Ka Oiaio, Volume I, Number 80, 22 April 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

 

KA

PUKA LA OIAIO

Hoopukaia i na la a pau koe ka la Sabati a me Lapule no 50 keneta o ka mahina.

BUKE I.                     HONOLULU, APERILA 22, 1896.                          HELU. 80

OIAIO PUKA LA

----- NA -----

Keehina io Karisto La.

 

-----oo-----

HAKUIA E MRS. E. G. WHITE.

 

 

KA POMAIKAI O KA PULE.

 

 

(Hoomau ia).

 

            E pii ae ka naau a kokoke ae i ka lani ma na eheu o ka hoomaikai mau loa.

            Ua hoomanaia ke Akua ma ka lani iluna me na mele a me na mea kani, a i ko kakou hoike ana i ko kakou aloha ke hoohalike nai kakou i ko kakou hana me na puali o ka lani. "O ka mea mohai i ka hoolea no'u oia ke hoonani mai ia'u."         Halelu 50:23.

            E hele kako imua o ko kakou mea nana i hana me ka hauoli kupono, me "ka hoelea ana a me ka leo o ke oli."            Isaia 51:3.

KA MEA E HANA AKU AI I KE KANALUA

            He nui na mea, a o ka poe opio paha ka oi,  i pilikia me na manao kanalua. He nui na mea ma ka Baibala i hiki ole ia lakou ke hoomaopopo, aole hoi i akaka ia lakou, a ua hoolilo o Satana i keia mau mea e hoonaueue i ko lakou manaoio i ka oiaio o ka palapala mai ke Akua mai. Ke ninau nei lakou. "Pehea e maopopo ai ia'u ke ala kupono? I na o ka Baibala ka olelo oiaio a ke Akua, pehea la e pau ai kuu kanalua a me kuu mau pilikia?

            Aole i noi mai ke Akua ia kakou e manaoio me ka hoomaopopo ole i ke kumu o ko kakou manaoio. Ua hookupaaia kona ola mau, kona ano, ka oiaio o kona olelo, ma na hoike ana e hiki ai ia kakou e hoomaopopo, a he lehulehu na hoike ana. Aole nae i hookaawale ke Akua i na mea i ulu ai ke kanalua. E hookupaa@kakou i ko kakou manaoio ma na mea i ikeia, aole ma ka wehewehe ana. O ka poe i makemake e kanalua, ua hiki no, aka o ka poe i makemake maoli e ike i ka oiaio, e loaa no ia lakou na kumu e hookahua ai i ko lakou manaoio.

 

            Aole i hiki i kanaka ke hoomaopopo lea i ke ano a me na hana o ka mea palena ole. I ka mea oi o ka noonoo, i ka mea i hoonaauao nui ia, e huna mau ia ke ano maoli o kela mea hemolele.

 

            "E loaa anei ia oe ka ke Akua mau mea hohonu? E loaa pololei loa anei ia oe ka mea mana? Ua kiekie ia e like me ka lani, heaha kau e hana ae? Ua oi kona hohonu i ko ka po, heaha kau e ike ai?"           Ioba 11:7.8.

            Ke olelo nei o Paulo ka lunaolelo. "Nani ka hohonu o ka waiwai a me ke akamai, a me ike o ke Akua; nani hoi ke kupanaha o kona mau manao, a me ka ike ole ia'ku o kona mau aoao."    Roma 11:33.

 

            Oiai nae, "Ua puni oia i na ao, a me ka pouli; o ka pono, a me ka hooponopoinoia, oia ke kumu o kona nohoalii."         Helelu 97:2.     E hiki no ia kakou e hoomaopopo i kona hana me kakou a me na kumu o kana mau hana, i ike kakkou i kona aloha palena ole a me kona lokomaikai i huiia me ka mana. E hiki no ia kakou e hoomaopopo i kona manao e like me ka kakou mea e pono ai; a oi aku mamua o keia he pono ia kakou e hilinai i ka lima mana loa a i ka naau i piha me ke aloha.

            Ua like ka olelo a ke Akua me kona ano ponoi, a ke hoike mai nei na mea huna hiki ole ke hoomaopopo ia e kanaka i kau palenaia ka ike. O ke komo ana o ka hewa iloko o ke ao nei, ka noho kino ana o Karisto, ka hanau hou ia ana, ke ala hou ana mai ka make mai. a me na mea e ae he lehulehu ma ka Baibala, ke hoike mai nei i na mea i oi aku ka hohonu mamua o ko kakou mana e hoomaopopo lea ia. Aole o kakou kumu e kanalua ai i ka ke Akua olelo no ko kakou hoomaopopo ole i na hana huna o kona lima. Ma ke ao nei ua hoopuni mai ia kakou i na mea a kakou i hiki ole ai ke ana. Aole no e hiki i na kanaka noeau loa ke hoakaka lea mai i ke ano o ke ola o na mea kupanaha i oi aku i ko kakou ike. Nolaila he pono anei ia kakou e kahaha no ke kakou hiki ole e hoomaopopo i ke ano o na mea ma ke ao uhane? Ko kakou nawaliwali a me ka laula ole o ko kakou noonoo ana oia ke kumu o keia pilikia. Ua haawi mai ke Akua ia kakou ma na palapala i na mea e lawa ai ka maopopo o ko lakou ano Akua; aole e pono ia kakou e kanalua i kana olelo no ko kakou hiki ole ke hooomaopopo i na mea huna a kona lima.

 

            Ke i mai nei o Pe tero ka lunaolelo, aia no "ma ia mau palapala a pau, ua olelo no ia i keia mau mea; he pohihihi no hoi kekakhi mau mea ma ia palapala, ua kapae hoi ka poe hoonaaupo a me ka poe kapekepeke, e like me ka lakou hana ana i ka olelo hemolele a pau, i mea e make ai lakou."             2 Petero 3:16. Ua waihoia mai e na mea manaoio ole na mea maopopo ole oo ka palapala me he mea la ua kue i ka oiaio o ka Baibala; aka he mea no ia e maopopo ai kona ano mai ke Akua mai. Ina ua maopopo ia kakou na mea a pau ma ka Baibala, i na ua hiki h@ka ke hoomaopopo i na mea a pau e pili ana i ko ke Akua ano, alaila aole no i maopopo lea ka oiaio. No ke ano hohonu o na mea huna i hoike ia mai he pono ia kakou e hilinai aku i ka oiaio o ka ke Akua olelo.

 

            Ke wehe mai nei ka Baibala i ka oiaio me ke ano maopopo a me ke ano pili i na nele a me na iini ana o ka naau o kanaka, ka mea i kahaha ai a i hoolealea ai i na mea naauao oiai ua hiki i na mea haahaa a me na mea naaupo e hoomaopopo i ke ala o ke ola. Oiai o keia mau oiaio i hoike ia ua pili i na mea kiekie a laula, i oi loa aku mamua o ka ike o kanaka. he pono ia kakou e ae aku no ka mea ua olelo mai ke Akua pela. Ua wehe ia mai ka eu anelio imua o kakou, i ike kela a me keia uhane na mea ana e hana ai ma ka mihi i ke Akua, ka mauaoio i ka Haku Iesu Karisto, i ola mamuli o ko ke Akua makemake; malalo nae o kei mau oiaio, i ike maopopo, ua huna ia na mea e uhi ai i kona nani, --na mea huna e hoopau ai i ke aho, oiai e hoopiha ana i ka mea imi i ka oiaio me ka eehia a me ka manaoio.

 

Aole i pau.