Ka Oiaio, Volume I, Number 69, 7 April 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

He alanui e ola ai

 

Ma na ike a pau o ke aonei, a ma na ano a pau e pili ana i ke ola o keia noho ana, ke ola mau loa, a me ka hopena o ke kanaka, aole loa he hookahi buke i hak u ia i piha i ka ike a me na alakai naauao, no keia ao a me na mea a pau maluna o keia honua mamua o ka Ba r bala Hemolele.  I ne ke kanaka maluna o kana mau olelo a pau e ku ai, aole oia e pilikia ana aka , e lu ana oia a e piha ana hoi i na pomaikai a pau.  I na la a pau a makou e nana mau nei i kona mau aoao, e hoea mau ana he mau uani, he ike a he naauao hohonu, he mea i loaa mua ole, e like no me kana olelo ae, aole he palena o ka mea nona mai na manao oloko, pela n o ka palena ole o kona ano a me na alakai e pomaikai ai ke kanaka ina ola e hahai ana i kana mau ao aua.

            Hookahi no ano nui o ke kumuhana i hoike ia mai maloko o keia buke, HE HOOLA, he euanelio o ke ola.  Mahope o ka hoopoinoia ana o na makua mua o ka lahui kanaka e ka make, ua hai ia aku ka euanelio o ke ola ia Adama a me Eva, ma ka pauku umikumamalima o ka mokuna ekolu o Kinohi o Karisto, ka hua i oleloia, a oia a maluna ona ka euanelio o ke ola, aole hou aku.  Ma ke Kauoha Kahiko ua hoike mau ia na hana a me na olelo a pau o ia hoike mai ke Akua, e pili ana no ka Hoola e hiki mai ana, ma ke Kauoha . Hou h oi, ua hoike ia mai ka hookeia ana o ka mea i olelo mua ia ma ke Kauoha Kahiko.

            Mahope o ka ka Hoola ao ana a aneane e pau kana hana, ma ke kino, na kauoha aku oia i kana wau haumana e hele e ao i na lahui kanaka a pau, e hoola ia lakou ma ke kino a ma ka uhane.  O keia kauoha, ke mau nei no a hiki i keia la, a na pili i kela a me keia mea i lilo he Karistiano, a i na na Karisto io oia e hana ana oia i ka hana a Karisto.  O keia maoli ke kahua o ke Karistiano, e like me ia ana i olelo pakolu aku ai ia Petero, e hanai i na keiki hipa, oia hoi i ka lahuikanaka a pau.  Malalo o keia leo, makou i kukulu hookahi ai i keia nupepa, iwaena o ka hoowahawahaia e ka poe i manaoia e hoopomaikai aku, a malalo no hoi oia ka n oha i hooulu ia mai ai ka manao aloha iloko o makou e poloai aku i ka poe nele, ka poe ilihune e like me makou e hele mai e kuka pu a e imi, a e hoolala i na hana kupono i loaa ka pomaikai o ke ola kino a me ka pono o ke aupuni o ke Akua.

            Ua ike makou, me ka ehaeha o ka naau, i ka pilikia o ka noho ana o ka lahui Hawaii, a me ka emi mau ana o ka pomaikai ia lakou, aole no ka n ele mai ke Akua mai aka, no ka hemahema a me ka hoowahawaha o ke kauaka i ka ke Akua mau ao ana ia ia.  Mamuli o keia mea, ua paipai mau ia ko makou noonoo e hana i na hana e hoola ai i ke kino a me ka uhane o ko makou hoa kanaka e noho pilikia ana.  Malalo no hoi o keia kumu, ua makaukau mau makou e h ui pu me na kanaka manao maikai e kuka pu a e noonoo i ua hana kupono e hapai hou ae ai i ka pono o ka noho ana, oia i ke au e nee ana a me ka pono o ka aina e lilo nei i na lahui e no ko kakou ku ana a hoomaopopo ole.

 

Kela me kela

 

            Mai poina e na hoaloha i ke kipa ana ae ma ka halekuai o N.S.Sach.

            Mai poina i na kuai hoemi ma kahi o B.F.Fhlers (Bainaba).

            Mai poine i ka hele ae ma ka halekuai o Kerr, e kuai ai i mau __ no ke kino, oia i he emi na mea kuai ma ia halekuai.

            Nui ka poe i pii aku i mauna Tantalus e hoohala manawa ai, a e hanu ai hoi i na ea huihui oia kuahiwi.

            Ua hookohu ia aku o M.N.Sanders i Pailata, makahi o Capt.Shepperd i haalele mai.

            Ua hala aku no Kauai o Rev.Gulika no ka hui o na Kahunapule Hawaii e malama ia ana malaila, oiai hoi oia ke kakauolelo o ka Papa Hawaii.

            Ua hala aku no Kauai ka puali keakalio a Price a me Burns, i ka Poakahi nei.

            Nui ka poe i hiki aku ma ka Ema Kuea e hoolohe ai i ka b ana i ka po nei.

            I ka la 10 ae nei e hoolohe ia ai ka hihia o ka poe Pukiki i hoohaunaele ai i ka po Poaono nei, imua o ka Aha Hoomalu.

            No ka maimai o Julian Hayne, nolaila, ua hoopanee hou ia aku la ka hihia e pili ana iaia a ka la apopo.

            I keia la e ku mai ai ka mokuahi Malulani mai na Kona mai.

            I nehinehi __ aku ai o Waialeala no Punaluu, Hawaii.

            Eia ka mokupea nui Roanoke ke hoolele nei i kona ukana a e hoopiha aku ana hoi i ke kopaa i keia mau la iho.  O ka mokupea nui hookahi ia i komo mai i keia awa.  He eha kia o keia moku, a ua ane like me ka mokuahi Kina kona nui.

 

L.B.Kerr, ma Nae O Ka Halekuai O Mogan.

Alanui Moiwahine, Honolulu H.I.

Ke kalepa pololei mai na hale hana mai.

 

E kuai ana i kekahi mea okoa a e kuai ai ma ka ma a ke kumu kuai kukaa.

           

He kupono i na le d e e hele mai e nana mua maanei i ko makou puu waiwai nui mamua o ke kua.

 

O ka hookahi dala i kuai ia ma kahi o L.B.Kerr. Ua like ia me elua ma na halekuai e ae.

 

Ola hoi, ua loaa ua oe na lole.

 

N ona ke kumukuai elua dala hookahi dala wale no.

Na papale,

Na lipine

Na pua papale

Na hulu

Na lihilihi

Na mikinilima

Na lole

Na paku

Na keokeo uhi - moe

Na kihei huluhulu

 

Ect ect.

L.B.Kerr,

Alanui moiwahine.

Waikiki iho o ka Hale Kudala o Mogan.