Ka Oiaio, Volume I, Number 69, 7 April 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE 1.         HONOLULU, APERILA 7, 1896     HELU 69

NA

K@hina ia Karisto La.

HAKU@A E MRS. @ G. WHITE.

KA ULU ANA AE ILOKO O KARISTO

(Hoomai ia).

            Ma ia hope mai e noho mau ana o Karisto, ma ka Uhane iloko o na naau o kona poe keiki. Ua oi aku ko lakou piliana me ia mamus a ka wa ana i noho kino ai me lakou.

            Ua puka aku ka malamalama o ke aloha a me ka mana o Karisto e noho ana iloko o lakou, a nolaila i ka ike ana o kanaka, "kahaha aku la ko lakou naau a hoomanao iho la lakou ua noho pu lakou me Iesu." Ohi. 4:13.

            E like me ko Karisto noho pu ana me kona mau haumana mua, pela ke makemake nei oia e noho pu kona mau keiki i keia la, no ka mea iloko o kana mau keiki i keia la, no ka mea iloko o kana pule hope me ka poe haumana uuku e hoopuni ana ia ia i mai oia. "Aole no lakou nei wale no ka'u e pule nei, aka, no ka poe hoi e manaoio mai ana ia'u ma ka olelo a lakou nei." Ioani 17;20 Ua pule o Iesu no kakou, a ua noi aku oia i hookahi pu oia me kakou, a like me kona hookahi pu ana me ka Makua. Nani keia hookahi ana. Ua olelo ka Hoola nona iho. "Aole e hiki i ke keiki wale no ke hana aku i kekahi mea." "O ka Makua e noho ana iloko o'u, oia ke hana i na hana." Ioane 5:19;14:10. Nolaila ina e noho ana o Karisto iloko o ko kakou mau naau, e hooikaika ana no ia, "i ka makemake a me ka hana, no kona manao aloha." Pilipo. 2:13 E hana no kakou e like me kona hana ana; hoike no kakou i kona ano. A pela e aloha ana ia ia a e noho ana iloko one.

            "I nui ae kakou i na mea a pau iloko ona, oia Karisto o ke poo. Epeso 4:15.

KA HANA A ME KA OLA.

            O ke Akua ke kumu o ke ola a me ka malamalama a me ke olioli ma na ao a pau. E lika me na kukuna malamalama mai ka la mai, e liek me kapua ana mai o na kahawai mai ke kumu wai ole, pela ke kahe ana aku na pomaikai @ ai ke Akua mai no na mea a pau. Aina iloko o na naau o kanaka ke ola o ke Akua e @u ae no ia me ke aloha a me ka hoopomaikai ia hai.

            Aia ke olioli o ko kakou Hoola ma ka hapai ana a me hoola ana i kanaka hewa. No ia mea aole oia i manao i kona ola, aka ua hoomanawanui i ke kea me ka manao ole i ka hilahila. Pela no ke hooikaika mau nei na anela no ka pomaikai o hai. Oia ko lakou oholi. O ka mea i manaoia he mea hoohaahaa i na naau alunu, ke kokua ana i ka poe i pilikia, na mea ma ke kulana malalo ae o ke ano a me ka noho ana, oia ka hanao ua anela kina ole. O ke ano o ka Karisto aloha e hoole ana ia ia iho, oia ke ano o na uhane ma ka lani, a oia ke ano maoli o kona pomaikai. O keia no ke ano o ka poe e hahai ana ia Karisto a me ka hana a lakou e hana ai.

            Aia a hoonohoia ka aloha o Karisto ma ka naau, e like no ia me ke ala maikai aole hiki @e hanaia. E hoomaopopoia kona hemolele e na mea a pau i halawai me ia. O Karisto iloko o ka naau ua like me he punawai la ma ka waoakua,  e kahe ana i pomaikai na mea a pau, a e hoolilo ana i an mea a pau e mu ana i ke koko e make, e makemake nui ana e inu i ka wai o ke ola.

            Ke hoike nei ke aloha ia Iesu i ka makemake e hana e like me kona hana, no ka pomaikai a ma ka hapai ana i kanaka. E alakai ana i ke aloha, ka menemene a me ka makemake a hooluolu i na mea a pau i malamaia e ko kaou Makua ma ka lani.

            Aole i noho ka Hoola ma ke ao ner me ka oluolu a me ka malama nui ia ia iho, aka ua hooikaika mau oia me ka hoomanawanui a me ke eleu paupauaho ole no ke ola o kanaka. Mai kona hanau ana a hiki i kona make ana ina Kalivari ua hele oia iloko o ke ala o ka hoole ana ia ia iho, aole hoi i imi e hookuuia mai na hana kaumaha, na kaahele ehaeha a me na hana hoopaupauaho.

            I mai ia oia, "Aole i hele mai ke keiki a ke kanaka no ka lawelaweia mai, aka, no ka lawelawe akau a me ka haawi aku i kona ola i kumuhoola no na mea he nui loa," Mat 202:8. Oia ke kumu nui o kona ola ana. O na mea e aea pau ua emi mai ka waiwai a ua kokua i keia mea.

            O kona mea ai a me kona mea inu oia ke hana i ka makemake o ke Akua a e hoopau i kona hana. Aole i komo ka manao ia ia iho iloko o kana hana ana.

            Pela ka poe i komo iloko o ke aloha o Karisto ua makaukau lakou e hana aku. e like me ka hiki ia lakou, e komo pu hoi ua mea ae iloko o ka haawina lani me ka mea i make no lakou make.

            E imi lakou e hoopomaikai i ke ao nei me ko lakou ikaika a pau oia e noho ana ia nei. Pela e ulu ae ai ka uhane i hoohanau hou ia. Aia a hele kekahi io Karisto la ua hanau ka makemake iloko o kona maau e hoike aku i na mea a ae i kona hoa makamae ana i loaa ai iloko o Iesu. aole i hiki ke hunaia ka oiaio e hoola ana a e hoolaa ana iloko o kona naau., I na ua hoaahuia me ka pono a Karisto, a ua piha me ka olioli o ka Uhane e noho ana iloko aole i hiki ke noho leo ole. I na ua hoao a ua ike i ka maikai a ka Haku. e hai aku no kakou.

Aole i pau.