Ka Oiaio, Volume I, Number 84, 28 April 1896 — Page 1

KA PUKALA OIAIO

Hoopukaia i na la a pau koe ka la Sabati a me Lapule no 50 keneta o ka mahina.

Buke I.                        HONOLULU, APERILA 28, 1896               HELU. 84

OIAIO PUKA LA

NO NA AINA KAHIKO

NA KULANAKAUHALE I NALOWALE A LOAA HOU AKU.

Mahele II.

KA AINA O KA ISERAELA.

            "Ia la no, hoopaa iho la oia i berita me Aberahama, i ka i ana mai, Ua haawi aku no wau i keia aina no kau poe mamo, mai ka muliwai o Aigupika a hiki aku i ka muliwai nui, ka muliwai o Euperate."  Kin. 25:18.

MOKUNA I.

KA AINA I KAUOHAIA.

            Ua noho kanaka mua ia o Palesetine e ka Hitite, Amorite, Iebusite, a me na ohana e ae o na mamo Kanaana, oia hoi he poe mamo lakou a pau na Kanaana,, keiki a Hama, a moopuna hoi a Noa, ka mea i manaoia ua noho a make ma ia aina.  No ia kumu i kapa kahiko ia ai no ia aina ka "Aina o Kanaana," (Kin 13:12) i kupono wale no nae ia kapa ana no Palesetine Komohana, oiai na lahui ma ka hikina o ka Ioredana he poe no ka lahui Ponicia mai.  Ua hookamaaina mua hoi ka poe Kanaana ma ke awawa haah a o ka Ioredane, a ma na kula o Pilistia a me Ponicia, "ma ke kai," (Na Helu 13:29) e like me ke ano o ko lakou inoa, he poe noho ma na aina haahaa, a ma na kapa kahakai, a ua ao ia mai hoi kakou o Sidona, ke keiki mua o Kanaana, i hookumu i ke kulanakauhale ma ia inoa, a oia hoi ka makua o ka oe Sidoniana a me Poniciana.  He umi hou aku a Kanaana mau keiki, nona aku na mamo i like ka nui me ia helu e noho apa ma keia aina, no ia mea, aneane, ina aole no i pau loa, he poe Kanaana wale no a pau na lahuikanaka i noho ma ka aina o Siria i ka wa o na makua kahiko.  No ko lakou hoomana kii a me ko lakou hana hewa nui ana, ua kipakuia a i ole ua anai pio loa ia e ka lahui Iseraela ka poe i noho paa, me na wahi kowa pokole o ka lilo ana ia hai, maluna oka aina o Kanaana a hiki wale i ka hiki ana mai o ko Davida hooilina kelakela ko kakou honua hoola ia ia i hele mua mai ai o kukulu i kona aupuni uhane, i hoopaa ole ia hoi no kekahi aina a lahui, aka, no na aina a me na lahui a pau, oiai hoi he aupuni no ka pono a me ka maluhia, a he aupuni e mau ana ma ka honua nei a hiki i ka lilo pau ana o "na aupuni o keia honua he mau aupuni no ko kakou Haku, a  o kona Karisto."  (Hoik.11:15)

            He hookahi haneri a me kanalima wale no mile loihi o Palesetine Komohana "mai Dana a Bereseba," ma o hookahi hapakou o ia loihi ma ka laula; aka nae, o keia wahi apana aina oololi, i ano ole ma o kona ano ponoi iho, ua piha pono me na kumu moolelo a me na haawina hemolele ku i ke ohohie.  E like me ke ano o kona kulana moeana ma ka papalina o ka honua nei, he ki no Asia Komohana, ua paa ia hoi keia aina ma ka lima o na aupuni pookela o na kahiko, a ua hiki paha ke kapaia me ke kupono 'o keia ke kahua kaua o ke ao nei.

            He nahaha ke ano o ka iliaina a he pohaku, a e moe ana hoi ka lalanai kuahiwi o Lebanona ma ka loa holookoa o ka aina, a e hookaawale ana hoi i ka maheleana nui o ka aina a me ke kai Waenakonuhuua ma ke Komohana, mai ke awawa o ka Iroedana ma ka Hikina.  Aka nae, he aina momona loa keia o ka lepo, a ua hiki hoi ke hoolawa i ka noho ana kanaka i pa ana aku ka helu i ko keia wa.  Ke mau nei kona ano "he aina o ke kulina a me ka aila a me ka uwaina."  E ulu luluu aua hoi ka laau oliva a me ka uwaina maluna o na ahualapa pohaku puna, a he mea hiki po a keia wa i na kula momona o Sarona a me Esdraelona malalo o na mahi ai maikai ia ana, ke hoohua pahaneri i na hua huita, bale, a haa ai e aku; a me he la he kiekie mau no ka hoohua ana mai o ka honua, e like me ka hoike ana mai ma na wahi e wili uwi ia ai ka aila a me ka huauwaina i oki ia iloko o ka pohaku paa, a ma na kahua papu hahi o ka hua palaoa e kaka ia ai, he lehulehu e ku hoike nei.

            Aohe hoi he alanui a he mau kaa a mea e ae e hiki ai i ke kaahele ana ma Palesetine ponoi koe mawaena o Iapa a me Ierusalema, no ia kumu, ua kupono wale no ia oe ke hoolimalima i kekahi kamaaina (dragoman) i makaukau nana e hoolako mai ia oe i na hale-pea, na lio, na wahi moe, a me na mea e ae a pau i lawa kupono no ke kaahele ana.

            A he mau hiona kohu kaao no hoi kekahi iloko o keia kaahele a noho ana iloko o na halelohe.  E lawe ae hoi kakou a e hoomanao wale iho no i ka hauoli o ka kaahele ana maluna o na puu a me na kula a me na wahi awaawa i hehiia, e na kapuai wawae i maluhiluhi o ke Keiki aloha a ke Akua.  Ma ka hoomaha ana o ka po ana iho maluna o Mauna Oliveta ka hoopaa ana i ka haupo lewa ma Ierico, ka luuwai ana ma Ioredana, ka hoona ana i ka onowai ma ka punawai a Iakoba, ka moe ana ma Nazareta, a hoohala ana i ka Lapule ma Mauna Kamela, Taboa, a Mauna e ae i like ke kaulana,--o keaha aku hoi ka mea eehie i oi o ka hoolana manao i ke kanaka mamua o keia mau mea i heluia ae la?

            Aole hoi i oi aku ka nui o na kanaka o ka aina i keia wa mamua o ka eha haneri tausani a i na ike aku ke emi mau nei.  Aole he mau anaina hale hou i kukulu hou ia ae, a o kahi kahiko hoi eia ke helelei mau nei.  Ke ilihune mau nei hoi na kanaka, ua emi mai ka waiwai iwaena o ka poe kuonoono, emi mai na lio , na kamelo, a me holoholona hanai i ko na la i hala aku.  Ke nalo aku la hoi na laau hua ai a me na ululaau.  Aneane e waiho kuanea na aoao pali o Mauna Kamela mai kona ululaau ae no ka hoolako ana i na laau no ke alawaioki o Sueza, a oiai hoi k kakaikahi na laau hua ai i auhau ole ia, me ka hua a hua ole, he kakaikahi na laau kanuia.  Me he la ua oki na hana a pau aole he mau hana hooholo mua a aole he mau hana hou ae o kekahi ano.

Aole i pau

            Ua hooemiia na lole merino a me halua ma kahi o B.F. Ehlers (Bainaba)