Ka Loea Kalaiaina, Volume II, Number 28, 16 July 1898 — HAWAII iloko o ke Apo a Amerika [ARTICLE]

HAWAII iloko o ke Apo a Amerika

Hooholo ia ka Hoohuiaina. Hoopuka ka Aha Senate i ke Apo Aloha ia Hawaii no Amerika. • • • Kokoke ka Malamalama e Poha mai Nou e HAWAII HOOMANAWANUI.

O ka ninau hoohuiaina i ka paemoku o Hawaii, a me na ninau e ae e pili ana i kona kulana hooponopono aupuni kanawai ma ka hoololi, ua hiki mai nei kakou i na minute hope loa o ke kali ana iloko o na makahiki eono e hele nei, ma ka hoopuka ana mai nei o ka Ahaolelo Senate i kana olelo hooholo hope loa o ke kukala kanawai, e lawe ana ia oe e Hawaii lahui malalo o kona malu, a nana e hooko kou makemake ma ko kakou ninau lahui i ka aoao ana e huipoi ai i ka hanohano o kaoninoa me ke kaulike, a e lilo hoi oia i hoa pilipaa nou e Hawaii ma keia mua aku. Eia na itamu ano nui iloko o ka hale, oiai ka ninau Hawaii e pahola ia ana kona mau palena imua o na helehelena o ke Senate, a hiki i ka wa i hoopukaia mai ai lakou olelo hooholo piha no ka hopena o ka lanakila. Wasinetona, Iulai 6, O ka hoohuiaina i ka paemoku o Hawaii, ua hoopuka ia mai e ka Aha Senate i ka hora @:30 o keia ahiahi, e like no me ia @ palapala kanawai i waiho mua ia ae ai i Hale Makaainana, pela no ia i apono ia aku nei e ka Aha Senate, ma ke koho ana i ka hoohui mai ia Hawaii iloko o ka poai o ko Amerika okana aina he 42 balota ma ke ae, a he 21 ma ka hoole. I ka manawa e helu ia ana na balota o ka ninau hoohuiaina imua o na hoa o ka hale, aia ka maluhia nui ke pahola ana iloko a ka rumi pahahele ekahi a me na poe makaikai iluna o na papahele kau aoao, a hiki i ka manawa a ka Hope Peresidena i kukala mai ai i ka ikaika koho o na aoao iloko o na aoao elua iluna o ka ninau hoohuiaina, ua pahela mua ia mai na hoomaikai ohohia e na poe makaikai kau aoao me na leo hura, a iwaena hoi o na hoa o ka hale ka lulu lima aloha ana ia lakou iho, ma ka hookoia o ko lakou makemake e hoopukaia ka ninau Hawaii no kona hopena me ka moakaka. Mahope koke ia ana o keia olelo hooholo @ ka Aha Senate, ua hai aku la o Sen[a]toa Davisa, ka Lunahoomalu o ke Komite o na Aina E ma ka uwea olelo ia Peresidena Makinile, no ka hooholo ia ana a keia ninau hoohuiaina i Hawaii, a ua haawi mai ka Peresidena i ka hoomaikai imua o na hoa o ka hale. Wahi a ka Peresidena i pane mai ai me na huaolelo hoihoi ma kona aoao, ua makaukau oia i na wa a pau a ka olelo hooholo e hiki aku ai imua ona no ke kakauinoa. Mahope iho o ke maopopo ana o ka ninau hoohuiaina o Hawaii imua o na hoa o ka hale, na Senatoa Hale i hoike mai i kona manao e kokua i ka olelo hooholo, aka, aole nae no ke kukala kaua ia Hawaii aina. Na Petiguru ka hoololi e hoopau loa i ke kanawai limahaha o Hawaii malalo o ka aelike, a ua haule ma ke koho ana o na hoa o ka hale—he 41 kue ia 22.

Na Senatoa Bekona o ka mokuaina o Geogia, he hoololi no ka hooko kokeia o ka olelo hoohuiaina e kali a hiki i ka wa e aponoia ai e ka hapanui o ka poe kupono i ke koh balota o Hawaii. Haule i na hoa o 42 kue ia 20. Na Senatoa Fokena o Vireginia Komohana, e hoihoi ia ka mana koa o Hawaii malalo o kekahi mana kanawai nona ponoi aole malalo o ka mana kanawai o Amerika. Haule i ha hoa o 43 kue ia 20. Na Senatoa Petigulu he hoololi, e ae ia na Hawaii he 21 makahiki a me na lahui o na aina e malalo o ko Hawai mau palena e loaa ia lakou ka mana koho balota like me na kamaaina o ka ka aina hanau. Kapae ia e 48 kue ia 16. Na Senatoa Linede o Kenetuke, he pauku pakui i ka olelo hooholo hoohuiaina—Owala kaiehu ia e na hoa he 47 kue ia 17. I ka pau ana o kana mau kukai olelo imua o ka hale, oia ka wa i hapaia mai ai ka ninau Hawaii ma ke koho balota ana o na hoa ma ka ae a me ka hoole, a no lakou keia mau papainoa malao iho: Ae—Hoohuiaina me Amerika: ,\Mii“oii. ll»kpr, Urtr/<jw*i, C«u<m, < ’nrlcr. C)»iko. C«llm»i, Uaeik, IWnn», KlW»s. Fa!rbauifj», F»iak<>r, r? v<-, (4alllnpcr, <Jormna, Ilalo, Haiina, m.runp», llawloy, Jlo*v. Kyle, Loilm-, 1 »cBnda. weUnno, W«ney, Moiipau. j i Nelaon, 1’eiii‘Me, l’oikin-*, J*] tt it of Ooneolieml. I*rlt(4iaril, Piwīoi', ho* i welh KIioui», Sn!!tvnn Teller. Wanen. ( A\«HHngton, W»*tinoiv, WJI«on, V/iJ<-oU —42. Hoole i ka hoohuiaina: Allen [Populist], Bacon [D], Bate [D], Berry [D], Caffery [D], Chilton [D], Clay [D], Daniel [D], Faulkner [D], Jones of Nevada [R], Lindsey [D], McEnery [D], Mallory [D], Mitchell [D], Morrill [R], Pasco [D], Pettigrew [R], Roach [D], Turley [D], Turpie [D], White [D], 21.