Ka Oiaio, Volume I, Number 124, 22 June 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE I.                                                                                                         HONOLULU, IUNE 2, 1896                                                                                    HELU 124

 

OIAIO PUKA LA

HOOWALEWALEIA O KARISTO E LIKE ME KAKOI.

HAKUIA E MRS. E. G. WHITE

            E kaunui ana ka Haku i kona mau kauwa e oi au lakou mamua o na kanaka o ko ke ao ma ke ano o ke ola a me ke ano iho. I mea e hiki ai ia mea ua waiho mai oia ma ko lakou lima i na haawina e hiki ai me ka palena ole. He mea hakilo nui ia ke ano o ke Karistiano i ko ke ao, i na anela, a i i na kanaka. Ua ikeia mai oia he mea e hooikaika ana no ka lanakila, e holo ana ma ka heihei imua ona, i mea e loaa ai ia ia ka makana, oia hoi he kalaunu mae ole. E oi ae hoi kona mau mano mamua o ka manao o ka poe aloha i keia ao. E ike oia aia hoi ma ka paio nui ana e komo ai, aia ka pono a pau ilaila ke eo a e nele ai ke haule. E hoomaopopo oia e hooikaika aku i ua mana a pau i waiho me ia e lanakila maluna o ka honua, ke kino, a me ke diabolo, ma o ka mana kupono mai ka Uhane Hemolele mai. Ua hoolako piha ia oia me ka lokomaikai i mea nona e haule ole ai a e haulehia ai paha kona manaolana, aka e lawa ai iloko o Karisto a e aeia ai ma o ka Mea i alohaia.

            O ka poe e manao nui anan e lanakila e helu pono lakou i ke kumukuai o ke ola ana, i mea no lakou e hoopalupalu ia ai iloko o Karisto, i hoopio ia ai ko iakou mau ano ikaika kanaka, a e hoihoi ia ai ko iakou mau ano ikaika kanaka, a e hoihoi ia ai ko lakou makemake he pio i ko ka Hoola makemake. E hoomaopopo hoi ke Karistiano aole oia nona iho, aka he mea ia i kuai ia me kekahi kumukuai. Aia hoi mai loko ae ona kona mau hoowalewale nui ia; no ia mea e paio nui oia me na anoai o ka naau kanaka. Ua ike no ka Haku i ko kakou mau nawaliwali; eia nae ua kaupaona no oia i kanaka, me kona ano ole a hiki ole i ka hana i kekahi hana maikai ma o kalou ponoi iho ma kekahi kumukuai palena ole. "No ka mea ua aloha nui mai ke Akua i ko ke ao nei, nolaiia ua haawi mai oia i kaua Keiki hiwahiwa, i ole e make ka mea manao io ia ia, aka e loaa ke ola mau loa." O na hooikaika e pale aku i ka hewa, a me na hoao ana e hooko i ke ano o ke kanawai o ke Akua, oia no o Karisto e hana ana ma o na agena ana e hoohana ai i ka naau o ke kanaka. Ina he mea hiki io kakou ke ike i ko Kariso ano ia kakou a me kakou ia ia, e pau koke no anei na ohumu ana, e puka pono ae no hoi ke kumu waiwai io o ka uhane, a e manao ae hoi kakou ua aloha ke Akua ia kakou me ke aloha pau ole!

            O oukou, o ka poe i hoowalewaleia i hoaoia, a i haule na manaolana, e ala mai. Mai hopepe a mai hoemi i na manaolana e na mea i uluhua, i kanalua a i hookaumahaia ka uhane e ka hewa. E nakolo mai ana no na leo o ka ke Akua mau olelo hoopomaikai e hooia ana e hike ana no kakou i ka lani i na kakou e hoomau iloko o Karisto. E ea ae i luna; he poino ka nana ilalo. Ia oe e nana ana ilalo e niniu ana ka honua a e lewa ana malalo ou a aole he hookahi mea onipaa. E lalau mai ana ka lima o ke Akua maluna mai o na pale o ka lani e apo aku i kou mau lima. Ua kokoke mau ka mea kokua ikaika e kokua i ka mea e auwana ana, ka mea nui o ka hewa a piha i ka hopohpo. E nana ae iluna ma ka manaoio a o ka malamalama nui o ka nani o ke Akua ke papa iho ana maluna o oukou. Mai noho a hoohaule i ka naau no kou ike ana i ka hemahema o kou ano. E like me kou kokoke aku ia ia pela oe e ike iho ai i kou mau kinaunau; no ka mea e pii mau ana ka moakaka o kou ike ana, a e ike ana oe i kou mau hemahema me ka moakaka ma ka hoohalike ana me ko ka Haku ano hemolele . Mai hookaule i kou noonoo; he hoailona keia e hemo ana ko Satana mana hoopunipuni; e hoala ana hoi ka mana hooni o ka Uhane o ke Akua ia oe, a e haalelel ana kou hoowahawaha a me kou hupo ia eo.

