Ka Oiaio, Volume I, Number 102, 22 May 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

KA OIAIO PUKA LA

JOHN E BUSH, Luna Hooponopono a me Puuku

HONOLULU.;;;; MEI 22, 1896

 

KEKAHIPU-KUNIAHI HOU O ENELANI.

            Ma ke kaua ma ka Soudana, e hoohana maoliia aku ai kekahi o na pukuniahi hou loa o Beritania Nui, i keia mau mahina ae nei.  E lawe ana ka ikaika o keia mau pu i ka pokapahu no umimile, a na hiki hoi i kela a me keia poka i ka wa e pahu ai ke luku he elua haneri poe kanaka o na enemi.

            He pu hikiwawe i@a no hoi keia ma ke ki ana, oiai ua hiki i na poka ekolu e lele ana ma ka lewa e ukali ana kekahi mahope aku o kekahi mamu o ka pahu ana o ka ha o ka poka, ka poka mua loa.

            Ua piha-u ka hale hana o ke aupuni i na kauoha e hoolawa aku i na poka, a eia ke haawiia nei kekahi mau kauoha i na hui mawaho e hana ia ai i hiki aku ka nui i ka 1,000,000.

 

KA HOOMANA THEOSOPHY.

            O keia kekahi o na hoomana o na aina o ka Hikina, a eia ke lawe ia nei e kekahi poe kakaikahi o na aina malamalama.  O ka poe nana e apo aku nei keia ao ana, oia no ka poe ike a piha i ka naauao kanaka, i manao ole i ka ike o ka Baibala, a i hoole hoi i ke Akua, a me kana mau mea i hoike maiai e pili ana nona, no kana Keiki, ko lana hana ana i ka honua a me na mea a pau.

            Makahi o ka ke Akua, eia keia mau ao ana theosofe, ke paniia aku nei.  E i ana keia ano hoomana o lakou kai ike, a he hoopunipuni ka Akua, a me ka Karisto i ao mai ai.  He mea maopopo loa ma keia, he mau hana hookamani keia na ka Ane-Karisto, e alakai hewa ana i ka noonoo o ke kanaka a ke Akua i hana ai.

            A he mea kupanaha no ka ike ia o keia mau hana; a me na alakai hoopunipuni e ae a ke Satana e alakai maopopo nei i ko ke ao, aka, aia hoi me kakou ke ano o na mea a pau, e ike ia ai ka mea oiaio a me ka mea hoopunipuni, o ka poino o keia mau hana i ka lahui kanaka ua hiki ole keana ia, no ka mea, o na olelo hooakamai e hooluolu ai i ka naau haakei a hookiekie o kanaka, oia ka mea makemake nui ia i keia mau la, mamua o ka olelo oiaio a ke Akua, i hooia ia e ko lakou ike maka ma na ano a pau.

            "E malama ia oukou, o hoopunipuni mai kekahi ia oukou," ka olelo ao a Karisto, o alakai hewa ia hoi kakou e ka Makua o ka hoopunipuni a me kana mau haumana.

            I keia po e haiolele ai o Julian D. Hoyne ma keia kumu-ao, e pane ana i ka haiolelo a Rev. Mr. Garvin.  I ka poe i papae i ka olelo a ke Akua, a i sila ia a pa nona, aole he hopo ana ke lohe i kana mau olelo, no ka poe hou nae, aole e nele ke komo o na olelo uhiuhi laumania a ke diabolo ma o ka waha o ke kanaka i keia po.

 

KELA A ME KEIA

            He $78,684 ka lilo o ka Hale Pauahi i makana ia aku e Mr. Bihopa i ke kula o ka Punahou.

            Na Presidena Dola ka haiolelo i ka ponei ma ka weheia ana a me ka makana ia ana o ka Hale Pauahi.

            O Rev. Dan Dole ka Presidena Mua o ke kula Punahou.

            Ua loaa aku kekahi pipi i lole ia no ka Hale Kuai Metropolitan ua mai ia.  Ua hoounaia i ka hale hana mea hoomomona lepo.  He mea keia e hoike ana aole he maikai o na io holoholona.

            Kinipopo ko ka la apopo.

            Ua hoopii ia o Lai Chong o ka Hui o Wing Wo Tai no ka hoopae ana i na Pake hou malalo o ka palapala ae a hookuu pale ia mahope o ka hiki ana mai.

            No ka mai ia o ke Comesina Beritania Hawes aole oia malama ana i kekahi hookipa ma ka la hanau o ka Moiwahine Beritania.

            Ua omaimai ia o Charles J. Creighton e waiho nei ma kona home.

            Ma Maki Ailana ka Bana e puhi ai i keia po.

            Eia ae no ke haunaku mai nei na loea repubalika o ke aupuni hou o Hawaii.

            Ua hoole ia ke noi e puhi paka na hoa o ka Ahaolelo iloko o na hora halawai o ka Hale.

            Ma ka Aha Hoomalu o Honolulu ua hoopaiia o Mr. Hayne, he $100 no na mea ino wale maloko o kana buke Ka Hawaiian .  Ua hoohalahala loa oia i ka Aha Kirue iloko hoi o keia Kau, oia iho no kona Loio, a ua hookuuia mai la oia e na kirue 9, he 3 poe kue.

            Ua hopu ia o Kam Lee i nehinei no ke kue i ke kanawai o ka Papa Ola.

            He keiki opiopio o 4 makahiki kai lawe ia ae i ka halewai i kakahiaka o nehinei ua auwana hele keia keiki mai kona wahi noho ma ka Palama, a ua hoihoi pololei ia oia e ke Kapena Renken ma kona home, e malama pono kakou i ka kakou poe keiki mai hookuu wale.

            Ua hopu ia iho kekahi kanaka inehinei, no ka uuku ole i kona auhau, a ma ka ninau ia ana iaia ina he hiki ke uuku mai iloko o elua pule, ua hoole aku oia.

            Mai poina na makamaka i ke kuai hoopau ma ka hale kuai o L. B. Kerr.  He 30 i-a kalakoa paa no hookahi dala.

            No ka poe pena a pia i ka helehelena e loaa no @ "Ramona" ma kahi o Hobron ma.

 

KUAI HOOPAU NUI.

Ma na Mahele a pau o na ano mea kuai ma ka Halekuai o

L. B. KERR

ALANUI MOIWAHINE

He 30 i-a Kalakoa no $1.

Papale Ie L@iki 25 keneta pakahi.

12 Ia Lole Huluhulu Pulupulu no $1.

Na Lipine 18 ia no 25 keneta.

Na Lole Makalena Keokeo kilokilo a me pohaka, 15 ia no $1

E hele a e makaala mai, a e lawe ae i ua kuai holopono ana.

L. B. Kerr

ALANUI MOIWAHINE.