Ka Wai Ola - Office of Hawaiian Affairs, Volume 13, Number 12, 1 December 1996 — I Alakaʻi aku au [ARTICLE+ILLUSTRATION]

I Alakaʻi aku au

Na Ka'imi Summers ,«MR. -vV y/'S-4sfk. : jr/r .404 * S:-<-*'<smk. -*./'. /t'.d3sit >''-'! /*.//&. This is part two o/Ka'imi Summer's trip up to Alaka'i Swamp in Koke'e, Kaua'i. A hiki aku i ka lihi o ka pali, i Kilohana nō, a 'o kilo aku ka hana — auē! Uapihake awāwa i ka 'ohu, 'a'ohe mea o lalo i 'ike 'ia. He ao akua na'e nō ia, a he 'olu'olu ke pā maila i ke alo. He hanu kēia a ke aloha? Hū a'ela ke aloha mai loko o'u, a oli nō. E ulu, e ulu kini o ke Akua Ulu Kāne me Kanaloa Ulu 'ōhi'a lau koa me ka 'ie'ie A'e mai a noho i kou kuahu Eia ka wai lā He wai e ola E ola nō ē!

A ua komo maila ka mana'o o ka 'āina a ulu i loko o'u, a ua maopopo 'i'o nō. Mahalo nō i ke ola o ka Hawai'i, a mahalo pū i ka nani o ka 'āina. 'Oia'i'o, ke alaka'i nei nō 'o ia ia'u ma nā ala maika'i .... Ho'i mākou me ka luana nui, a 'o au ho'i me ke pa'i ki'i nui. 'A'ole hiki ke huli kua i nā u'i lehulehu o uka: he liko lehua uliuli kō kēia 'ao'ao, he ni'ani'au e kupu ana i kēlā lā'au, he pa'iniu i 'ane'i, he maile i 'ō, a pēlā wale aku. Ua poina 'ia ka 'eha o ka wāwae i ka 'olu o ka maka. He kapa kuiki 'olu'olu ia a ka nahele i ho'oulu ai, a kohu humulau ke kahawai e kahe hulali ana i ka malumalu o ka 'ōhi'a . . . ua alaka'i 'o ia ia'u ma kapa wai lana mālie. Hō ka ho'onā o ia wai hu'ihu'i i ka wāwae 'ena'ena! He 'olu'olu hemolele wale nō. A ho'omau. A uhaiāholo kekahi hola, hiki mākou i ka

hale noho. Mālo'elo'e maoli ke kino, ua noho na'e i ke kahua o Mali'o. 'O ia ho'i, ua piha a hū ko'u kī'aha. Mahalo nō i kēia lā hemolele a Alaka'i i hō mai ai. Pīpl, e holo kākou!