Ka Oiaio, Volume I, Number 123, 19 June 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

 

JOHN E. BUSH     Luna Hooponopono a me Pauku

            HONOLULU............................................................................IUNE 19, 1896

 

KE KAI HOOEE MA KONA

 

            Ma na leta i hiki mai, ua puka mai ka lohe, na oi aku ka ikaika o ke kai hooee ma Kona, mamua o na wahi e ae o ka paemoku.  Ua kohoia aku, ua kanakolu kauai ke kiekie o ka hele ana a me ka emi ana o ke kai, a be ehiku ma hale i komoia e ke kai, aole nae he ola i poino.

 

HE ELUA MOKU BERITANIA.

 

            He elua manuwa Beritania i manaoia e ku mai aua i keia mau la.  Ua hooia kekahi poe i ka oiaio o keia olelo a na nupepa, no ka mea, eia na leta na mai home mai o na alii moku ia lakou ma Honolulu nei i keia manawa.

 

HE MAU NINAU.

 

            Ua hiki aku ka ninau a na nupepa ia Kuhina Olney, ina ua ike oia he manao paha ko Enelani e pili ana no V. V. Akepoka.  Ua hai ae ke Kuhina aole he mea i hiki aku inua ona.

Ua olelo ae hoi kekahi Luna Aupuni o ka Oihana Kuhina ma Wasinetona, e i ana.

            "Ua ike iho au i kekahi hoike nupepa e olelo ana e hoouna ia aku ana kekahi manuwa e ke aupuni Beritania Nui, e hooko aku i ke koi a ia aupuni e ae ia o V. V. Akepoka e lele hou aku a noho ma Hawaii, a me ka olelo pu hoi, ina io e hana ana o Beritania peia, alaila e noi ana ke aupuni Hawaii ia Amerika e kokua mai. I ko'u manao aole he oiaio o keia mau mea elua.  Aole au i manao e lawe ana o Beitania Nui i ke kulana e hoohana aku no V. V. Akepoka kekahi mea i komohia pu iloko o ke kaua kipi, a aole no hoi au i manao e akeakea aku ana o Amerika Huipuai no ko Peresidena Dole aupuni.  O kou manao ponoi iho keia."

            I ka la 4 keia o Iune, he elua pule i hala aku, heaha mai nei la na mea mahope nei.  Ko hoomanao nei makou i ka hoole ana o ke Kuhina Cooper ka ninau a Hon. H. Waterhouse.

 

HUNAHUNA O KO NA AINA E.

 

            Ma ka hakaka ma Aikupika, mawaena o na koa Pelekane ma Sondena, na kaa mai la ka lanakila ma ka aoao o na Pelekane a welo ae la hoi ko lakou hae maluna o na kino make he 1,000 o na koa Dervishes.  Ua hahana ke kaua ana ma na aoao a elua a iho makawalu ana hoi ka poka a no pukuniahi e like me na hua hekili, a hiolo aku la hoi kekahi mau hale o ke taona.

 

KELA  A ME KEIA.

 

            Mai poina i ka Hale Kuai o L. B. Kerr.  He oia mau na mea emi a ma kamaka hou hoi na mea kuai ma kona halekuai.

            No ka poe pena a pia i ka helehelena e loa ano ka pia aala Roma ma kahi o Hobron ma.

            O na moku Beritania e hiki mai ana oia no ke Comus a me ka Wild Swan.

            Ua ku mai ka mokukaua Kaletona i ke ahiahi o nehinei, la 18, mai Iokohama, Iapana, mai.

            He elua mokumahu e hiki mai ana i ka la 22 o Iune nei, ka Ausetralia a me ke Coptic.  Owai la o laua ke hiki mua mai ana.

            Ua holo aku ka mokumahu Iapana Toyo --Maru i ka Poaha iho la, la 18.

            Ua hui ae na keiki a na makua o ke kaua kipi o Amerika, a makua hoi o ke kipi ma Hawaii nei.  He ewe kipi no ka keia poe i hiki mai Amerika mai a i hanau ma Hawaii nei. O ka mea iloko o ke kanaka ua hanau ia mai no ia iloko o ka iwihiho, a o ka Uhane Hemolele wale no ka mea e pau ai o ko kakou haawina hemolele ole.

            Ma ka heihei kiauau mawaena o ka lio Billy Button a me Iudah, no $500 pili o ka aoao, ua lilo i a lio mua ke eo o na holo ana mua ekolu iloko o 2:23, 2:26, a me 2:31.  He nui no ka pili mawaho aole nae e loaa aku i na makai.

            I keia kakahiaka la 19, i k mai ai ka mokuahi Malulani mai kona mau awa maa mau.

 

Kastola

HE LAAU HOONOHA KUPONO M@OLE.

