Ka Oiaio, Volume I, Number 76, 16 April 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

 

 KA OIAIO PUKA LA.

 

 HOOLAHA AINA AUPUNI.

 

 MA KEIA, ke hoolaha ia aku nei, o na aina a pau i hoakaka ia ma ka Papa Kuhikuhi malalo iho, e wehe ia aku ana no ka poe makemake e noho ma na aina malalo o na hoakaka ana o Mahele VI o ke Kanawai Aina, 1895, no na Hoolimalima Home Liilii, mai a mahope aku o Mei 3, 1896.

 

  PAPA KUHIKUHI.

 

 He 10 apana aina ma ka Ili o Pouhala, Waikele, Apana o Ewa, Oahu, nona ka ilihonua mai ka 1 3/4 a 3 1/2 eka pakahi, a e hui puia ana me kela a me keia apana a no kula kekahi apana aina-wai (aina loi kalo), o aneane 1/4 eka.

 Aia hoi keia mau apana aina e pili la me ke alanui kaamahu o ka Hui Kaamahu ame Aina o Oahu, a he kokoke wale no i ke alaloa Aupuni.

 O na palapala nonoi a pau no keia mau apana aina e noi ponoi ia mai no ia e ka mea makemake, ma ke Keena Oihana o ka Hope-Agena, ma ka Hale Hookolokolo, Honolulu, kahi hoi o na palapala kii aina e ikea ai a me kahi e loaa ai na olelo hoakaka hou aku.

 E hamama ana ke Keena no ka lawe ana aku i na palapala nonoi ma ka hora 9 kakahiaka o ka Poakahi Mei 3.

   J. F. BROWN,

@ tf   Agena Aina Aupuni.

 

JOHN E. BUSH, Luna Hooponopono a me Puuka

 

HONOLULU. : : APERILA 16.  1896.

 

AVATAISA KUE I KE KUHINA WAIWAI.

 

 I keia kakahiaka i puka mai ai ka P. C. Avataisa, me kana mau olelo kuhalahala i ka hoike a ke Kuhina Waiwai, e i ana, ua waiwai ole kana hoike, oiai aole he mau hoakaka no na mea i hana ia iloko o na makahiki elua i hala aole hoi he hoike no ka nui o na loaa o keia mau makahiki elua aku e hiki mai ana, a me na loaa mai kela a me keia auhau malalo o na mea i aubau a i laikini ia paha.  O ka huina nui wale no kai hoike ia ae me ka hiki ole nae i ka Ahaolelo ke ike i hoi kahi e hiki ai ke hoololi ae, hoomama ae, a hapai ae i na auhau a noonoo aku i ka hana kupono e hana ai, ma ke kanawai, no ka hoonui ana i na loaa aupuni i hiki ai ke hookoia na hana a pau, a ke ukuia na luna a me na paahana, o ke aupuni.

 

  KA OIHANA DUTE.

 

 Ke kaana ia na mea a pau e pili ana i ka hooko ia ana o ka oihana Luna Dute Nui o Honolulu, me he la ua oi aku ka hooko pono ia a me ka hoomaluia o na hana hewa ma ka Hale Dute i keia wa mamua o ka mea i ike ia iloko o ua makahiki loihi i hala aku.

 Mamuli o ka makaala o ka Luna Dute i kana oihana ke pokeia nei na luna hana o kana oihana, i loaa ia ia ke kanalua no ka lakou kiai a malama pono i ka lakou hana, a me he la, ke wae nei oia, a ke komo nei kekahi mau luna kupono ma ko lakou makalua.  Ma ka mahina i hala ua hoopauia kekahi poe paahana o ka buroohi dute, ua hopu ia kekahi moku a me na kanaka o ia moku, me ke kokua ana o ka oihana makai, a ua lawe wale ia ka moku, a hoopaiia na kanaka, no ka hoopae opiuma; na loaa aku hoi kekahi poe ohumu e apuka i ke aupuni ma ka hale dute ma ka hookuukuu ana i ka waiwai me ka opiuma i huna pu ia, a eia hoi ke hookolokoloia nei kekahi poe pake kalepa no ka hoao ana e kipe i kekahi o na paahana oihana dute, e hoike hoopunipuni ae ua hoi kekahi poe pake i lele mai malalo o na palapala ae no eono mahina i hiki ai ia lakou ke aoho loa ma Hawaii nei ma ke ano e kue ana i ke kanawai o ka aina.  O keia mau hana a keia Luna Aupuni he mea i oi aku i ka hapa hui o ka poe i noho mua ma ia oihana, a he mea no hui e hiki ole ai i ka poe kue i ke aupuni Repubalika ke hoahewa i ke aupuni ma o kana mau hana.  Pomaikai ka lahui i na kauwa paahana e hooko ana i ka pono a haule mai ka lani.

 

  KELA A ME KEIA.

 

 I keia ia e holo aku ai ka Auseteralia, hora 4.

