Ka Wai Ola - Office of Hawaiian Affairs, Volume 38, Number 2, 1 February 2021 — Nā Waiwai 'o Lili'uokalani me ka Ho'omohala 'Ōpio [ARTICLE+ILLUSTRATION]

Nā Waiwai 'o Lili'uokalani me ka Ho'omohala 'Ōpio

< E 'ONIPAAKAKOU >

Na Moon Kauakahi 'E ho 'olohe i nā leo o nā 'ōpio, no ka mea, 'o lākou nō nā alaka'i mua aku 0 Hawaii nei. " Ikō kākou mau makahiki 'ōpiopio, mau nō ka ha'ina o nā mākua, "Pa'a ka waha a ho'olohe ka pepeiao wale nō," no ka mea, i kēlā wā aku nei, 'a'ohe kahi ka mana'o o nā 'ōpio i ke au o nā mākua. I kēia wā 'ānō, ho'ohui pū 'o Nā Waiwai 'o Lili'uokalani (LT) i mau polokalamu like 'ole i ka ho'opaipai 'ana me ka ho'oikaika 'ana i nā leo, nā mana'o o nā 'ōpio ma o kekahi polokalamu, i kapa 'ia 'o Ho'omohala 'Ōpio. 'Oiai 'o ka po'e lawehana 'ohana me ka po'e ho'olauna kaiāulu e kāko'o 1 nā 'ōiwi holo'ōko'a, e ho'olako 'o Ho'omohala 'Ōpio i kahi papa pani hakahaka no nā 'ōpio. Kekahi manawa, 'ano pa'akik! kekahi o lākou e ho'oponopono ai me nā ha'awina ma'a mau o ke kula. Ma ka 'ike o nā kūpuna, nā laulima, a me ke kōkua 'ana o nā hui like 'ole, penei ke 'ano 'o Ka 'Aha o Nā Kamali'i o Hawai'i me ke Kula Ki'eki'e 'o Kamehameha, ua loa'a mai nā 'ōpio i ka 'ike na'auao, a lākou e pono ai i ka holomua 'ana aku i kēia huliau 'ana. 'O Ho'omohala 'Ōpio kekahi o ko LT mau polokalamu i ka ho'opaipai 'ana i nā 'ohana, nā 'ōpio me nā kamali'i e ho'olako mua aku ana. 'O ka mākia kēia na LT a penei nō: "E Nā Kamalei Lupalupa." E holomua pū kākou no ka pono o nā 'ohana o Hawai'i Nei. ■