Nupepa Puka La Kuokoa, Volume I, Number 29, 13 March 1893 — E AKAHELE ANA O BERITANIA NUI. [ARTICLE]

E AKAHELE ANA O BERITANIA NUI.

0. Beritania kekahi Aupuni pookela o ka naauao a me ka ikaika. He nui" no kana mau hana lokomaikai a me ke kokuaia Hawaii nei. nolaila. kenana aku nei kekahi poe mahope o na alii ia Beritania, nana e hoouna mai i na manuwa a e kukulu hou i ka nohoaJii i. hookahuli' ia. Pela ib anei? Ma ko makou hoomaopopo ana, he kuhihewaloa kela poe, no ka mea aohe o Beritaniā makemake i ' na hana hemahema loa o na Alii Hawaii. L T a makemake- kela Aupuni maikai i ka hoonialu pono a me ka naauao. He nui na kupa Beritania e noho nei ma Hawaii, he poe waiwai a hoopono. Ua nui ko lakou poino ma ka hookele hawawa ia ana o ka moku Aupuni. Aole loa.o Beritania e kokua i ka aoao hookele naaupo i ke Aupuni e poino ai ka waiwai a me ka maluhia o kona poe kanaka. Ua hihia loa na lima p Beritania ma Aigupita. Ua hoala ia mai ke kue nui o Kusia a me Farani i ko Beritania hoomalu ana ia Aigupita. Ua mauao laua e kaua mai iaia, aka, ua makau. Ina nae e Hapai o Beritania i ka hana kue e hihia ai me kekahi aupuni nui e ae e like me Amerika, alaila o ko Eusia a me Farani lele mai no ia, a kipaku i na koa Enelani mai Aigupita aku. Holaila, he akahele loa o Beritania i ke kue i kekahi hana a Ameiika i manao nui ai. . Ua mau ka maikai o ka launa ana o Beritania laua e Amerika.. Ua hala ae nei no makahiki he kanawalu m'e ka kaua ole kekahi i kekahi. Ua ulu mai no na manao kue i kekahi manawa, a.ua pau no nae i ka hooponoponoia me ka oluolu. Eia no kekahikumii nui e hoomahawanui ai kekahi i kekahi oia ka nui o ko lauakalepa ana,- Ua paa pu ka moana Atelanika i na moku halihali waiwai i o a ia nei mawaena o Amerika a me Enelani. I na e hapai ia ke kaua, o ka pilikia no ia o ka poe kalepahe lehulehu loa ma na aina a elua. Holaila, he akahele loa kela mau aupuni i ke kaua, a

he hoomanawanui loa kekahi i kekahi. Aole loa o Beritania e kue ana ia Ameiika ho kona mahao hoohui ia Hawaii nei. Mai kuhihewa kakou pela, a noonoo lalau.