Ka Wai Ola - Office of Hawaiian Affairs, Volume 14, Number 3, 1 March 1999 — Kōlamu ʻŌlelo Makuahine Ua ʻōʻili mai nei ka paʻi mua ʻo kekahi hō'iliʻili kūmakahiki o ka ʻikena Maoli "ʻŌiwi: A Naliue Hawaiian Journal" [ARTICLE+ILLUSTRATION]

Kōlamu ʻŌlelo Makuahine Ua ʻōʻili mai nei ka paʻi mua ʻo kekahi hō'iliʻili kūmakahiki o ka ʻikena Maoli "ʻŌiwi: A Naliue Hawaiian Journal"

Na Manu Boyd HILI HEWA ka mana'o ke 'ole ke kūkākūkā." Pēia nō i pa'i 'ia ai i loko o "'Ōiwi," he puke ho'omana'o a ka Hawai'i. Ma loko mai o ia 'ōlelo no'eau he ha'awina maika'i no kākou. ka lāhui Hawai'i, e hoe like ma ka 'auwa'a koa wiwo 'ole. Ke kūkākūkā kākou a e ka'ana like i nā mana'o 'ē a'e a ho'olohe pono i kā kekahi, holomua ana nā wa'a me he lā e poho pono ana nā pe'a i ka makani a La'amaomao. Na kākou nō ka mana 'ōiwi. 'O "Kuleana 'Ōiwi" ka inoa o kahi hale pa'i puke hou i 'auhau 'ole 'ia e ke aupuni pekelala, i ho'okumu a ho'okuleana 'ia nō ho'i no ka ho'olaha mana'o 'ōiwi. No laila, na lākou e kūkala ha'aheo mai nei i ka hojopuka 'ia mai o kā lākou makamua, 'o " 'Ōiwi : A Native Hawaiian Journal," he hō'ili'ili o nā momi waiwai i hō'ike 'ia mai e ka po'e nona ke a'a kahiko, ke kupu a me ka hānai 'ia ma ko kākou pae 'āina aloha. Mana'o 'ia he kūmakahiki ka hō'ili'ili a pa'i 'ia 'ana. Aia 'elua mana'o i kupu mai ai i ka no'ono'o o kahi Māhealani Dudoit, he wahine noi'i a 'imi na'auao, ka mea i lilo i Iuna ho'oponopono o ia puke ho'oman'o, 'o ia ka mo'okū'auhau — ke ka'ina ho'i o ko kākou mō'aukala, a me ke kuleana o ka Hawai'i o kēia au. He kuleana ko kākou ma ka ho'omau 'ana aku i nā loina, nā ēwe uaua i ho'oilina 'ia mai ai e nā kūpuna. Na kekahi mau hoa hana o Dudoit i alaka'i i ia hana ma ke 'ano he luna, 'o ia nō 'o Ku'ualoha Meyer Ho'omanawanui (hope luna ho'oponopono); 'o Laiana Wong a me Noelani Arista (nā luna ho'oponopono 'ōlelo Hawai'i); 'o Lisa Kanae, Nohealani Kawahakui a me Miehael Puleloa (nā kōkua ho'oponopono); 'o Leslie

Keli'ilauahi Stewart (he luna kuhikuhi pū me Dudoit a me Ho'omanawanui), a 'o Stacey Leong (luna kaha ki'i), nāna i ho'onohonoho i ia puke a nani loa mai ka pale alo a ka pale kua, a i nā 'ao'ao a pau loa o loko, he 'elua haneli a 'oi. I Ioko o nēia puke ho'omana'o nei, ma kahi o ka hapa ka'au o nā kanaka e hō'ike mai ana i ko lākou mana'o ma o nā

mo'olelo, nā poema, nā kaha ki'i, nā ki'i pa'i a me nā mele i haku 'ia i kēia au a i ke au o ka ho'okāhuli aupuni a me ka ho'ohui 'āina i ho'okahi kenekulia i hala aku nei. Waiwai loa ia mau mea a pau, no ka mea, he 'ike 'ōiwi a he 'ike maoli nō ia. 'Oiai ua kākau 'ia nā

mokuna o loko ma ka Hawai'i a me ka Pelekāne kekahi, ua no'ono'o 'ia e hāhai i 'elua ala e pili ana i ke kākau 'ōlelo Hawai'i. Aia kekahi i ho'okomo pū 'ia me ka 'okina a me ke kahakō, a kekahi me ka 'ole o ia 'ano kaha. Na ka 'Ōlelo Hō'akāka e hō'akāka ai i ua mea lā me ka maika'i. Lō'ihi ka papa inoa o nā 'ōiwi nāna i hō'ahu a'ela i kā lakou mau momi i 'ike maka 'ia ma kēia waihona, 'a'ohe ona lua e

like ai. Eia nā inoa o nā hoa kāko'o: Ke Aloha 'Aina (he nūpepa Hawai'i), Lōkahi Antonio, Alani Apio, Noelani Arista, William S. Chillingworth, Māhealani Cypher, D. Māhealni Dudoit, Pearl Ulunuiokamāmalu Kanaka'ole Garmon, Kau'i P. Goodhue, Nieole Mehanaokalā Hind, Ku'ualoha Meyer Ho'omanawanui, Moana Kaho'ohanohano, 'īmaikalani

Kalāhele, Keao Kamalani, Māhealani Kamau'u, Lisa Linn Kanae, Pualani Kana- ■ ka'ole Kanahele, Anthony i Kalaemaka Kekona Jr„ [ Kalehua Parrilla Kim, i Kapulani Landgraf, 5 Miehael McPherson, Nāpua McShane, Manu | Aluli Meyer, William Kamana'olana Mills, Jodi I K. Nāhinu, Rachel Naki, Nanihā'upu, Ruth Leilehua i Ka'ahanuionākoa Ka'awa | Lansing Omphroy, Hariett ; Kamakia Awana ō'Sullii van, [Ellen| Keko'aohi- | waikalani [Prendergast], • Noenoe K. Silva, Haunanii Kay Trask, Laiana Wong a me Kanalu Young . Hiki ke kū'ai 'ia 'o "'Ōiwi" mai 'ō a 'ō, he $12 ke kumukū'ai Inā P he 'i'ini kou e ho'ouna i kahi mea e nānā 'ia no ko

ka makahiki a'e pa'i 'ana, a i 'ole he nīnau kou, e kākau iā Māhealani Dudoit, luna ho'oponopono, 'Ōiwi: A Native Hawaiian JournaI , P. O. Box 61218, Honolulu, Hawai'i 96839-1218, a i 'ole e kelepona ma 988-0594. E ola ka 'ōiwi ē! ■