Nupepa Puka La Kuokoa, Volume I, Number 17, 20 February 1893 — KA KAKOU PEPA. [ARTICLE]

KA KAKOU PEPA.

Ke hoopuka ia aku nei ka nupepa o keia la ma ke ano hom Ua hooponop’ono iho nei ke Komite o na Makaainana me na ona o ka nupepa a ua holopono, a nolaila i hiki ai ia makou ke hoolaha aku i ka nupepa no ka uku haahaa loa i paiia ma na wahi e ae. 0 ka makemake o ka poe nana e hapai nei. i keia hana, o ka hoeueu i na kanaka Hawaii o na papa a pau e loaa ia lakou na hoonaauao pololei ana maluna o na ninau o ka la, a pela i hoemi loa ia ai ka uku pepa i ka hapalua o ko makou uku pepa mamua. 0 keia hoemi ana i ka uku pepa, aole ia i hoemi iho ika nui oke kino a me na mea heluhelu. Ma kela a me keia puka ana aku o ka pepa, ke manaolana nei makou e hoomahuahua aku i na mea e makemake ia ai e kela a me keia ma ona moolelo maikai la a me na kii paha oka manawa.