Ka Oiaio, Volume I, Number 105, 26 May 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE I.          HONOLULU, MEI 26, 1896.          HELU  105.

 

OIAIO PUKA LA

 

HE OLELO HOONANEA WALE.

 

  He lehulehu na kauaka manao maikai i komohia ia e ka manao, aia hoi i na la hope e hiki mai ai na la oi o ka oluolu o ka noho ana o ka honua nei, a mamua o ka hiki hou ana mai o Karisto e, huli aku ana hoi ke ao holookoa i ke Akua, a e noho ana hoi lakou me ka hewa ole no hookahi tausani makahiki mamua o ka hiki ana mai o ka Haku. Ua kapaia keia wa ke au o ka "milenia."

  Iloko o keia manawa i oleloia ai aole hoi e kaua ana, aka, e uhi ana hoi ka pono a me ka malu maluna o keia honua, e moe pu ana ka liona me keiki-hipa, a e noho mana o Karisto ma ka uhane maluna o ko ke ao nei.

  Aka, na ao mai ka olelo a ke Akua he mau ao ana hoopunipuni keia, e hiki ai hoi ke alakai hoonanea i ka noho ana o keia ao, i na kanaka a pau. E olelo ana o Paulo, ia ia e kamailio ana no na la hope, "I ka wa e olelo al lakou, he pomaikai, he malu, alaila loohia koke ia iho lakou e ka make," 2 Iesau, 5:3.

  I ka wa o ka la o ka Haku e aneane e hiki mai ai maluna o keia honua, he kue maopopo i ka ke Akua olelo ke ao ana, "pomaikai, ma luhia." Ma kahi e olelo ana he wa maluhia na la hope, e olelo ana hoi ka olelo a ke Akua he wa hoomakaukau nui no ke kaua.

  Ia Ioela e kamailio ana no ka la mamua iho o ka la nui o ka Haku, i ka manawa e hoike ia ana na hoailona o ka hiki hou aua mai o ka Haku, a e hoonaueue ia ai hoi ka honua e ka leo o ka Haku, (Ioela 3:14-16,) e i ana oia ma ia mokuna no, paku 9;10.

  Eia kakou iloko oia manawa e noho nei, ka wa e hoomakaukau nui ana ko ke ao no ke kaua. Aole hoi he wa i ike ia ai kekahi mau aumoku kaua e like me keia wa, na pu nunui a me na puali koa. I kela a me keia makahiki he miliona malana o na miliona dala e hoolilo ia nei e na aupuni, e kapa ana ia lakou he poe lahui kanaka. Karistiano, no ka hoomakaukau e luka aku kekahi i kekahi e like me he mea ola la.

  Ma Europa he mau miliona ka nui o na kanaka e noho makaukau nei me ko lakou mau lako kaua, makaukou e hele aku i ke kaua i ka manawa e ikea ai ke kupono e lele aku maluna o kekahi lahai i emi mai kona ikaika. Ma na wahi a pau o ka honua e lohe ana kakou ke hoomakaukau nei no ke kaua.

  E eia hou kekahi, i ka wa e oleloia ana he wa pomaikai ko na la hope, e olelo ana hoi ka ke Akua olelo he wa ia o ka poe nele o ka honua e holuhiia ai e ka poe waiwai, ka poe waiwai i houluulu hoi i ko lakou waiwai ma ka aua ana i ka uku kupono o ka poe ilihune nana e hana ka lakou hana. E heluhelu ia Iakeba 5:1-6. Ma ka pauku ekolu, ua olelo ae ke Akua. "Ua houluulu oukou i na waiwai no na la hope."

  I ka manawa o ka la o ka Haku e hiki mai ai maluna o keia ao he hoole maopopo hoi i ka olelo a ke Akua ke ao ana he maluhia a he maalahi.

  Aka, ua ao mai ka olelo a ke Akua ia kakou he mau alakai hoolalau keia, i kupono loa e hoonanea kuhihewa i ka maluhia noho ana kino o na kanaka o keia poepoe honua. Ua olelo o Paulo, iaia e kamailio ana no na la hope, "I ka wa olelo ai lakou, he pomaikai, he malu alaila loohia koke e lakou e ka make." 1 Tesa, 5:3.

  Nolaila, ma kahi o ka leo e olelo ana "maluhia a maalahi," e hele aku hoi ke kiai e kukala aku me ka leo nui i ka olelo a ke Akua o like me ia i haawiia mai ia kakou.

 

HAAWINA HELUHELU BAIBALA.

 

KE KULANA O KE AO I KO KARISTO

HIKI ANA MAI.

 

  1 I ka manawa hea ko Karisto hiki ana mai i hoohalike ia ai? Mat. 24:37.

  "Me na la o Noa, pela hoi ka hiki ana mai o ke Keiki a ke kanaka."

