Ka Oiaio, Volume I, Number 110, 2 June 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

JOHN E BUSH, Luna Hooponopono a me Puuku

HONOLULU, IUNE 2, 1896.

 

HE HALE LAPAAU MA KONA.

 

       Eia hoi o Kauka H. A Lindley o Kaawaloa, ke hoomakaukau nei e kukulu i kekahi hale e lapaau ia ai na ma'i.  Eia ke hoomakaukau ia nei ka Hale i ke Akua, kahi o Lodd mamua, a oia aku ana ka hale nui, a e hana ia aku ana hoi kekahi mau hale pakui.

 

KA LA HOPE MA KE KANAWAI.

 

       O keia ka la hope ma ke kanawai e hono ai ka Hale Ahaolelo.  Aka, he mana ko ka Pereridena e hooloihi aku ai i ka noho ana o ka hale, no kekahi kumu kupono.  Ua manao ia hoi malalo o keia mana, e hoopanee aku ana ka Peresidena i ka noho ana o ka Hale a he mau la hou aku, e pau pono ai ka hana no ka bila kanawai haie.

       Ua heluhelu ae o Kuhina Cooper i ka palapala kuahaua i keia la a Peresidena Dole e hoomau ia aku ka Ahaolelo he umi la hou aku.

 

HE LUNA NUI NO KALAWAO.

 

       Eia ke noonoo nei na hoa o ka Papa Ola no ka hoihoi ana i ka oihana,  luna nui o na Ma'i Lerepa a malamaia e ka mea i hookohu ia no kahi noho o na ma'i.  Ma keia e hoopau ia ai ko Mr. Meyer noho luna nui ana a me ko Mr. Hutchinson noho hope ana, a he hookahi mea e noho aku ana ma keia mau wahi elua.  He manawa kupono loa keia no ka Papa Ola e hookohu ai i kekahi mea, e hoike ai i ko lako manao lili ole i ke ano o ka lahui o ka mea hookohuia.  Ua kupono keia wahi i kekahi kanaka Hawaii i kamaaina i ka malama ana i na Hawaii, a i ike a i aloha i ka poe i pili ia ia ma ke ano lahui.  He wa no hoi keia e hoike mai ai na mana o ke aupuni i ka oiaio o ka lakou olelo, he aupuni hoopono a hana kaulike keia.  Pela io paha, aka, aole o makou ike nui i ka hoao ia ana o na Hawaii, i hoohiki aku malalo o ke aupuni hou, ma kekahi o na oihana.  Aka, aole paha o makou kuleana e kamailio ai no ia mea, oiai makou he poe malihini ma ke ala no kekahi aupuni e aku, he aupuni i noho ia e ke aloha, ka malu, a me ka oiaio.

 

       He haiolelo ka ke Kuhina Waiwai Damon e pili ana i ka Bila Hoaie Lahui.  Me he la ua ano pilikia ke aupuni.

 

KELA A ME KEIA.

 

       He keaka ko keia po.

       I ka Hotele ka @ana keia ahiahi.

       E paa ana na hale oihana aupuni ma ka la 11 o Iune.

       He kinipopo ko ka Poaono ae nei, ma kahi m@a mau.

       Eia o Kikaha i Honolulu nei, mai Lanai mai.

       Ua olelo ia, ua oi aku ka ikaika o ka wawae hema mamua o ka akau.

       I ka po @ei, i hoolaaia ai ka hale halawai hou i kukulu ia iho nei ma ke kihi o alanui Liliha me Mo.

 

Ma ke kuai kudala o na lio heihei i malama ia i ka @ oaono nei a ua lilo ia T. Gay he hookahi lio no elua @aneri da@a.  Ua hoopanee ia aku la ke kuai ia ana o kekahi poe lio okoa iho, a kahi wa e aku.

       He heluua nui o na wahime Iapana o ke taona nei, e lawelawe nei i ka hana kahi umiumi.

       Eia kekahi kanaka o Corea ma Honolulu nei, a he kulana hiehie hoi kona, a he mea kau nui ia hoi e na maka a pau ke maalo ae ma na alanui o ke taona nei, me koua aahu Corea.

       Ua hoopai ia iho la he eiwa Pake no ka hahaki i ke kanawai lapule, no elua dala pakahi.

       I ka hora 4 p.m. o ka la apopo e holo aku ai ka Ausetaralia no Kapalakiko.

