Ka Oiaio, Volume I, Number 90, 6 May 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE I.             HONOLULU, MEI 6, 1896              HELU. 90

 

OIAIO PUKA LA

 

NA

 

Keehina io Karisto La.

 

‘HAKUIA E MRS E.G. WHITE.

 

KA MEA E HANA AKU AI I KEKANALUA

 

(Hoomau ia).

 

 

            O kekahi poe he makau mau, a he makau i ka pilikia.  I kela la a i keia la ua puni lakou i na mea e maopopo ai ko ke Akua aloha, i kela a me keia la ua oluolu lakou ma na mea ana i hoolako mai ai, aka, ua hoopoina lakou i keia mau pomaikai.  E hoomanao mau ana lakou ma na mea hookaumaha a lakou i makau ai o hiki mai, a i ole ia ua hookaumaha ia lakou e kekahi pilikia iki a ua hoopoina lakou i ke aloha.  Aole i hele lakou i ke Akua me ko lakou mau pilikia i ka mea wale no e hiki ana e kokua ia lakou, aka, ua hookaawaleia mai ona mai, no ka mea ala mai ka manao hilinai ole a me ka hoopalaleha.

 

            He maikai anei ke noho kakou me ka manaoio ole?  No ke aha la e noho kakou me ke aloha ole a me ke kanalua?  O Iesu ko kakou makamaka, ua manao nui na mea ma ka lani i ko kakou pomaikai.  Mai ae aku kakou i na pilikia a me na kaumaha o kela me keia la e hoopilikia i ka noonoo ana a hoopouli i ka maka.  I na ae aku kakou e mau ana ko kakou pilikia a me ke kaumaha.  Aole pono ia kakou e ae aku i na manao pihoihoi ka mea e hoopilikia ana o hooluhi wale mai, aole pae kokua ia kakou e amo i ko kakou mau mea hookaumaha.

 

            E pilikia ana paba oe ma kou hana; e pouli ana paba ke alanui imua ou, a e poho ana paha kou hana; mai hoopaupauaho oe; e hooili i ke kaumaha maluua o ke Akua, a pho me ka manao oluolu a hauoli.  E noi aku no ka naauao ma kon hana, i ole poho a poino E hooikaika e like me kou ikaika i puka pomaikai aku kau hana.  Ua ae inai Iesu e kokua, aia nae a bana oe.  Aia a hihuai aku oe i ko kakou kokua, a ua hooikaika pu oe, e ae aku i ka hopena me ka oluolu.  Aole i makemake ke Akua e hookaumaha loa ia kona mau kanaka me ka hana.  Aole hoi i hoopunipuui mai ko kakou Haku ia kakou.  Aole ona olelo “mai maka-u, aole he pilikia ma kou alanui.”  Ua ike no ia he mau mea e hoao ai a he mau mea e poino ai, aka hai pololei mai nei oia.  Aole i mauao oia e lawe aku i kona oe mai ke ao i piha i ka hewa a me ka ino, aka ua kuhikuhi aku oia i ka mea e pakele mau ai.  O kona pule no kona mau haumaua.  “Aole au e pule aku, i lawe aku ai oe ia lakou ika ino.”  “Iloko o ke ao nei,” wahi ana, “e loaa ia oukou ka popilik ia:  aka, e hoolana oukou; na lanakila au maluna o ke ao nei.”  Ioane 17:15:16:33

 

            Ma kana haiao ma ka mauna, ua ao mai o Karisto i kana mau haumana i ua haawina maikai no ka pono o ka hilinai ana i ke Akua.  Ua kupono keia mau haawina e kokua i na keiki a ke Akua i na manawa a pau, a ua hiki mai io kakou ua piha i na haawina maikai a me na manao hoolana.  Ua kuhikuhi aku ka Hoola i na manu o ka lewa oiai e memele ana i na leo hoonani me ka manao ole i ka hana.

 

            “Aole lakou e lulu hua, aole hoi e oki ai, aole no hoi e hoahu ae iloko o na halepapaa, a ua hanai ko oukou Makua o ka lani ia lakou,” a ke ninau nei ka Hoola: “Aole anei e oi aku ko oukou maikai i ko lakou?”  Mat. 6:26.  Ke wehe nei ka mea malama i kona lima, a ke hanai nei i na mea ola a pau.  Ua noonoo oia no na manu o ka lewa.  Aole ona hookomo i ka ai ma ko lakou mau nuku, aka, ua hoomakaukau oia no ko lakou mau pilikia.  Na lakou no e ohi i na hua ana i lulu ai no lakou.  Na lakou no e hana i ko lakou mau punana.  Na lakou no hanai i ka lakou mau keiki.  Ke hele nei lakou me ka memele i ka lakou hana no ka mea, “ua hanai ko oukou makua o ka laui ia lakou.”

