Ka Wai Ola - Office of Hawaiian Affairs, Volume 21, Number 4, 1 April 2004 — Ka Nani O Ku ʻu Kīhāpai [ARTICLE+ILLUSTRATION]

Ka Nani O Ku ʻu Kīhāpai

Ike kakahiaka Pō'aono o ka lā 6 o Malaki 2004, ua ka'i huaka'i mai ka 'ohana, nā hoaaloha a me nā 'Ahahui Hawai'i me ka hali'a aloha ma ka Pāilina 'o Līhu'e no ka ho'olewa o Ke'alamāpuana Sarah Malina Ka'ilikea. Lohe 'ia ka leo wahine oli i ka ho'omaka o ka ho'olewa, kani akula ka pū iā Līkeke Bell. Ma hope ia, ua kuolo ka leo o Puake'ala Mann 'o ka mao akula nō ia o nā ao. Na Maleolm lāua 'o Keolu Ka'ilikea i hi'i i ka ipu o Ke'alamāpuana. Ua mālama 'ia ka hana haipule e Kahu Gaylord Williams o ka Halepule 'o Līhu'e Mua. 'O Kaualoku Aiu kai ho'ohiwahiwa iā Aunti Sarah me ka 'ōlelo, " He wahine i ma'a i ka hele 'ia e ona mau kūpuna"

Ua hīmeni a oli nā po'e i aloha 'ia iā ia. Ua kulukulu ka waimaka aloha nona a ua 'ohu'ohu nā lei a me nā pua ma luna ona. Ua honia wale ke 'ala o ka maile a me ka 'awapuhi, 'o ia nō, ua 'ikea wale ke aloha a me ka ha'aha'a o kēia wahine 'olu'olu, 'oia ho'i 'o Ke'alamāpuana Sarah Malina Ka'ilikea.