Ka Loea Kalaiaina, Volume I, Number 44, 2 October 1897 — 0 KA PONO KE HANAIA A HAULE MAI NA LANI. [ARTICLE]

O KA PONO KE HANAIA A HAULE MAI NA LANI.

Mr. Lunahooponopono. E ae mai ia’u i kou oluolu e hui pu aku me 'oe ma ko’u manao ponoi iho a’u hoi i heluhelu iho ai ma ka aoao 2 kolamu 3 o ka la 25 o Sept. 1897, Ka Loea Kalaiaina no na ke poo. e hoouna i mau elele, ma ka aoao o ka lahui imua o ka ahaolelo o Amerika ma Wasinetona e noho ana i Dekemaba ae nei, ma ka noonoo a me ke kaupaoua aua i na manao mai ka mua a ka hope, ua hiki loa i na Peresidena nui o na hui elua o ka Hui Kalaiaiua me Hui Aloha Aina ke lawe i kumuhana o waiho aku ai i mua o ka lahui a puni ka pae aina ma o na hope Peresidena la mai Hawaii a Niihau, oiai he elua wale no mahina i koe a hiki aku i ke kahua o ka hana, alaila, ua puipui loa ka aoao o ka lahui me ke Alii Aimoku ma Wasinetona imua no o ia hale hanohano. Ma keia manao a kea pili lahui, oia ka’u e hoomanao ae nei i ke au o ka Moi Kamehameha III, aia hoi, ua hoouna ia aku he elua mau elele ma ka aoao o ke aupuni Hawaii no ka imi ana i ka pono o ka Moi a me ka lahui Hawaii. O ia no o Timoteo Haalilio, he kanaka Hawaii maoli, he kaukaualii ponoi oia, a me Reoi W. Rikeke he haole Kahunapule. O keia huakai ana mau elele ala i hele ai no na aupuni nui o na aina E, malale noia o na lilo o ke anpuni. E like me na hoike a Ka Loea Kalaiaina. O keia mau elele elua nana i paa i kela nipuu a ka Moi maluna o ka oneti o ko laua halelana (moku) i au aku ai i na tansani miie laula o ka moa- na Pakipika a hoea aku la i na Poo Aupuni o Amerika Huiia, a maluna aku o na ale hanupanupa o ka Atelanika no Beritania nui a ma ia huakai a na‘elele ua ae maila na Poo Aupuni oia mau mana nui me ka hooholo ana ana mai o Amerika. Beritania. Farani. Beregiuma i ke Kuokoa o Hawaii nei, oia ka la 28 o Navemaba a ka lahui Hawaii i haaheo ai i ke au o ke aupuni Moi, aia ma ia pono ka lahui e ku nei i keia wa e kau aku nei na maka me ka leha ana ku i na kukuna o ka la o puka mai me kona malamalama oi kelakela ma ka ninau a ka lahui a waiho la ma Amerika. I na e hoomaaao ana na alakai o ka lahui i ke kulana Pookela ponia ole o keia mau elele a e hoohana ia i keia wa me ua manao Aloha Aina oiaio o ka lahui, alaila, e puana ae au i keia mau lalani mele. “Maikai Lili, Hemolele i ka la.” I like ai mo ke poo e kau ae la maluna o keia mau hooakaka ana a na ka mea heluhelu e ka ana i kona manao nona iho. Owau no Moses Manu Sepatemaba 29, 1897, I ka wa i haiolelo mai ai o Mr Moakani hewa iloko o ka hale- pule o Kawaiahao, he mau manao ano e, ka pau no ia i ka naholo o kanaka i waho, kaohi ana mai o kahi haole e noho iho, aole nana ia aku he mau leo kalakala o ka hoohaiaina no hewa. Aloha no. *