Ka Oiaio, Volume I, Number 96, 14 May 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

 

KA OIAIO PUKA LA.

 

JOHN E. BUSH,  Luna Hooponopono a me Puuku

 

HONOLULU. : : MEI 14, 1896.

 

  NA MOKUKAUA HOU O IAPANA.

 

 Eia no keia aupani o na lahui hoowahawahaia o Asia, ke hoomau nei ma na alanui a pau ke hahai ia nei i na aupuni lahui Anglo Saxon, a me na lahui Latina.

 Ma hekahi mau ano ua hoholo maoli no ka aapo ana o keia lahui i na ike o na lahui naanao o ke ao nei, a ma ka emi a me ka pakiko o ka hana ana a me ka noho ana, na oi aku hoi keia lahui.  E makaala mau ana oia i na wa a pau.  No ka pono a me ka lanakila o kona noho ana ma keia mua aku, aole hoi oia i hoopoina iki o ka ikaika a me ka makaukau kaua kekahi o na pono nui o ua lahui o keia wa, a no ia kumu ke kukulu nei oia he elua mau mokukaua helu ekahi ma Enelani i keia wa, a he hookahi o laua i paa, nona na tona he 13,150, me na enegini papakolu, he 387 kapuai loihi, 73 kapuai laula, a he 14,000 ikaika lio o na enekini.

 He elima mau ipu-uwila hoomalamalama, a he 18 mile o ka hora ko laua holo.  He 226 kapuai kahi o na palekila kaua o ka moku i paleia, he 2 1/2 iniha, a he kiwihao kona malalo o ka ilikai ma ka ihu-moku.  He elua o laua kia kaua, he mau wahi e hiu ai me na mikini i ua waapa he 13, a he elua mau moku lana topedo.  He $3,900,000 ka lilo no ka moku a me keia mau lako, koe aku hoi na pu a me na lako kaua e ae.

 Ua hoolakoia hoi keia mau, moku me ua pale - kila he 3000 tona ka nui no ka wa pilikia.  He 4 ka helu o na pu nunui, o 12 iniha ana waena o ka waha, he 49 tona kaumaha, he 106 iniha mau pu kuniahi kialapine, 13 mau pu kuniahi liilii? paona kialapine, a he 10 pu kuuiahi kialapine o 2 1/2 paona.

 

  KA PU-MEKINI MAXIMA.

 

 He 666 poka o ka minute o keia pu.  He mama wale no i ka nana aku, aka, he weliweli ma ka luku ana.

 Aole ona wela, oiai he hano-wai huihui e wahi ana i kona kino.  No ka pu no e hoopiha a e kiloi ae i ka waihonapoka ke pau ke kani ana, a na ka peku ana no a ka pu mahope o ke kani mua ana e hookani a lawa ka makemake o ka mea ia ia ka lawelawe ana o ka pu.

 

 Ma ke kaomi ana i kekahi pihi e kani ai a e mau ai ke kani ana o keia pu: kekahi keia o na pu makaukau loa ma kana hana he luku kanaka.  O keia iho la ka pu a na pualikana o Enelani, i ike ia, koe aku ua mea i ike ole ia.

 

  HE KII PAAHANA PAKE

 

 Ua lohe mai makou e holo ana o Mr. Aswan no Kina, a iaia e hele ana no kona ainahanau e imi ana oia a kepa hou mai i mau tausani o na kanaka o Kina.  Ua loaa aku keia kauoha e kii i na limahana, mai ka Hui Mahiko, a o keia hui hoi ka mana pookela maluna o na mana a pau o Hawaii nei.

 Ua hiki paha keia mana ke hoohalike  me ke deragona nui, ua ikaika a ua makaukau e alepahu i na mea a pau e kue mai ana i kona mau anoni a pau, a hiki wale i kona wa e alepahuia ai oia, e ka mea ana i hoowahawaha a i helu ole ai

 

  HIGH MASS (PULE MEKA.)

 

 Ua malamaia i keia kakahiaka nei hora 11 kekahi pule meka ma Luakini Roma.  O keia ka la i hoi ai ka Haku ma ka lani, a he la nui hoi o na Katolika.

 O na hana keia a kanaka i kukulu ai i la hoomanao no ka Hoola, aka, o ka la ana i kauoha ai ma ke kanawai o ke Akua, he la hoano e hoomanaoia ai oia, ua kapae ia e keia hoo@ ia, a he la pegana kai hoonohaia iho ma k@na wahi.  Ae ka, e hoomana ana lakou ia'u me ko lakou lehelehe, wahi a ka Haku, a eia iho la paha keia mau hana ae la.

 

  HOIHOI HOPE.

 

 No ke kuu ia o ka hoailona lima o ka poe hoohiki hoopaa inoa a ia me ano, ke hoihoi hope nei ka nupepa aupuni i ke@no o na hana kuni manamana lima nui a ke aupuni, i like me ke kuniia ana ka bipi a lio paha.

 Kokoke, a he mana koike Kuhina Kalaiaina e kauoha, e hana ia na @ailona metala e like me na ilio.  Aka aole he pono ia kakou ke hamama loa ae.

 

  KELA A ME KEIA.

 

 Ua hiki ke pai ia na kii hoolele aka me ke ano o ka ili, na ano o na laua, a mea e ae e like me ko lakou ano maoli.  He Farani ka mea nana i imi a loaa.

 

 Ua hoopai hou ia iho la Haleopio he hookahi makahiki hoopaa aao no ka lua o ka aihue lio Aloha no ka hupo i ao ia e ka hupo.

 

 Hoopiia o Keola no ka ike ia ana e lawe ana i ka uwati a kekahi kanaka, o Bila ka inoa.

 

 He 5000 ka nui o na Pake limahana e kii ia ana no na mahiko no i keia makahiki.  He oiaio paha keia lohe.

 

 Ua lohe wale ia na komo mai na koi a ke aupuni Enelani no kona mau kupa i hoopaahao ia.  O na olelo no paha keia a hala ae ana.

 Ua lawe powa ia ke ola o ka Shah e Peresia.  He hana ohumu keia.

 

 I ka la 19 e ku mai ai ka Dorie mai Kaleponi mai.

 

 Make o Kauai ma Hilo, mamuli o ka hakaka hoohaunaele ana, ma kahi o na i hoopaahaoia ai, ma ka Halepaahao o Hilo.

 

 Make ulia iho la ke kaikamahine opio a Makaleka o Hilo, oia o Anoi Makaleka, i hauleia e ka paila papa.

 

 Mai poina makamaka i ke kuai i hoopau ma ka hale kuai o L. B. Kerr.  He 30 i-a kalakoa paa no hookahi dala.

 

 No ka poe pena a pia i ka helehelena e loaa no ka pia aala "Ramona" ma kahi o Hobron ma.

 

 KUAI HOOPAU NUI.

 

 Ma na Mahele a pau o na ano mea kuai ma ka Halekuai o

 

  L. B. KERR,

  ALANUI MOIWAHINE

 

 He 30 i-a Kalakoa no $1.

 Papale Ie Laiki 25 keneta, pakahi.

 12 Ia Lole Huluhulu Pulupulu no $1

 Na Lipine 18 ia no 25 keneta.

 Na Lole Makalena Keokoo kikokiko a me pohaka, 15 ia no $1

 

 E hela a e makaala mai, a e lawe ae i na kuai holopono ana.

 

 L. B. Kerr.

 ALANUI MOIWAHINE.