       Eia ae maluna mai o ke Coptic he heluna nui o na Pake limahana, no na mahiko o ka poe waiwai.

       Ua ae ia aku o Senatoa Kikila Baraunu e holo i Koolau e hoomaha ai no hookahi pule.

       Ua hoopaahao ia kekahi sela o ka mokuahi Kahului, no kona aihue ana i kekahi uwati a me ke kui ana i ke aliimoku.

       Eia kekahi poe ke okioki malu mai nei i ka lauoho o na lio o ke taona nei.  He kupono ka poe kalohe o keia ano, ke hoopai koikoi ia.  Ke oki malu ia mai koe o ka lauoho o ka wahine, e like me ka hana a kekahi poe o na aina e.

       E haawi ana o Comepene A he hula ma ka a 4 o Iune.

       No ka poe pena a pia i ka helehelena e loaa no ka pia aala Roma ma kabi o Hobron ma.

       Ua loohia ia iho la kekahi Iapana limahana o ka mahiko o Kahuku, me kekahi ulia poino, oiai hoi oia e wehewehe ana i ke kaamahu lawe ko.  Ua hiki ae o Kauka Reid o Waialua malaila e kokua ai i ka mea poino.

       Ke ao ia nei na kanaka o ka Kiua i ka oihana koa e Konela Leebert, a me iwakalua mau kokua, mai ka oihana puali kaua aku o Peru  sia.

 

NO NA AINA KAHIKO

NA KULANAKAUHALE I NALWALE A LOAA HOU AKU.

MAHELE II.

OO

MOKUNA. IV

MORIA KA MAU UAKA HALE O KA HALE

 

       Kahi a Aberahama i mohai ai--Ka Papa Hehihehi hua palaoa a Arauna--Kahi i kukuluia ai ka Luakini o Solomona--Pohaku o ke Kumu--honua--Hoohiolo ia e na Roma  Koena o kabi Hoano--Luakini o Omar--Na Manao i kupu ae--Luakini el Aska--Na Mookaao Mahomeda--

 

       Aole loa hoi he hookahi hunahuna mamala pohaku i loaa aku o ke kalai ia ana, koe wale no na mamala pohaku o ka pohaku kahua kumu i kalai ia ai a palahalaha maikai no ka hoonoho ana iho i ka lalani pohaku mua, e hoike ana hoi ua pau mua loa na pohaku i ke kalai ia i kahi e aku a lawe wale ia mai no e kukulu; a @ia hoi malalo o ke kulanakauhale, ma ka aoao akau ponoi aku o ka pa e hoopuni ana i ka Luakini, he hiki no ke ike ia ka lua pohaku kahi i kalaiia ai ka hapanui o keia mau pohaku i loaa ai.  Mawaho ku hoi o keia pa, ka pa ponoi aku o ke kulanakauhale, e ku nei no kekahi mau mahele i keia wa he kanahiku kapuai ke kiekie a he umikumamalima ka maoanoa, i uhiia a ualo i na opala o kela a me keia ano.

       O keia inoa i kapa a i ike ia ai o keia ma @ lua pohaku, oia no ua A@a o na Alii, he mau lua ana nunui i eliia malalo o Mauna Akara.  E komo ana oe iloko o lakou ma kahi kokoke i ka ipuka--pa Damaseka, a na hiki hoi ia oe ke hoohala nanea hele ia oe @ho mai kekahi ana a kekahi ana, a ua hiki loa ia oe ke ike i ke ano o ka hoowa ia ana mai o na pohaku i laweia no ka pa, na mea hana, a me ke ano o ka hoowa ia ana mai ke kumu pohaku ae me na makie laau i kakie ia aku ma kahi i kalaiia a hooma'u ia ka weki a nehu, ka mea i hanaia mamua o ka ike ia ana o keia mea he pauda hoopahu a me na mea hana hou o keia au.

       He hookahi tausani eono haneri a me hookahi kapuai ka loihi me hookahi tausani a me kanaha--kumamalua kapuai ka laula o ka ili aina o ka Luakini; aneane palua i kona nui mua, a e like paha me ia i hoonui ia e Herode Ka Nui, a e like hoi me ia ia Karisto i hele ai ma kona mau rumi mahelehele.  Ua hoohuiia hoi ke kahua o ka "Hale o ka Haku" me ka Halealii o Solomona, me kekahi alahaka pohaku nani i hoomoe pololei ia aku ma ke awawa o Tairopeana.  Aole i pau.