Ka Wai Ola - Office of Hawaiian Affairs, Volume 34, Number 9, 1 September 2017 — Nā Kānaka āu e hui ai ma Longs Drugs [ARTICLE+ILLUSTRATION]

Nā Kānaka āu e hui ai ma Longs Drugs

Na Kalani Akana nā ua heluhelu 'oe i kā Lee Cataluna puke, "Folks You Meet In Longs," e mino'aka ana 'oe i kēia mo'olelo li'ili'i. 'O Longs Kāne'ohe kāhi o kēia mo'olelo. Ma kekahi Lāpule, ua aloha mai kekahi hoa me ka plhoihoi a 'ōlelo mai 'o ia ia'u penei, "Kumu, ua 'ōlelo Hawai'i kekahi kanaka "buff" ia'u ma Longs!" A wehewehe 'o ia ia'u i nā lāli'i o kāna 'ōlelo. A laila, ua 'upu a'e ka mana'o e 'ike i kēia kanaka "buff ma Longs Kāne'ohe. 'A'ole au i lohe iki e pili ana i kekahi kuene hale kū'ai e 'ōlelo ana i ka 'ōlelo 'ōiwi a he ake ko'u e hui me ia kanaka.

I ka Lāpule a'e, ua hele huli au i ua kanaka 'ōlelo Hawai'i. Komo i loko o Longs, huli au, nānā, 'a'ohe kanaka "buff"! Nolaila, ua oi hele ka'u kū'ai 'ana i nā pono - ihoiho, kāleka, a pēlā aku. A laila, kū au ma ka laina a lauele ka mana'o. 'Okahiki 'ana nō ia i mua

ma ka mīkini 'ohi kālā, ho'ōho ke kuene wahine, "Aloha e Kumu Akana!" Kāhāhā! He haumana paha kēia na'u ma mua? Nānā au ma kona lepili inoa a ua kākau 'ia ka inoa 'o Jasmine. Auē, 'O Jasmine Plkake Lopez kā kēia! He haumana nō 'o ia na'u ma mua ma ke kula kaiapini 'o Waiau. Hau'oli au i ke kama'īlio 'ana me ia ma ka 'ōlelo 'ōiwi. Ha'i 'o ia ia'u e pili ana i kāna mau keiki. 'O ka inoa o kēlā kanaka "buff ' 'o Nanea, he haumana kaiapuni i puka mai ke Kula 'o Ānuenue. I kekahi pule a'e, komo au i Longs Pali. I ka ho'i 'ana, 'ike au i kekahi wahine ma ka laina mīkini 'ohi kālā. 'O Noe Arista, kekahi polopeka ma ke kula nui ma Mānoa, nō ia! Ha'i 'o ia e pili ana i kekahi papahana haku mea pā'ani wikiō ma ka 'ōlelo Hawai'i. Kupanaha nō. Ma hope o kēnā hui 'ana, ua hui hou no māua ma Zippy's a ha'i mai 'o ia i kāna hui 'ana me kekahi kāne ma Bloomingdale's. Ua ho'olale 'ia kona maka i ka lēpili inoa ma ko ia ala kāne lakeke. 'O Kuali'i ka inoa. No'ono'o au 'o Kuali'i Lum paha kēnā no ka mea ua hana 'o ia ma Nā Mea Hawai'i ma mua, a 'o ia i'o nō. Mea mai 'o Noelani, e ho'omaka ana 'o Bloomingdales e kāpili i hae Hawai'i ma luna o nā lēpili inoa o nā kānaka e hiki ke 'ōlelo Hawai'i. Maika'i nō kēlā! Inā maopopo iā 'oe i kekahi kanaka a i 'ole i kekahi 'oihana e mālama ana i ka 'ōlelo Hawai'i ma ke kaiāulu e leka uila mai iā kalania@oha.org. E ha'i mai i kāu mo'olelo "Longs." ■

Noelani Arista me Kuali'i Lum ma Bloomingdale's ma Ala Moana. - Ki'i