Ka Oiaio, Volume I, Number 108, 29 May 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE I.                     HONOLULU, MEI 29, 1896.                        HELU 108

OIAIO PUKA LA

AOHE KUMU PALE.

            Ke hookokoke aku nei kakou i ka la o ke Akua.  Eia ke ukali mai nei maluna o kakou na olelo hooholo no ka manawa mau loa.  He mea kanalua ole ka la o ka haku i ka nana aku iloko o ha liula powehi mamua o kakou; aka hooi, he mea moakaka i ka mea e unuhi pono ana in a olelo o ka wanana a me ka pili i ka moolelo o kea o, a he mea oiaio aai maoli no, e hoike mai ana hoi ano in a hoomalamalama ana a kona mau kukuna no ke kokoke ana mai o kona nani a me na lalapa o kona ahi luku maluna o ke ao e noho palaka nei. E hiki mai ana keia la me ka nele ole hoi o na hoailona a me na ouli he lehulehu wale; aka nae, e hiki mai ana hoi ia la maluna o na mea lehulehu wale me ka hikilele a me manao oleia. Me ke aha la ko lakou mau hauli ana a me ko lakou hikilele e hoohalikeia ai ke puoho ae lakou a ike pono i ko lakou kulana ia manawa oiai na mea oiaio weliweli e hiki mai ana o ua la maluna o lakou. Ua like ole loa mai ka lakou i manao ai! Ka like ole loa hoi me ka lakou i hoolala ai! Ka oi loa aku o ka poino i ka lakou i manao ai a i paulele ai! Nui ka puiwa ka pahaohao ka makau nui e loohia ana maluna o lakou. He hookahi manawa aia lakou iloko o ka umii hemo ole o ke au mau loa, me kona mau olelo hooholo i kau iho maluna o lakou a aia hoi lakou iwaena o ka poe i haulehia i ka make! A ehia ana ka nui o keia poe e ui ana ia lakou iho, iloko o ko lakou piliaiku, Heaha hoi i loohia ia ai au i keia kulana? A heaha hoi ka lakou pane no ia ninau? Ina hoi ka Lunakanawai o na mea a pau e hui pu a ninau aku ia lakou i ka ninau eehia heaha ke kumu o lakou i makaukau ole ai no kela la, heaha la ka lakou e pane aku ai? Heaha ka lakou olelo pale no lakou iho?

            E pane ana anei lakou, e ka Haku ua kupono loa keia la e wehewehe ia a maopopo mamua o na la e ae a pau makau olelo hemolele? E puka mai ana hoi ka pane: Pela no i hoakaka ia ai. Mai kinohi a hiki i Hoikeana, na piha ka huaolelo o ka buke ia mea. O kela manawa eehie e hoopau ana i ka hora hope loa o ka mihi a e komo mai ai na haawina weliweli maluna o ka poe hana hewa, a me ka haawina pomaikai i ka poe pono, ua hoike ia hoi ma na wahi a pau me na olelo ao a me na paipai i na lahuikanaka a pau e hoomakaukau no keia mau mea e hiki mai ana. Aia ma ko oukou lima na baibala, a he mea hiki no hoi ia oukou ke heluhelu no oukou iho. Aole anei e ku leo pane ole ana lakou a me ka hoahewa iho?

            Ina e hoohuoi ia no ua hoailona, no kekahi hana kupanaha, i hoike no ke kokoke mai o ka hopena? E loaa ana no ka pane, ua haawi ia no ia mau hoailona. E hoopoliia ana ka la a me ka mahina, e haule mai na hoku mai ka lani, e ike ia na mea ano e maluna a e naueue ae ko lalo. A mamua o ke oki ana o ka manawa e hoao ia ai ko ke ao, oiai no hoi ua hiki ia oukou ke hoopakele iho mai ka hoopai enaena e hiki mai ana, e piha ana no ka aina i na Baibala i piha i keia mau mea i olelo mua ia, a e piha ana no hoi na moolelo no ko lakou hooko ia ana. Ua manao nui anei oe e hookuku i ka pili o na mea elua? A eia hou hoi e ku leo ole ana a ahewa ia ana lakou.

Aole i pau.

HAAWINA HELUHELU BAIBALA.

KA HOOKOLOKOLO.

1 Ehia ka nui o ka poe a ke Akua e hookolokolo ai ? Kek 3:17. "I iho la au iloko o kou naau, e hookolokoio ana ke Akua i ka poe pono, a me ka poe hewa; no ka mea, oia ka wa no na mea a pau a me na hana a pau."

2 He mea e aku no anei kekahi mawaho o ka lahui