            Mai nana oe i na mea i loohia ia oe mamua, me na mea e hoohaule ana i kou naau i keia wa aka e hele oe ia Iesu e me kou mau hemahema a pau, a e hookokoke mai ana no ka Hoola ia oe ma kahi mamao a apo mai ia oe me kona mau lima aloha a hoopuni ia oe me ka aahu o ka pono. Mai hoomau oe e kamailio no kou palupalu wale; ua hele mai o Iesu e lawe mai l ka mana hoopono e hoohui aku me kau mau hooikaika kanaka ana , i mea no kakou e nee ai ma kela a me keia keehina ma ke alauui o ka lani. E hookuu oe i kou manaoio e apo a paa i na olelo hoopomaikai a ke Akua, a ina ua hoopuni ia oe me na ao poluluhi, e hoopuehu ia aku no ia mea me he noe la; no ka mea ua makaukau na anela o ke Akua e kokua ia oe i na wa a pau e ku ana ka pilikia a me na hoao ana. Aole kakou i waiho wale ia e paio hookahi aku, me na kokua ole me ke alii o ka po. Ia kakou e hoomaopopo ana i na hana kue a ka enemi, e ike no kakoui ke kupono e holo i ke towera o ka maluhia; e aoia ana hoi kakou e hilinai aku maluna o ka mea Ikaika. E lilo no oia ia kakou he lulu o kekahi pohaku nui ilolo o ka aina kuanea, he wahi e maha ai i ka wa ino. Nui a kuhohonu ana no ke aloha o ke kanaka i ike i ko ke Akua kokua aloha oiai oia iloko o ka hoaoia a me ka pilikia.

            Aia ka puali holookoa o ka lani ma kou aoao e kaua no kakou a pau, e hooikaika e loaa he lanakila no kakou, a o Iesu hoi ke Kapena o ko kakou hoola ana. Aka mai manao iho hoi kekahi mea aole oia e komohia pu ana iloko o na haawina o ka hoomanawanui o na hoehaeha. Ua olelo o Ioane ma Hoikeana 7:9-17, e pili ana i keia mea.

            O na mea a pau e loaa anan me ka aahu mare o lakou ana ka poe i komohla i na popilikia nui. E poiana na ale ikaikai a ka hoowalewale maluna o na haumana a pau a Karisto, a ina i ole lakou i hoopaa ia i ka Pohaku Kumu e lilo pu ana lakou. Ua manao anei oe e hiki ana oe ke lana hele pu me ka pono ma ke kahena a ke au? E hooke aku oe i ke kahena a ka wai i ole oe e lilo he luahi na Satana. Aole oe i palekana oiai oe e ku ana maluna o ke kahua o ka enemi aka e hoopololei oe i kou mau kaehina ma ke ala i hoakaka ia nou e ka Haku. la oe no ma ke alahele o ka hemolele e hoao ia ana no oe; e hoaoia ana kou manaoio, kou aloha, kou hoomanawa@ui, a me kou kupaa. Ma ka imi paua ole ana i ka nalapala hemolele, ma ka pule @ kokua mai ka lani mai, e hoomakaukau @i ka naau e pale aku i na hoowalewale. E @ana ka Haku i ka leo o ka pule, a hapai ana@ihae nou e ku ai ke paio aku me ka enemi. (Aole i pau

 

R. W. Wilikoki

KEENA ANA AINA A ME AINA KUAI

            Ua hiki hoi ke hooponopono pu i na WAIWAI o kela a me kaia ano e waiho pohihihi nei; a i @ wale ia paha e kekahi poe ma ke a@una a paka@.

            Ua hiki no hoi ke hooponopono i na WAIWAI @ hia i paa malalo o ha Moraki a ano e ae pana.

            Ua hiki ke huli maloko o na Buke Aupuni no na aina pohihihi o na palena a me ke ano o ka hoo@ ana.

            E loaa no ma ke ALANUI MOI mawaena o ke ALANUI PAPU a me ALA@EA, maloko o kekau rumi o ka hale e pili pu ala ma ka aoao ma Ewa @ kahi noho o @ale @ulika.

            Na Hora Hana mawaeua o na nora 9 a @ me ka hora 4 p. m, koe ke Sabati.

            Feb. 26, 1896.