 

            “Aole anei e oi aku ko oukou maikai i ko lakou?”  Aole anei oukou ka poe hoomana ma ka naau i oi aku mamua o ua manu o ka lewa.  Aole anei e malama mai ko kakou mea nana i hana, ka mea i hana mai ia kakou ma kona ano i na e hulinai aku kakou ia ia?

 

            Kuhikuhi aku la o Karisto i kana mau haumana i na pua o ke kula, e ulu paapu ana, a e opuu mai ana me ka nani maoli a ka Makua Lani i haawi mai ai ia lakou, i mea e hoike ai i ko ke Akua aloha i kanaka.  Ua olelo mai oia.

 

            “E nana i na lilia o ke kula, i ko lakou ulu ana:” Ua oi loa aku ka nani o keia mau pua o ke kula mamua o ka nani o Solomona.  A ua oi loa kau ka nani o na mea a ke Akua i hana ai manua o ka nani o na mea i hanaia me ke akamai loa o kauaka.  Ke ninau mai nei Iesu “I na pela ke Akua e hoonani mai ai i ka nahelehele, i na no ma ke kula i keia la, a i ka la apopo e hooleiia i iloko o ka umu, aole anei he oiaio kona hoaahu ana mai ia oukou, e ka poe paulele kapekepeke?”  Mat. 6:28.30.

 

            I na i haawi mai ke Akua i na pua i ko lakou nani, na mea e ola ana no ka la hookahi, aole anei oia e malama i na mea ana i hana ai ma kona ano?  O keia haawina o Karisto ka mea e papa ai i ka manao pihoihoi a me ke kanalua o ka naau paulele kapekepeke.

 

            Ke makemake nei ka Haku e noho olioli a malu a hoolohe kona mau keiki kane a me koua mau kaikamahine a pau.  Ke i mai nei Iesu, “He aloha kau e waiho aku ai ia oukou o kuu aloha kau e haawi aku si ia oukou, aole like me ka haawi ana o ko ke ao nei, kau haawi ana aku ia oukou.  Mai hookaumahaia ko oukou naau, a mai makau hoi.”  “Ua olelo aku au ia mau mea, i mahuahua ai ko oukou olioli.”  Ioanne 14:27; 15:11.

 

            O ka pomaikai i iiniia mamuli o ka manao alunu, mawaho ae o ke ala o ka pono, he pono ole, he kulanalana, a he mae wale, ua hala aku ia, a ua piha ka uhane me ka mehameha a me ke kaumaha, he olioli a he pomaikai nae ma ka hana a ke Akua; aole i waihoia ke Karistiano e hele ma na alanui maopopo ole, aole i waihoia i na mauao waiwai ole a me ka hoohokaia.  I na aole i nui na mea e hoohauoli ai ma keia ola ana, he olioli ke nana aku i keia ao aku.

 

            E hiki no nae i ke Karistiano ke hoohauoli ma ke kamailio pu me Karisto ma keia noho aua, e hiki no ia lakou ke loaa i ka malamalama o kona aloha, a me ka oluolu mau o kona noho pu ana.

 

            E hiki no ia kakou e hookokoke mau aku ia Iesu, a ike aku kakou i kona aloha a hohonu aku, a hookokokoke hou aku ia kakou i ka home pomaikai o ka malu.

 

            Nolaila mai kanalua hou aku kakou, aka, e hookupaa i ko kakou mauaoio a oni paa loa.  “Ua kokua mai o Iehova ia kakou a hiki ia nei.”  1Sam. 7:12, a e kokua no oia ia kakou a i ka hopena.  E nana kakou i na mea a ka Haku i hana ai e hooluolu mai a e hoola mai ia kakou mai ka lima mai o ka mea hoopoino.  E hoomanao mau kakou no na mea lokomaikai a ke Akua i hoike mai ai ia kakou, na waimaka aua i holoi ai, ua ehaeha ana i hooluo’u ai, na kaumaha ana i hoopau ai, na makau ana i hoopuehu ai, ua pilikia aua i hoopau ai, na pomaikai ana i haawai mai ai, a pela i hooikaika mai ai ia kakou no keia mua aku a no ke koena o ko kakou hele malihini ana.

 

                                                                                                Aole i pau.

 

            No ka poe pena a pia i ka heleheleua e loaa no ka pia aala “Ramona” ma kahi o Hobron ma.

 

            O kahi emi o na laau a me na wai-ula i keia wa oia no kahi o ka Hui Hobron kihi alauui Moi a me Papu.