Ka Oiaio, Volume I, Number 85, 29 April 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

HOOLAHA AINA AUPUNI.

 

            MA KEIA, ke hoolaha ia aku nui, o na aina a pau i hoakaka ia ma ka Papa Kuhikuhi malalo iho, e wehe ia aku ana no ka poe makemake e noho ma na aina malalo o na hoakaka ana o Mahele VI o ke Kanawai Aina, 1895, no na Hoolimalima Home LIilii, mai a mahope aku o Mei 4, 1896.

PAPA KUHIKUHI.

            He 10 apana aina ma ka Ili o Pouhala, Waikele, Apana o Ewa, Oahu, nona ka ilihonua mai ka 1 3/4 a 3 1/2 eka pakahi, a e hui puia ana me kela a me keia apana aina kula kekahi apana aina-wai (aina loi kalo), o aneane 1/4 eka.

            Aia hoi keia mau apana aina e pili la me ke alanui kaamahu o ka Hui Kaamahu ame Aina o Oahu, a he kokoke wale no i ka alaloa Aupuni.

            O na palapala nonoi a pau no keia mau apana aina e noi ponoi ia mai no ia e ka mea makemake, ma ke Keena Oihana o ka Hope-Agena, ma ka Hale Hookolokolo, Honolulu, kahi hoi o na palapala kii aina e ikea ai a me kahi e loaa ai na olelo hoakaka hou aku.

            E hamama ana ke Keena no ka lawe ana aku i na palaplala nonoi ma ka hora 9 kakahiaka o ka Poakahi Mei 4.

 

J. F. BROWN

Agena Aina Aupuni

tf

 

JOHN E BUSH,         Luna Hooponopono a me Puuku

HONOLULU. :: APERILA 29, 2896.

 

HE KANAWAI MAIKAI.

            Ua lawe mai ka Loio Kuhina i kekaki bila kanawai e papa ana i ka hookuukuu wale ia o na keiki opio malalo o ka umikummalima makahiki e hele maau wale iho no ma na alanui, aole hoi e ike ia ma ke alahele mahope o ka hora eiwa o ka po.  He kanawai maikai loa keia, oiai he mea oiaio loa he nui na opio e auwana hele nei o ka po.  O ke puhi cigarita kekahi kupono e kau kanawai ia i na opio.

 

PAE OLULO.

            Ma ka la 26 o Aperila nei, ua pae olulo aku la kekahi waapa me iwakalua-kumamakolu o na ohua poino ma Hilo. Ua pau ka moku o keia poe i ke ahi i ka la 17 no o keia malama, he aneane ewalu haneri mile ma ka hikina aku o Hawaii.  Oiai o Hilo ke awa kokoke aku ia lakou, ua hookele mai hoi lakou no ia awa, a me ka maalahi ua pae mai i ka aina iloko o ewalu la ma ka moana.  Pomaikai ka poe i hoao ia ke ike i ke ano oia mea, no ka mea he pomaikai i oi no lakou ke komo hoi ka ike io iloko o lakou ma i mea.

 

MAKE IA WAHINE KAMAAINA.

            Ua make ma ka home o kana keikamahine, Mrs. J. D. Akerman, o Mrs. Mary Yates, kekahi o na kamaaina kahiko o Kona, ma ka la 24 o Aperila, 1896. Ua haalele iho oia he mau keiki 4, a he 25 mau moopuna, e kanikau aku nona ma keia aoao o ka luakupapau. He makamaka oluolu oia a he lokomaikai no hoi i na poe a pau e maalo aku ana ma kona home a he nui no hoi kana mau hana aloha e poina ole ia ai na hoomanao ana nona. Ua akoakoa ae kana mau keiki me na moopuna ma kona wahi moe mamua o kona haule ana aku i ka moe kapu a ka make, e waiho ma ka lua a hiki i kona hoala hou ia ana mai e ka leo o ka pu kapua ke Akua i hookani ia e kona Anela Nui. Pomaikai keia kahiko i kona hiamoe ana, e like me Iakoba, i ka loihi o ke ola ana, iwaena o kona ohana, e ao aku ana a me kona hanu hope e hoomaikai ana ia lakou, me ke kauoha e hoomililani aku ia Iehova a e aloha kekahi i kekahi.  O ka make ana keia me ka lanakila a me ka oluolu. Me ka ohana ko makou aloha.

