Ka Wai Ola - Office of Hawaiian Affairs, Volume 34, Number 4, 1 April 2017 — Nā Hōkū Hanohano: Piha Kanahā Makahiki [ARTICLE+ILLUSTRATION]

Nā Hōkū Hanohano: Piha Kanahā Makahiki

By Dr. Keola Donaghy Ma ka lā 24 o 'Apelia 20 17, e ho'ohanohano 'ia ana nā sēdē a me nā mele 'oi kelakela i ho'opuka 'ia ma ka makahiki 2016 ma ka papahana Nā Hōkū Hanohano. E kau nui ana nā maka o ka po'e e 'ākoakoa ana ma ka Hawai'i Convention Center no kēia hanana nui a ko'iko'i o ka 'oihana puolo. 'O kēia ka piha makahiki kanahā o ka papahana Nā Hōkū Hanohano i ho'okumu 'ia ma ka makahiki 1978 me ka inoa 'o ka "Nani Awards." Mai kinohi mai, 'o ka pahuhopu

nui o kēia papahana ho'ohanohano ke kāko'o, ho'oikaika, a ho'omāhuahua 'ana i ka pā'oihana puolo Hawai'i ma kona mau 'ano like 'ole: no nā kanaka hlmeni a ho'okani pila, nā hui ho'opa'a a ho'omalele pā leo a pā sēdē, nā kahua lekiō, nā 'enekinia a luna ho'opuka, a pēlā wale aku. Ma ia makahiki mua, 16 makana hanohano e hā'awi 'ia, a ua lilo ka nui o nā makana i nā kānaka a kalapu hlmeni e hīmeni ana i ka puolo Hawai'i a me puolo e kū ana i ke 'ano o ia wā, e like me Cecilio and Kapono. I kēia makahiki, he 35 makana e

hā'awi 'ia. Mau nō ka paipai a ho'ohanohano 'ia o nā sēde puolo Hawai'i, akā, mai ka makahiki i ho'okumu 'ia ai ka papahana a i kēia makahiki, ua nui a'e nā 'ano puolo like 'ole e ho'ohanohano 'ia, e la'a me Rock, Jazz, Reggae, Alternative, Instrumental, Kīkā Kī Hō'alu, 'Ukulele, a me kekahi mau 'ano 'ē a'e. 'Ekolu makana nui e ho'pūlama 'ia e ka po'o hīmeni a 'ōlelo Hawai'i - 'o ka "Sēdē Hawai'i,", 'o ka makana "Haku Mele," a me ka makana "'Ōlelo Hawai'i." Hui pū 'ia kēia mau makana 'ekolu ma kekahi māhele kūikawā o ka

papahana Nā Hōkū Hanohano a e mālama 'ia ia māhele ma ka 'ōlelo Hawai'i wale nō. I kēlā makahiki aku nei, ua lilo ia mau makana 'ekolu iā Chad Takatsugi no kāna hana maiau ma kāna sēdē 'o "Ahuwale," a iā Kahikina De Silva no kāna mele i haku pū 'ia me Takatsugi, 'o "He Wehi No Pauahi" ka inoa. Iā wai ana ka lei o lanakila i kēia makahiki? E 'ike 'ia nō ma ka lā 24 o Mei nō. No ka lehuhelu e 'i'ini ana ma ke kīwī, e ho'olelo 'ia ka papahana ma KFVE-TV ma ia ahiahi nō. Inā he nīnau paha kāu no ia papahana, e kelepona i ke ke'ena HARA ma kēia helu kelepona nei (808) 593-9424 a i 'ole e leka uila iā nahokuhanohano@gmail.com. ■ Dr. Keola Donaghy, Papa Alaka'i, Hawai'i Academy of Recording Arts

j 'ŌLELO MAKUAHINE ^ > HAWAIIAN LANGUAGE /

www.oha.org/kwo | kwo@OHA.org NATIVE HAWAIIAN » NEWS | FEATURES | EVENTS

'0 ka Pu'ukani Leo Kāne o ka Makahiki 1981, 'o Palani Vaughan. Ua ka'a ka Hōkū Hanohano iā ia no ka "BestTraditional Alhum," 'o "lā 'oe e ka Lā." - Photo: Kai Markell