Ka Oiaio, Volume I, Number 103, 25 May 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA PUKA LA OIAIO

 

Hoopukaia i na la a pau koe ka la Sabati a me Lapule no 50 keneta o ka mahina.

BUKE I.                                 HONOLULU. MEI 25, 1896.                                    HELU 103

 

OIAIO PUKA LA

 

HAAWAINA HELUHELU BAIBALA.

 

NA HOAILOONA O KO KARISTO HIKI HOU ANA MAI.

 

1 Heaha hoi ka mea nui e ike ia ana mahope o ka ike ia ana o na hoailona?   Mat. 24:30,31.

"Alaila, e ikea mai ai ka hoailo a no ke Keiki a ke kanaka ma ka lani; a e uwe na lahuikana ka a     pau o ka honua, aia ike lakou i ke Keiki a ke kanaka e hele mai ana maluna o na ao o ke             lani, me ka mana a me ka nani nui. A e hoouna aku ia ia kana poe anela me ka pu kani          nui, a e hoakoakoa mai lakou i kona poe i waeia, mai na makani eha, a mai kela aoaoa o           ka lani a mai keia aoaoa hoi."

Aole hoi e manao ia i kekahi Ia aku a makahiki paha, aka ua kokoke mai.

2 Ina e o mai ana na lau liko o ka laau heaha la kona ano?     Mat. 24:32.

"E ao oukou i ka olelonane no ka laau fiku; Aia opiopio na lala, a ulu ae na lau, ua ike oukou. ke kokoke mai nei ke kau"

3 Heaha hoi ka mea maopopo loa e hooia mai ana ua kokoke ko Karisto hiki hou ana mai?

            Mat. 24:33.

"Pela hoi, a ike oukou i keia mau mea a pau, alaila e ike oukou, ua kokoke mai ia, aia ma ka puka."

4 Pehea hoi ke kokoke o ko Karisto hiki hou ana mai i ka wa e hookoia ai o keia mau hoailona?

            Mat. 24:34.

"He oiaio ka'u e olelo aku nei ia oukou, aole e hala aku keia hanauna, a hiki e mai ua mau mea la   a pau."

Aole hoi i ka hanauna a Karisto i kamailio aku ai he 1800 i hala aka i ka poe e ike ana i na             hoailoka.

5 E hiki no anei i ka Karisto mau olelo ke hooko ole ia?        Mat. 24:35.

"E lilo ana ka lani a me ka honua; aka, aole loa e lilo ka'u mau olelo"

6 E hiki ana no anie ia kakou ke ike i ka la a me ka hora o ko. Karisto hiki hou ana mai?

            Mat. 24:36.

"Aole i ike kekahi kanaka ia la a me ia hora. aole hoi na anela o ka lani; o ko'u Makua wale no."

7 Heaha la ke kulana hoopono o kanaka i ka wa o Karisto e hele mai ai?      Mat. 24:37--39.

"Me na la o Noa, pela hoi ka hi8ki ana mai o ke Keiki a ke kanaka. No ka mea, i na mamua o ke    kaiakehinalii. ai lakou a inn hoi. mare lakou a hoopalau no ka mare ana, a hiki i ka la i          kono ai o Noa iloko o ka halehana; Aole lakou i ike, a hiki mai ke kaiakahinalii, a pau loa        ae la lakou i ka make: pela no hoi ka hiki ana mai o ka Keiki a ke kanaka."

8 Me keia ike i ko Kariso hiki hou ana mai, heaha ka kakou hana?    Mat. 24:44.

"Pela hoi oukou e noho ai me ka makaukau; no ka mea, i ka hora e manao ole ia'i e oukou, e hiki mai no ke Keiki a ke kanak."

9 Heaha la ka hopena o ka poe e hoololohi ana i ko Karisto hiki ana mai?    Mat. 24:48,50,51.

"Aka, o ke kauwa ino la, i olelo iho iloko o kona naau, ke hoohakalia nei kuu haku i kona hoi ana mai; E hoi hou mai no ka haku o ua kauwa la, i ka la i kiai ole ai ia. a me ka hora i manao          ole ai ia; A e hookaawale aku kela ia ia, a e haawi aku i kona kuleana me ka poe           hookamani; ilaila ka uwe ana a me ka uwi ana o na niho."