 

KELA A ME KEIA.

            Ua hala aku ka Hope Ilamuku no Kaui, i ka la o nehinei.

            Ua hoopanee ia kau la ka Aha Mele a na keiki o Kamehameha a ka po Poaono ae nei.

            Ma na mokuahi pili aina i lawe ia aku ai na limahana no na mahiko like ole.

            Ke hana ala ko Hilo poe i kahua heihei lio no lakou.

            Nui ka ukele o na alanui o ke kulanakauhale nei.

            Mai poina na makamaka i ke kuai hoopau ma ka hale kuai o L. B. Kerr. He 30 i-a kalakoa paa no hookahi dala.

            Ma Malulani i hiki home mai ai ka Moiwahine Kapiolani mai Kona mai i ka Poalua iho la.

            Eia hou me kakou ke keiki Alii o Mana a me ke Duke o Waikapu ma ka nene aukai mai no o Kona.

            I ka la apopo e ku mai ai ka Monowai mai ka Hema mai.

            Ua haalele iho kekahi poe malihini ia Kapapala no ka luaopele o Mokuaweoweo, malalo o ka alakai ana e Kuliana Maunakea.

            Oiai ka mokumahu Hawaii e hiu ana i kona hele uma ma ke awa kuwaho o Hakalau, ua hei pu ae la kekahi heleuma nui me kekahi apana kaula. He 3500 paona kona koikoi.

 

            Mai poina e na hoa'loha i ke kipa ana ae ma ka halekuai o N. S. Sach.

            Mai poina i na kuai hoemi ma kahi o B. F. Ehlers (Bainaba).

            He 25 ia o ka kala no na lole-pio kalakoa ma kahi o L. B. Kerr.

            No ka poe pena a pia i ka helehelena e loaa no ka pia aala "Ramona" ma kahi o Hobron ma.

 

Na Lole:.

::Kohukohu!

Oia hoi ka mea a na lede a pau e ake ana e loaa a he meahiki wale no ke hookoia.

 

E HELE MAI OUKOU I LOKO O KOU

HALEKUAI A E HANA AKU AU I KA

KA MEA KUPONO I KO OUKOU

MAKEMAKE.

 

Ua loaa mai nei a'u kekahi ano piha o na

 

LOLE AAHU HOU LOA.

 

Crepon, (he like me kanikau)

Na Lole Farani,

Na Lole Ulana Waihooluu Like Ole

Na Lole Awiliwili Lopi Silika me Huluhulu.

 

Na Lole Alabatosa,

Na Lole Casamia a me Huluhulu

Na Lole Hulu Kao Lama

Na Makalena

 

Na Lole Diminite

Na Lole Pongi,

Na Lole Satina

 

Na Peersucker,

Na Rliss,

Na Lole Anuunuu Crepe

 

Na Keokeo Manoanoa o na ano a pau, etc, etc.

 

Aia no hoi ma ko'u Halekuai ka

LOLE FIBFRELABRICA.

 

He mea i oi akupih ka ma kkoa L OE NAAUHULU

 

            Aole no oe i kahikoa ke ole iika hoi loaa ia oe kekahi o kuu

PALEKOKI KOU MAMALU

 

A e halo iho hoi i ke Kaliki (Trilby) ano hou, kupono i kau e iini nui nei.

Aia hoi ma ko'u halekuai na Lolo Moepoli i kahikonoeau ia, a kupono o ka hana ana iho m Adamu

Na Pale ili o na kani i kupono hoi ko Eva makemake, i huki ai ka Ulua i Malamanui. Uwese oe.

Na kaliki o na ano maikai loa, i hiki ke hoopuanikiia ka poe aluhee, na kakini kupono no ka pae paiho a me ka poe pauhananuu o na a-u, na mikinalima, na hainaka, a pela aku

E hauoli loa au e hoomakaikai aku i keia mau mea nani i na Lede o Honolul.

J. J. Egan.

Alanui Papu Mei 21, 1895      mei@ 12