Ka Oiaio, Volume I, Number 89, 5 May 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE I.          HONOLULU, MEI 5  1896          HELU 89

 

OIAIO PUKA LA

 

---NA---

Keehina io Karisto La.

---oo---

HAKUIA E MRS. E. G. WHITE.

KA MEA E HANA AKU AI I KE KANALUA

 

(Hoomau ia).

  Ke hooikaika nei kou ano kanalua, a e hookaawale ana i na anela kokua mai. a oe aku. I na i hoowalewale mai Satana ia oe, mai lawe aku i kekahi olelo kanalua a pouli paha. I na makemake oe e wehe i ka ipuka i komo mai kona mau manao ino e piha auanei kou naau me ke kanalua a me na ninau kipi. I na i hoopuka aku oe i na manao kanalua, e lilo auanei ia mau manao i mea e hoohua mai ai i na mea ino me kou naau a ma na naau o na mea e ae a e hiki ole ia oe ke hoopau i ka mana o kau mau olelo. E hoopakeleia paha oe mai ia pilikia mai, aka, o na mea e ae i lohe i kau mau olelo aole paha lakou e hoopakeleia mai na pahele a Satana. Nolaila he pono ia kakou e olelo i na mea e kokua ana i ka ikaika o ka uhane a me ke ola, a malaila wale no.

  Ke hoolohe mai nei na anela i kau mau olelo i kanaka e pili ana i kou Haku lani. He pono ke pili kou kamailio ana i ka mea e uwao mau ana nou imua o ka Makua.

  Aia a lulu lima oe me kekahi hoaloha, e hoonani aku i ke Akua ma kou mau lehelehe a ma kou naau. Pela e alakaiia kona manao io Iesu la.

  He pilikia ko na mea a pau, na ehaeha kaumaha ke amo,l na hoowalewale paakiki ke pale aku. Mai kamailio aku ma kou mau pilikia i kou mau hoa kanaka, aka, lawe aku i na mea a pau imua o ke Akua ma ka pule. E hana ae i rula nou iho, aole e hai aku i kou manao kanalua a hoopoho. E hiki ia oe ke kokua aku ia hai, i hooikaikaia ko lakou hana ma na olelo hoolana a hoohauoli.

  He nui na naau koa i kaumaha i ka hoowalewaleia, aneane maule iloko o ka paio ana me ka ino o loko a me na mana o ka po. Mai hoonawaliwali i kekahi o ia mau mea iloko o kona paio ana. E hooikaika ia ia me na hua olelo koa, me na olelo hoolana i ka manao e kokua ana ia ia i kona hele ana.

  Pela e lele ae ka malamalama o Karisto mai ia oe aku: "Aohe mea o kakou e oia ana nona iho." Rom. 14:7. Ma ko kakou mana i manao ole ia e kakou, e hooikaikaia na mea e ae, a i ole ia e hoonawaliwaliia ananei, a paleia mai a Karisto aku a me ka oiaio.

  He nui na mea i kuhihewa i ke ano o ko Karisto noho ana. Ua manao lakou ua nele oia i ke ano oluolu a me ka olioli, a he ano paakiki, oolea, olioi, ole kona. I kekahi manawa ua pouli ka noonoo ana a pau no keia kumu.

  Ua olelo pinepine ia na uwe o Iesu, aka, aole i ikeia kona akaaka ana. He oiaio no he kanaka kaumaha o Iesu ko kakou Hoola, a na kaikai no ia i ko kakou popilikia,l no ka mea ua hamama kona naau i na ehaeha o kanaka. Aka oiai ua pilikia, kona noho ana me ka ehaeha a me ke kaumaha, aole i pepe loa oia. Aole he kaumaha kona maka, aole i hoohalahala oia, aka, he ano malu ke nauaia aku  He punawai ola kona puuwai, a ma kona wahi i hele ai ua lawe pu oia i ka malu, ka hauoli a me ka olioli.

  He ano hooikaika mau ko kakou Hoola, me ka hana nui, aka, aole nae i nuhanuha a niania. E like auanei ke ola o ka poe hahai ia ia ma ka hooikaika mau, e hoomanao mau no lakou i ka hana nui e kau pakahi ana ia lakou. E kinaiia ka lealea pono ole, aole no o walaau ino, aole kamailio ano haukae, aka, e lilo ka hoomana a Iesu i mea e nalu ai me he muliwai la. Aole ia he mea e pio ai ka olioli aole no e emi mai ka hanoli, aole hoi e hoopouli i ka makaoluolu. Aole i hele mai o Karisto e hookauwaia mai, aka, e kokua aku ale noho alii ke aloha ma ka naau, e hahai kakou i kona pana.

  I na e noonoo mau kakou no na hana aloha ole a pono ole a hai, aole hiki ia kakou ke aloha aku ia lakou e like me ka Karisto i aloha mai ai ia kakou, aka, i na e noonoo mau kakou ma ke aloha kupanaha a me ke aloha menemene o Karisto no kakou, e ku aku no ke aloha oia ano mai ko kakou mau naau aku ia hai. He pono ia kakou e aloha aku a e hoomaikai aku ia hai, oiai na ike kakou i ko lakou mau hewa a kina.

  He pono ia kakou e hoomahuahuia i ka kakou akahai a me ko kakou manao haahaa no kakou iho, me ka hoomanawanui i na hewa a hai. Pela e make ai ko kokou alunu pono ole a hoomahuahua i ko kakou ano lokomaikai.

  Ke olelo mai nei ka luna haku halela: "E hilinai aku ia Iehova, a e hana i ka pono, a e noho ae ma ka aina, a e hanai io ia'ku oe." Halelu 37:3. "E hilinai ia Iehova:" Aia no i kela me keia la kona mau kaumaha, kona mau pilikia a me kona hana, a i ko kakou halawai ana ua makaukau kakou e kamailio no ko kakou mau pilikia. No ka nui o ko kakou mau kaumaha i hoopoinoia mai a me na manao pihoihoi mehe mea la aole o kakou Hooia aloha, ua makaukau mau e kokua, a hoolohe i ko kakou mau noi ana a e kokua mau i ko kakou wa e pilikia ai.

                           Aole i pau.

 

  Ua hooemiia na lole merino a me halua ma kahi o R. F. Ehlers (Bainaba.

  Mai poina e na hoa'loha i ke kipa ana ae ma ka halekuai o N. S. Sach.

  Mai poina i na kuai hoemi ma kahi o B. F. Ehlers (Bainaba)

  Eia ma kahi o Hobron e kuai ia nei na laau o keia a me keia a o.

  He 25 ia o ke dala no na lole-pio kalakoa ma kahi o L. B. Kerr