Ka Oiaio, Volume I, Number 109, 1 June 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

================

KA OIAIO PUKA LA

---------------------------

JOHN E BUSH, Luna Hooponopono a me Puuku

----------------------

HONOLULU. : : : : IUNE 1 1896.

========================

NO V. V. AKEPOKA.

--

     Ua laha ae ma ka nupepa Hoku o ke ahiahi Poalima, ua hiki mai ke koi a ke aupuni Enelani ma ka aoao o Mr. Akepoka, e koi poho ana me ka hookuu ana ia ia e hoi hou mai i Hawaii nei.  Aole keia o ka mua o ke koi ia ana mai o ka Repubalika Hawaii.  Ua ninau aku o Senata Waterhouse i keia mau la aku nei e

pili i hiki i ke aupuni ke pane oiai ia mea o noonoo ia ana.

=============

HOAIE HOU.

--

     Ua hu ae nei i keia mau la ke kumu o ke kue nui ia ana o ka bila hoaie a ke Kuhina Waiwai Damon, ma ka hoea ana ae nei o kekehi bila hoaie hou.  Ma ka kila hoaie hou me he la e lilo ana ka hoaie ana ma Ladana, aka, e lilo ana nae na P.C. Jones, e hookele keia ai, aole na kahui o Biphoa ma, a he emi iki mai hoi kaukupanee a me na lilo e ae o ka poe nana e hoomakua i keia wahi aie mua o ke repubalika   He nui no nae ka puka a Mr. Jones a me kona mau hoa hui ma keia hana.  E holo mua ana oia e hui a e hoolala no keia mea, oiai ua hooholo mua ia e hooloihiia aku ke aku o ka Ahaolelo no keia hana.  Ma lia paha ua holo mua no ka manao o na hoa.

============

AOLE IKE AE.

--

     Nui na hana hoomanao a ka poe ola ika poe make ika la sabati nei.  Ua kani na leo kanaka, ia leo o ka himeni, ka leo o ka pila a me ka pu, aka, ua pomaikai ka poe make aole lakou i ike ae i keia mau hana a hiki wale i ke kani ana o ka pu a ke Akua ma ka lima o Mikaela i ka la hopel

================

KELA A ME KEIA.

--

     He kupono i ka poe lehulehu e hoomaopopo i na mea a pau e hoopjkaia aku nei ma ka nupepa Ka Oiaio.

     Ko ke Kiaaaina Keoni Kamaki ilina ka oi aku o ke kahiko nana i ai na pue i ka la Mei iho nei.

     Ua lohe mai makou ua hoohiki aku ke Kaula Nui o ka hoomana o na Lahope Nui Keia, he puui io ia mai keia apiki Nui.

     He nupepa puka la hou ka Kamaki Spencer e manao nei e hoopuka i keia mau la iho, no ka poe o ka aoao waiwai.

     Pomaikai ka Oiaio i ka hoinoia ana no ka olelo mau no Karisto.

     Ua holo bila kanawai e hoolilo ana hemea mana e ohiia na auhau maluna o na loaa makahiki maluna okekahi ana.

     Ia Rev. Kekuewa ka haiolelo o ka pule o Kawaiahaok i ke kakahiaka onehinei.

     E haalele iho ana o Otto Isenberg me kona ohana, ia Hawaii nei a e holo aku ana no Geremania

     He haawi ana ka koomana Karistiano he paina no na haumana kula Sabati malalo ae nei o Ewa, ma ka  11 o Iune.

     Ua nui na kahunapule o na kuaaina i hiki mai, no ka ahahui Euanelio e malama ia ana ma Honolulu nei.

      Ua loaa mai ia W. H. Sheldon he $1,200 kona mahele o ka moku hoopae opiuma Henerieta i kudala ia iho nei.

      Ua make iho o C. P. Turner, kekahi o na haole kahiko i hiki mai i Hawaii neim, i ke 72 o kona mau makahiki.  He kamana kana oihana.

     E pau ana na luna nui o ka Ma'i Lepera, a e hoonoho ia aku ana hookahi kanaka no na wahi elua.

     E hooloihi ia aku ana ka noho ana o ka Ahaolelo.

     E holo ana ka bila aie lahui hou.

     Aole e nele ana kekaa o na koi poho a enelani, oiai aole i lawa o Hawaii i na moku kaua i keia wa e ku ai ka hoole aku.

     Ma Ema Kuea ka bana i keia po iho.

     Ua hala na la pilikia o na keiki ai pohaku o ka aina.

==================

NO NA AINA KAHIKO

NA KULANAKAUHALE I NALOWALE A LOAA HOU AKU.