 

Ua huli hoi aku o Mr Romig, mahope o kana mau hooikaika ana no ka pono o ka hana a Karisto.

 

 He 927 ka nui o na Pake a me na Iapana ma Kahakaaulana. Ehia la mau makahiki piha kakou i na Pake.

 

 Ua hiki ae i Honoipu kekahi wani mokumahu uuku, holo pili mokupuni, no R. R. Hind.

 

 Nui na poino i loohia aku i kahi poe o Honoipo i kekahi nalu nui mai ka moana loa mai.

 

 Mai poina e na hoa'loha i ke kipa ana ae ma ka halekuai o N. S. Sach.

 

 Mai poina i na kuai hoemi ma kahi o B. F. Ehlers (Bainaba).

 

 Lehulehu na ohua no Kaleponi a me ka hikina ma ka mokuahi Auseteralia.

 

 He 25 ia o ke dala no na lole-pio kalakoa ma kahi o L. B. Kerr.

 

 Aia ka huhu a me ke kue i na Pukiki i ke aupuni a lakou no i kukulu ai.  Lole lua ka naau o kanaka a waiwai ole no hoi.

 

 Ua kikipu aloha mai ka mokukaua Amerika Con@rd i kona ku ana mai i kakahiaka nei mai Kipa mai.

 

 O kahi emi o na laau a me na wai-ala i keia wa oia no kahi o ka Hui Hobron kihi alanui Moi a me Papu

 

 Aia ma ka halekuai o J. J. Egan o kuai ia nei i keia mau la, he ano kaliki hou o na wahine, a he mea maikai no hoi ke kipa ana aku o na lede e ike maka, no lakou iho.

 

NO NA AINA KAHIKO

 

NA KULANAKAUHALE I NALOWALE A LOAA HOU AKU.

 

  MOKUNA VI.

 

 Assonana-- Na luakalai pohaku o Syene - Ke  ano o ka hooneenee ana i na Pohaku nunui - Na waimimilo o ka Nile - Aitiopa Kahiko - Mokupuni o Philae - Kahi hope loa o ka hoomana Kii - Na Kii pohaku - kalai anoe - A@oo Simbela - Ke ko ana o ka wanana.

 

 Aia ma ke poo o keia kahe'na wai-amio, eonmi@ ole iloko aina aku o Asonana, kahi o ka mokupuni hiehie o Philae, me na ahua pohaku e waiho mokaki ana o kekahi luakini i hoolaa ia ia Isis, no kekahi mau keneturia o ke au hou.  A he mea oiaio no@hoi, ia oe e komo hohonu aku ai iloko aina o Aigupika, pela no e loaa aku ai na hale i kukulu ia iloko mai o ke au hou, e hoike moakaka ana ua hoomaka aku hoi ko Aigupika noho'na malamalama mai na aina kaha aku o na Nuku lehulehu o ka Nile, a pela i nee aku ai iloko i ka hema.  O kekahi o na hale kahiko e ku helelei la maluna o keia mokupuni, a me ia ma Meroe, kahi kiekie loa ma ka muliwai, no ke au Karistiano wale iho nei no lakou.

 

 Ua laahia loa ko na Aigupika o ka wa kahiko hoomaopopo ana i keia mokupuui, ma ke ano he wahi i kaulana ma ka olelo he ilina hoi no Isiris, ko lakou akua mua e hoomana ai.  Ua manao ia aole he manu lele maluna ae ona, a aole he hookokoke aku o kekahi i ai aole hoi he ae ia o kekahi mae e kokoke aku i ka manawa a ke kahuna e hele ai e pono i ka lua i waiho ai o Osiris, wahi a ka olelo, ka mea mona ka inoa i hoomanaoia me ka hemolele loa a o na kahuna wale no kai ae ia e hoopu'a iki ae.

 

 Oiai hoi aole he kilakila o na mea e waiho @ o na hale a me na mea e ae ma Philae, eia nae he mau hiohiona nani no kona ia oe e hookokoke aku ana ma ka wai aku a ike pono ia aku na pana kaulana e like hoi me ka "Pela moe e Parao," a me na lalani kia pohaku.  Aole hoi he ano nui a kilakila o ka luakini iho; ua kaulana me@ oia ma kekahi o na mea i kakauia ma na paia a me na papa-pohhaku hoomanao ma na mea e hoike ana i na mea o ka palapala hemolele.

 Ma kekahi o na halepule mawaho aku o ka luakini ponoi, aia hoi ke kau la na olelo i kahakaha ia maluna o ka "Pohaku Roseta' i loaa ai i na Farani ma ka nuku o ka muliwai Nile; ma ka nele ana o keia pohaku i na hoaolelo Helena, o keia aku ke kumu o kela i olelo mua ia.  (E hoomauia aku.)

 

 Ua kipa mai kekahi mau makamaka haole o ka Hoomana o na La Hope , i ko makou keena nei.