  2 Pehea la i na la o Noa? Kin. 6:5.

  "A ike mai la ke Akua, he nui ka hewa o kanaka ma ka honua, a ua hewa wale hoi ka noonoo ana o kona naau, ana i manao ai i na la a pau."

  3 Heaha la ke kulana o ka ekalesia i na la hope? 2 Tim. 3:1--5.

  "Eia hoi ka mea e ike ai; a i na la mahope e hiki mai ana na manawa popilikia. No ka mea, e lilko ana na kanaka i poe makemake ia lakou iho puni kala, hooioi, hookana, hoino wale, hoolohe ole i na makua, aloha ole huilala ole. Aole aloha maoli, pale berita, niania wale. kuko umi ole, huhu, hoowahawaha i na mea pono. Kumakaia paakiki, naau kiekie, makemake i ka lealea, aole makemake i ke Akua. Hookokohu manao i ke Akua, aka, e hoole ana i ka mana o ia mea; e hookaawale ae oe mai ia poe ae."

4 Aole anei e ulu ae ana ka pono mamua o ka wa o ko Karisto hiki ana mai?  2 Tim. 3:13.

  "Aka, o kanaka hewa, a me ka poe hoopunipuni, e mahuahua ana ko lakou hewa, e hoopunipuni aku ana me ka hoopuaipuniia mai."

  5 He oluolu aku anei ka hoomanao i ke Akua ia wa? 2 Tim  3:12.

  "Oiaio hoi, o ka poe a pau e noho haipule ana iloko o Karisto Iesu, e hooma@uia'na hoi lakou."

  6 E noho pu ana anei ka hewa a me ka poe pono a hiki i ka hopena o keia ao? Mat. 13:30. (hapa mua). [Hoohalike me ka Pauku 38,. 29.]

  "E hoouluulu mua oukou i ka zizania, e pua a paa i mea puhi ai i ke ahi; a o ka palaoa la, e hoiliili ia iloko o ko'u halepapaa."

  7 I ka manawa hea ke "kanaka o ka Hewa" (2 Tesa. 2:e3) i kapa ia hoi kela "Hewa," e lukuia ai? 2 Tes. 2:8, (Nana ia Dan. 7;21,22.)

  "Alaila, e hoikeia mai ua Hewa la, o ka ka Haku ia e kinai aku ai me ka ha o kona waha, a e luku ai hoi me ka olinolino nui o kona hiki ana mai."

  8 Heaha ka na lahui kanaka e olelo ai i na la hope? Mika 4:1 (hapa mua) 2, (hapa mua) 3.

  "Aka i na la mahope * * * * e hele mai na lahui kanaka he nui, * * * * a e hooponopono no ia i waena o na kanaka he nui, a e ao aku i na lahui kauaka ikaika, loihi loa aku; a e kui lakou i ka lakou mau pahikaua i oo-palau a i ka lakou ihe i pahipa'ipa'i: aole e hapai ka lahuikanaka i ka pahikaua kue i ka lahuikanaka, aole hoi e ao hou lakou i ke kaua."

  9 Heaha ka ke Akua olelo no ke kulana maoli o ke ao ia manawa? Ioela 3:9,10.

  "E hai aku oukou i keia i waena o na lahuikanaka; e hoomakaukau oukou no ke kaua e hoala mai i ka poe ikaika, e hookokoke mai na kanaka kaua; e pii mai lakou: e kui oukou i ko oukou mau oo-palau i pahikaua, a i ka oukou mau pahipa'ipa'i i ma@ ihe; a e olelo iho ka mea nawaliwali ua ikaika au."

  Ua olelo hoi ke Akua i ka mea okoa loa i ka ke kanaka i olelo ai  E olelo ana kanaka no ka "ka malu a me maalahi": (1 Tesa 5:3), aka ke olelo la ke Akua he wa ia no ke kaua.

  10 Aole anei na aia i haawiia aku ana ka aia i ka Haku he hooilina nona? Hal. 2:8.

  "E noi mai oe ia'u, a e haawi aku au ia oe i na lahuikanaka i hooilina nou, a i waiwai hoi nou na welelau o ka honua."

  11 Heaha ka ka Haku e hana ai ia lakou? Hal. 2:9.

  "E uhai oe ia lakou ine ke kookoo hao; e ulupa hoi oe ia lakou me he ipulepo la."

  12 I ka wa hea ia ka Haku e hoomalu ai i na lahui kanaka pau iloko o ka inaina? Hoik 19:15,16.

  "A puka mai la, mai loko mai o kona waha. he pa hikaua oi, mea e hahau ai i kona aina; a e hoomalu oia ia lakou me ke kookoo hao. A nana e hehi i ka lua waina o ka ukiuki a ka inaina a ke Akua Mana Loa. A ma kona waha a ma kona uha ua palapalaia ka inoa, ke 'lii o na lii, a me ka Haku o na Haku."

                                    E. H. G.