--

MAHELE II.

-oo-

MOKUNA IV

--

MORIA KA MAU UAKA HALE O KA HALE

--

Kahi a Aberahama imohai ai - Ka Papa Hehihehi hua palaoa a Arauna - Kahi i 

     kukuluia ai ka Luakini o Solomona - Pohaku o ke Kumu--honua - 

     Hoohiolo ia e na Roma    Koena o kahi Hoano - Luakini o Omar - Na 

     Manao i kupu ae - Luakini el Aska - Na Mookaao Mahomeda.-

--

     Ua pau loa na olelo wanana a Karisto i hoopuka ai e pili ana no kaluakini, "aole e kau kekahi pohaku maluna o kekahi, aka e lu ia ana a pau ilalo."  Aia no nae ke waiho la maluna a e hoopuni ana i ka mauna, an meheu e hoike ana i kanui a me kelakela o nahale o ka luakini i papahi ia luna iho o keia Mauna.  Na paia pa manoanoa, ua alahaka nunui, na ipuka alahele, a me na mea e i koe iho o ka lua kii a me na wahi o ke kahua, e hoike maopopo ana i kona mau polena.  Ua loaa aku no hoi maanei na kio hookio wsai i hoolakoia me na hawai e moe ana a na waimapuna o kuahiwi he kauakolu mile ka manao; na ala-huna i hiki i na kauaka ekolu ke kai - like, i kalaiia malalo o ka ilihonua, iloko o ka pali - pohaku paa, e hoohui ana i ka Luakini ma ka Paka@a ma Mauna Ziona he hapa mile ka loihi;  a me na alanui hele malalo hoenam e hele ana no ka ;punawai a Ioaba, a malalo hou aku, he hookahi haneri kapuai malalo aku o ka iliainam e hui pu @a @ oi me na ala - hookahe koana opal@ maikaluakini aku,  o na koko a me namea e ae mai kekuahu mohai aku a ke awawa o Kederona.  Eia no ke waiho nei na alanui - pii ponoi o na kahuna, e komo a e hele ai, iloko a mai ka Luakini aku, me ka ike ole ia, a e hele ana a kahi anau o lakou, he hiki no ke ike ia i keia manawa.  He nui no na kia pohaku, na mea kahiko hale, n@ pohaku mabala e ike ia ana ma ka Luakiui Mahomeia o Omar, a me ka Luakine o ke Analua o ka Hemolele, mai na koena

ae no ia o ka Luakini nnai ae a Solomona.  Ai no hoi malalo ponoi iho o ke kahua o ke kuahu, na hale lua a me na luawai nunui, na ipuka huna, a me na alahele pohihihi, he mau mea maopopo loa ua hoohuiia ma kahi Hoana Leo; a eia no ke ku nei na paiapa mawaho loa i hele ae a like me ka ili lilke me ka ilihonua i keia wa, ka pa i  hoopuna ai i na mahele a me nahale o ka Hale o ke Akua, me ko lakou mau ipuka, towera, a me na pohaku nunnu, i kalai nana ia a hoomoe lalani like ia, me ua hoailona o na paahana hahau pohaku o Ponicia e kau la no maluna o lakou e like no me ia i haha aia ai e na kukula hale pohaku a Hairama.  He aneane hookahi mile ka loa o keia pa a he kanalima a kahookahi haneri kapuai ke kiekie, i ohi ia kahapa nui e na koana a mena one ae o ka manawa.  Ua kukulu hoohio ia ka moe a@a o ka pii ana o keia pa, e emi ana kela a me keia lalani pohaku he ekolu iniha.  Aole wale hoi keia pa - pohaku i kakuluia maluna ponoi o ka pohaku kumu aka ua omou ia a paa me ke kepau a me ka hao i ka mauna pohaku ponoi @o, a ua hiki ole hoi i na kau ino a me na honaue a ke olai o na keneturia he kanakolu ke hooni ae i keia pa mai kona paa i ke kahua i omouia ai.

     Mai ka umi a ke kanaha kapuai ka loloa o na pohaku, ma ke alomai ka eha a keeono kapuai, a me kalaula i oi aku. Aka hoi, mamuli o ka pololei o @ e okiia a hoopili ia ana o kela a me keia pohaku nunui, ua aneane hiki ole loa ke ike ia kahi o ka hookui ana mahope o ko lakou ku ana no aneane ekolu tausani makahiki i hala aku.  Aole loa hoi he Ina o kona ana hanaia ana e loaa ana ma Roma, Helena a ma Aigupika.

Aole i pau.