Ka Oiaio, Volume I, Number 112, 4 June 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

John  E. Bush, Luna Hooponopono a me Pauku

 

Honolulu                    Iune 4, 1896

____________

 

HE HEWA IO PAHA.

____________

            He olelo kekahi hoa o ke Komite Makaikai ia Molokai aku nei, na maikai ole kekahi mau hana i hana ia aku i na mai Lepera.  He maikai ole ka na mea ai tini, a kupono ole i mea ai na ke kanaka.  Ua like ole keia  me ka hoike hoi a ke Lom@te e like me ka Hoike a Hon Hanuna.  He keokeo wale no kana, he hapala hoi kai nei.  Pehea la keia?  He oiaio paha, aole paha?

____________

 

KE MAU NEI KA HOLOMUKU.

____________

            Ina he pololei ka hoike a ka Agena o ka Papa Ola no ka poe make, he mea maopopo, he oi ka lahui Hawaii o ka lahui mamake wale, ke hoohalike ia me na lahui e ae.  Ua oleloia o ka hoonaauao ia ana o ka lahui i na hana o ka malamalama a me ka lilo ana he Karistiano, oka kona mea e  pohala ae ai mai ka noho ana omilo wale, aka, ma ka hoomaopopo ana i ka Hawaii, me he la, ua hoololiia ka mea maa mau.  I ka wa nui o ka naauao a me ka malamalama oia aku la ka, ka wa mamake o ka lahui.  He mea kupanaha keia, aka, o ka hoike keia a na huahelu, aole he koho wale.

____________

 

KE  ANO  NUI  O  NA  MEA  HOU.

____________

            Mamuli o ka makani ikaika i pa iho ma Sana Lui, ua poino iho la he aneane 2000 ola.  Ua piha na alanui i ka opala a me na hale i hanee.  Aia i na miliona ka nui o ke poho.

            Ma ka muliwai Misisipi, hookahi wale no mokumahu i koe iho, ua piholo a hulihia iho la ka nui, a he uuku loa na ola i pakele mai.

            Ma Vitoria, ua hiki ae ka lono, ua haki iho la kekahi uwapo kaa alahao, a he 80 ka nui o ka poe i make i ka wa i haule iha ai o ke kaa me na ohua.

            I ka la 26 o Mei, ua poui@a iho ka Emepera o Russia me kana Emepera wahine.  Ua holopono na hana.

            Ua hoomaka ae na koa Tureke e luku i ka poe Karistiano ma ka mokupuni o Crete, i ka la 25 of Mei.  Ua hoouna koke aku na aupuni i na mokukaua no laila.  Ua emi iki mai ka hana a na koa, aka ke hoomau la no nae.  Ua pani a paku mai hoi na Karistiano ia lakou maloko o ko lakou mau home.

            Ua malama ia na hoolewa a me ke kainu ia ana o na Karistiano o Crete malalo o ka malu o na pu o ka manuwa Beritania Hood.  Ua hiki ole nae i na pilikoko o ka poe make ke aa e ukali aku i ka lakou poe m@e.

Ke ai la ke Kolera ma Ai@upika.

Ke hoomaka liilii nei na hana koho Elele o na aoao kalaiaina o Amerika, me ka maja o kela a me keia aoao, a me ka ha@elo.

O Peresidena Clevelana ana no kekahi moho holo balota o ka aoao Demokarata.

Me he la o Makinale a me Reed, ka Peresidena a me Hope o ka aoao Repubalika.

Ua ahewa ka Aha Kiekie o Amerika Huipupuia i ka poe Pilebusta.

Ua hele kino aku o Generala Weyler, ke kiaaina o Cuba, i ke kaua i ua kipi.

Aole i maikai loa ke kulana o Sepania a me Amerika.  Ke hoao nei o Sepania i hoohui me Farani.

Ke hoonui nei o Geremania i kona mau koa ma Aferika.

E li ia ana o Paulo Kamauni no ka pepehi ana i kekahi luahine.

____________

 

KELA  A  ME  KEIA.

____________

Ua holopu aku nei na mahoe kulipaa o ka Hui Bihopa ma, a me ka Hui a Jones ma, maluna o ka mokumahu Australia.  Ma lia o kuikahi aku laua ma ke alahele.

O ke 65 poe i make i ka mahina i hala, he 39 he poe Hawaii.  He hoike ana keia i ka mamake wale o ka lahui.  He nui pumala wale iho no.

E holo ana o Lunakanawai Perry no Wailuku ma ke Kinau i ka Poalima, e hoolohe hoi i na hihia iloko o ka Aha Hookolokolo Kaapuni, ma na hihia i hiki ole ia L. K. Kalua ke noho.  Ua holo aku hoi na loio a me ka mahele olelo Iapana, no ia aha hookahi.

Ua hiki hou mai ka Hope Ilamuku Hitchcock ma ke Kinau mai Hawaii mai.

Ua loaa iho la ka uwati a kekahi wahijne ma ke kihi o Alanui Moi a me Nuuanu.

Ua kipe mai ke kahu ekalesia Manase o Molokai ma ko makou Keena nei.  Maikai kona olakino a me kona mau noonoo ana, a ka Paokahi oia huli hoi hou aku i ka Moku@uni Nui a Hina.  Ua hooia mai oia i kona mahalo i ka manao o Mrs. E G  White i pai ia aku nai i keia mau pule i hala, “Keehina io Karisto la.”

Lohe aku la o Koloa i ka haalele ana mai o kekahi o ka lakou kamalei, Mrs. Hakuwela i ke kakahiaka nei.

Ma ka hoike a ka Agena o ka Papa Ola no na lahui i make i ka malama i hala, ua hooia mai o Hawaii no ka oi.  He 44 o ka poe make he maoli.

No ka poe pena a pia i ka helehelena e loaa no ka pia aala @ Roma ma ka@i o Hobron ma.

Me he la u a holo loaa ae no ka mokumahu Copti@ no Kapalakiko mai na awa maio Kina a me Iapana.

____________

 

KUAI  OOPAU  NUI

____________

 

Ma na Mahele a pau o na ano mea kuai ma ka Halekuai o

L. B. Kerr, Alanui Moiwa, Ine

____________

He 30 i-a Kalakoa no $1.

Papale Ie Laiki 25 keneta pakahi.

12 Ia Lole Huluhulu Pulupulu no  $1.

Na Lipine 18 ia no 25 keneta.

Na Lole Makalena Keokeo kikokiko a me pohaka, 15 ia no $1.

E hele a e makaala mai, a e lawe ae i na kuai holopono ana.

 

L. B. Kerr, Alanui Moiwahine.