NOTA.--E like hoi me ka manao o na pauku maluna ae la, me kekahi mau pauku e ae, he lehulehu. ua kokoke mai ka la weliweli o ka Haku aia ma ka ipuka ponoi. He kakaikahi ka poe i hoomaopopo i keia mea oiaio koikoi loa. E hookani hoi na kiai makaala maluna o na towera o ka oiaio i ka leo euanelio ua kokoke mai ko ka Haku hiki hou ana mai.

 

UA KOKOKE MAI ANEI KA HOPENA.

 

Poolelo--"Pela no hoi oukou, i ka manawa e ike ai oukou i keia mau mea, e ike oukou ua kokoike mai, (oia) ma ka ipuka."--Mat 24:33

            He mea oiaio loa e hiki mai ana ka hopena, ka la o ka hookolokolo nui; e pau ana hoi ka manawa o ka hoao; E hiki hou mai ana o Karisto. Ua olelo mai ke Akua pela. Ua manaoio hoi makou. Pehea hoi ko oukou manao? No keaha hoi e kokoke ole mai ai? E ola ana kekahi poe a e ike kino ana ia la. No keaha hoi kakou e ike ole ai? E olelo mai ana anei aole oukou ike i na hoailona o kona hiki hou ana mai? Aole loa i ike na lahuikanaka i ko Noa mau la; i na hoailoona o ke kaihooee aka hoi aia ponoi maluna o lakou ia wa. Mat. 24:38,39. Pela ana no i na la hope.

            Ua noonoo no oukou no keia mea? Ua imi anei oe i ka Baibala no keia mea, a i ole. ua lilo anei ma ka hooikaika ma na mea e ae a no ia kumu aole oe i haawi i kekahi noono ana maluna o keia kumu?

            He lehulehu na Kahunapule o na hoomana a pau e haiolelo nei ua kokoke mai ka hopena. Eia na mea a pau ke manao aku nei e hiki mai ana kekahi au hulihia nui ua kokoke mai, aka aole hoi lakou e hoomaopopo heaha la ua mea la. E nana ma Luka 21:25--32. "E ike@ia no na heailonaa pela aku."

            Ua hoopiha ia keia mau hoailona a pau ekolu me ke kamahao loa. Ma Mai 19, 1780, ua pouli ka la e like me ka wanana. No ka pahaohao loa o ua la 'la ua hoopaa ia hoi e Uwepa ma kana Buke wehewehe Ano Olelo, "Ka La Pouli," Nana ma Explanatory a me Prono uncing Vocabulary, Webster's Unabridged Dictionary.

            Helelei na hoku i ka 1833. He mau tausani e ola nei i ike i keia hoailona. Wahi a Porofesa Olmstead, ke kilokilo hoku kaulana o Yale College; "O ka poe i pomaikai i ike i keia hoikeike ana a na hoku lele ma ke kakahiaka o Nov. 13, 1833, me he la ua ike lakou i ka hoike oi loa o na hana ahi i ike ia mai ke kumu mai o ka honua."

            O ka piha o ka uhane kaua iloko o kanaka kekahi o na hoailona o ka hopena. E nana ia Hoik. 11:18; Ioela 3:9--25.            E nana a puni ka honua, ka hoomaana o na puali koa kaua o na aupuni, he 5,000,000 a oi e ku makaukau nei e kai aku no ke kaua, a he 10,000000 a oi aku i makaukau e ala koke aku mahope o lakou, ma Europa. E nana i keia mau hoomakaukau koa a me na lako kaua weliweli no ka luku aku luku mai.

            "Mai na ku a pau o ka honua," wahi a kekahi nupepa. "ehiki mau ana ka lohe kaua a me na hoomakaukau kana," a eia hou kekahi olelo, "eia ke hoolako nei na aupuni me he la ma ka ike wanana ua kokoke mai kekahi hopena o ka weliweli e omamalu nei." He oia io, ke hoomakaukau nei lakou no ke kaua weliweli o ua la nui la.

            E ka mea heluhelu, e ku, e hoohamama i na maka, a e hoolohe hoi. E imi iho i ke ano o keia kumu olelo. Ke ao e aku nei makou, ina aole oukou e nna makaala, e mihi ana no oukou me ka loihi ole aku.

            Ua makaukau anei oukou? Ua hooponopono anei oukou me ke Akua? Ua makaukau anei oe e ike i ko oukou Lunakanawai? Ma na olelo a ka apokolo, ke ao e aku nei makou. (Oihana 13:40,41) "No ia mea e makaala oukou.