Bainaba).

            He hakaka puupuu kai ulu ae mawaena o Joe Dillon a me Radley. Na Radley ka eo.

            He elua-hapakolu o ka loaa aupuni kai uku ia no na lima hana a me na luua hana aupuni.

            Ua haalele aku o Kapena Shepperd i ka oihana pailata o Honolulu.

            Ua malamaia he ahaaina la hanau o ke Keikialii Kalanianaole ma Waikiki.

            Mai poina i ka hele ae ma ke halekuai o Kerr, e kuai ai i mau liko no ke kino, oia i he emi na mea kuai mai ia halekuai.

            He lono kei loaa mai ia makou mai Hilo mai ua hookohu i ao Rufus Lyman Jr. i hope Makai Nui no Hilo makahi o G. H. Williams i pau.

            Nui ka piha o ka hale Keakalio i ka ponei.

            I kai o ka mokuahi ka puhiohe i keia la, kahi i puni ai.

            I keia ahiahi e male ia ai o mr. C. V. E Dove a me Mrs Florence Monsarrat ma kahi noho Mr. T. R. Kyeworth.

            I keia la e niau aku ai ka mokuahi Iwalani no kona mau awa mau.

            Nui ka ino one awa ku moku o na kuaaina i keia mau Mahina.

            Mai poina e na hoa'loha i ke kipa ana ae ma ka halekaui o N. S. Sach.

            Ua manao ia e holo aku ana kekahi hoa o ke keaka lio maluna o ke mokuahi o keia la, no ke kii ana i mai hoa keaka hou.

            Eia ka hoopii lawe kipe o ka Lunakanawai Helehunihi imua o ka Aha Hookolokolo Kiekie i keia mau la e hoolohe ia nei. Mai ka hoopai ana keia a ka Lunakanawai Kalua, o ka Aha Kaapuni. O Kini a me Likekona ma ka aoao o ka mea i hoopiiia.

L. B. KERR,

ma

NAE O KA HALAKUAI O MOGAN.

Alanui Moiwahine      Honolulu H., I.

KE KALEPA POLOLEI MAI NA HALE HANA MAI.

            E @uai ana i kekahi mea okoa a e kuai ai ma ka m@k@ kumu-kuai kukaa.
            He kupono i na lede e hele mai e nana mua maanei i ko makou puu waiwai nui mamua o ke kua.

O KA HOOKAHI DALA I KUAI IA MA K@HI O L. B. KERR UA LIKE IA ME ELUA MA NA HALEKUAI E AE

OIA HOI, UA LOAA IA OE NA LOLE

            nona ke kumukuai Elua Dala HOOKAHI DALA WALE NO.

NA PAPALE,

Na Lipine

Na Pua Papale

Na Hulu

Na Lihilihi

Na Mikinilima

Na Lole

Na Paku

Na Keokeo Uhi moe

Na Kihei Huluhulu

            ECT ECT

L. B. Kerr,

ALANUI MOIWAHINE

Waikiki iho o ka Hale Kudala o Mogan.