Ka Wai Ola - Office of Hawaiian Affairs, Volume 39, Number 2, 1 February 2022 — Ke Kauka Po'okela Hawai'i Mua Loa 'o Dr. Matthew Makalua [ARTICLE]

Ke Kauka Po'okela Hawai'i Mua Loa 'o Dr. Matthew Makalua

J I OLA LOKAHI V ^ TO THRIVE TOGETHER IN UNITY *

Na Ho'oleia Ka'eo Ika wā o ko Kalākaua noho mō*ī 'ana, ua ho'okumu ke aupuni i ka papahana i 'o "Hawaiian Youths I Abroad." Ho'ona'auao 'ia nā 'ōpio Hawai'i ma nā 'āina e no ka ho'omāhuahua 'ana i nā alaka'i o Hawai'i ma nā māhele 'oko'a e la'a me ka pili helu, k

mele, ke kānāwai, a me nā mea hou a'e kekahi. He 18 haumāna i huaka'i ai i nā aina e mai ka makahiki 1880 a i ka makahiki 1887. Eia ko lākou māu inoa hanohano: 'O James Kaneholo Booth, Robert Napu'uako Boyd, August Hering, Maile Nowlein, Robert W. Wilcox, Henry Kapena, Hugo Kawelo, John Lovell, Joseph A. Kamauoha, Matthew Makalua, Abraham Pi'ianai'a, Thomas Puali'i Cummins, David Kawānanakoa, Henry Grube Marchant, Thomas Spencer, James Kapa'a, James Haku'ole, a me Isaac Harbottle. Kākau 'ia kēia e ho'ohanohano ai iā Matthew Makalua, ke kauka Hawai'i mua loa nāna i kāmoe i ke ala no nā kauka Hawai'i! 'O Lāhainā malu 'ulu O Lele ma Maui ke one hānau '0 Matthew Everard Puakakoililanimanuia Makalua i hānau 'ia mai ka pūhaka mai 'o Kaipoleimanu Kahoohanohano Makalua lāua '0 Matthew Makalua. Na ka MoT Kalakaua i ho'ouna ai ia Matthew Makalua, Joseph Kamauoha, me Abraham Pi'ianai'a i 'Enelani i ka makahiki 1882. Ua kapa 'ia lākou 'ekolu '0 "Nā Keiki Hawai'i 'Imi Na'auao" ma ka nū- pepa Ke Koo O Hawaii. Ua ho'ona'auao 'ia 'o Makalua ma St. Chad's Preparatory School a me King's College. Iā ia maila, ua kūlia 'o ia ma ke kula a ua eo iā ia nā makana ma nā palapala ho'okō e like me ka 'anakomia (anatomy) a me ke kānāwai (medical jurisprudence). He kauka kaha nō '0 ia, 'o ka mua loa ho'i o ka lāhui Hawai'i. Ma hope o ka ho'okāhuli aupuni o Hawai'i, 'a'ole '0 ia i ho'i hou mai i kona one hānau. Ma St. Leonards (ma 'Enelani) 'o ia i noho ai me kona 'ohana ma ke 'ano he kauka kaha po'okela ho'i. 'O Anne Dewar kāna wahine a 'o Matthew James Manuia Makalua Dewar kāna keiki. ■