Ka Loea Kalaiaina, Volume I, Number 44, 2 October 1897 — HAINA 0 KA NANE A E. P. HANAPULK. [ARTICLE]

HAINA O KA NANE A E. P. HANAPULE.

12 3 4 5 6 7 8 - Humuhumu 8 10 11 12 13 14 15 16 - Nukunuku 17 - A 18 19 20 21 - Puaa. Ma ka hoopololei ana i na hua helu mai ka mua a ka hope, e loaa no he Humuhumunukunukuapuaa. Hauliliamanu. [Ua pololei keia haina, a e hoouna mai oe i ka uku makana 5 poo leta. L.H.] He 10 Hawaii i hele aku e ike ia Morgan a me 9 hapahaole i mahaoi e wauwau i na kuli o ka hoohuiaina Ua holo aku o Morgan e nana i na wahi i kaua ai o R. W. Wilikoki, iluna o Puowaina, kamoe a hiki i Puuohia hoomaha iki nana ae la na maka he inoino a he lanakana na launahele e ulu ana, a he maia apule, pii hou a i Maiuhia, he eepa wale no ko laila, aole he kumu kope e liki ianei, hulihoi a poaipuni ae la ia Puowaina, nana ae la na maka ia Waikiki, he uluniu, malalo iho he mau pa ilina ko Makiki, alawa iho ia Pauoa, he loi ai a he ilina o na Pake make, luliluli ae la ke poo ona kaaka nei. He inoino ke alahele o ka malihi. Holo no Ewa maluna o ka waapa i hoolana iho la i ke awa o Puuloa, kuhikuhi na lima i kahi i noho ai o Kaahupahau "Aole pomaikai o America i keia wahi" Ka haha ae la kona noonoo no keia ninau no ke Awa o Puuloa, kupili kii ka noonoo o ka hoohuiaina. Makai o na pili uwapo mokuahi i ka la nui nei, ua kena aku keia makuahine, i kana bebe aloha e huli i kona makuakane iloko o na aluka huikau o ka heihei, ua nalowale aku ka bebe he mau hora, o ka huikau ana, loaa aku ka bebe e malamaia ana e ka elemakule, e uwe ana me na kuluwaimaka o ke aloha makua. Mamuli no ia o ka hookikina o ka makuahine e hele e huli. Mai kena i na bebe i na wa- hi lealea e like me keia, e malama i ka loi milimili a ke aloha, aole o ka pii i ke alapii a ka opae. Mai lu ina mea maikai, o kau ae nei ka pilikia maluna o mama. Aloha no.