 

            Aole ke Kastola he mea okoa, aka o ka aila hoonoha no, me kona maikai oie i lawe ia ae.  Ua hiki keia ma ka makou hana hou ana  a me ka hoomomona ana.  Ua like hoi me ka ai ana o ka waimeli.  Ua like no ka hooena me ko ka aila hoonoha.

            Ua ike hoi na Kauka i ke ano nui o ka aila hoonoha, ma kona ano he laau hoonoha maikai.  Hookahi wale no ona kumu i kuihe ia ai, oia ke okaikai mai, a oia wahi ano ka makou i hoopau ae, a ma o ke Kastola hoi ke waiho aku nei makou i kehahi laau hoonoi a i hiki ole ke ike ia iho Lokahi ano.

 

NA KUHIKUHI.

 

No na Keiki ---------------------- 1 a ka  6 mahima   1-4 a, 1-2 punaki

No na keiki------------------------  6 a ka 12 mahima  1-2 a  1 punaki

No na keiki------------------------  1 a ka 5 mahima    1 a      2 punaki

No na keiki------------------------  5 a ka 15 mahima   2 a     3 punaki

            No ka poe oo, hookahi puna nui.

            No ka hoonoha oluolu keia mau ana.

            Kuaiia ma na wahi kuai a pau.

                                    Hoomakaukania e

                                    Ka Hui Kuai Laau o Hobrona Ma.

                                                            Alanui Moi, Honolulu

 

NO NA AINA KAHIKO

NA KULANAKAUHALE NALOWALE A I LOAA HOU AKU.

 

MAHELE II.

-----OO-----

MOKUNA IV.

 

NAAINA MA KA BAIBALA

            Nolaila aole loa hoi he mea pilikia ka hoomaopopo ana iho i kahi pololei o Golgotha a me ka mahina a Iosepa o Arematea.

            O ka mea kue hookahi wale no i hoopukaia i hahi o ka lua ana i kanu ia ai ka Haku, oia ke kaa ana o keia wahi maloko o ke kulanakauhale, ka mea a makou i manao ai oia ke kumu hooia io maikai loa.  Ua hiki anei i na Karistiano o na la mua, me na olelo o ka palapala hemolele ma ko lakou lima a me ka poe uaauao nana e wehewehe a ao mai, ke koho iho i kekahi wahi a kukulu i luakini ma kahi i manao ia e lakou oia kahi i kanu ia ai ka Mesia, maloko o ke kulauakauhale i wahi hoomanao no ia mea, ina mawaho ae o ke kulanakauhale ka luakupapau, ke ole i loaa ia lakou na kumu kupono no ka hana ana pela?  A ina hoi ua manao e hana apuka mamuli o ka manao maikai, aole anei lakou o koho mawaho o ka pa?  Nolaila heaha hoi ke kumu o ko lakou hana paewaewa ana i kahi o Karisto i kanuai ai, oiai lakou he poe i hoomaewaewa a hoino ia no ka oiaio o ke Akua, a hana iho i kekahi hana hoopunipui i ka ekalesia a me ke ao holookoa.  Ua hoopaakiki kekahi poe mahope o kahi ohuku maluna ae o ka lua ana o Ieremia, mawaho o na pa kulanakauhale e ku nei, a e kokoke ana hoi i ka ipuka Dainaseka, aka aole hoi he olelo hookahi nana e kakoo ia mea.  Ke mau la no ka moe paa ana o na pohaku o keia okuku aina, aole he hoailona hoike ana ua hooui ia ae hoi e kekahi olai i kekahi manawa, e like me ia ma kahi e aku i oleloia oia kahi polelei: a eia kou, i ka wa o ka oria @@a, aole loa hoi e hiki i kekahi puu ke ku ma ia wahi ia wa, oiai he lapa pali pohaku paa keia i oki ia i loaa ai he lua kalai pohaku i ka wa o na pa hou o ke kulanakauhale i kukuluai ai, i hiki ke ike ia ma na lua ilina kupapau, na lua - wai, a me na ha hooholo wai i hooahuwale ia e keia mau eli ana mahope mai.

            Ma na ana a hoohalua hou ana mahope iho nei, i ke kahua pohaku e waiho la malalo o ke kulanakauhale, ua hookaawale ia aku na kumu hoole a pau i kukulu ia maluna o na hiohiona o ka aina e pili ana i kahi i kuhikuhi ia ma na moolelo kahiko, a ua hoike ia mai kekahi mea hou, i ike ole ia mamua, o ia hoi he moo-pali hoi o Golgotha (Kaiwipoo), he oioi ana mai ka mauna aku o Akra e holo ana i ke awaawa o Tairopeona, he kanaiwa kapuai ma kona ano i keia wa maluna ae o ka moe palaha ana o ka aina ma kona kumu, he mea hoi e hoike ana he mauna o Calivari nona na aoaopiiku e nana ana i ka hema he hoailona hoike hooiaio ano nui.