Nupepa Puka La Kuokoa, Volume I, Number 34, 21 March 1893 — E HOKA ANA NA ENEMI. [ARTICLE]

E HOKA ANA NA ENEMI.

Eia na enemi a pau o ke Aupnni Kuikawa, ke hoao nei ma na hana a pau iloko o ko lakou mana e hoomokuahana j iloko o na laina o ka poe hoo- j hui aina ma ka -hakuepa wale iho no i na mea oiaio ole a hoolaha aku la e haaiele aua kekahi mau hoa o na Aha Kuka ame ,Hooko. Ke hooia. akū hei makou ika lahui. he lokahi lakou a pau ma na ninau ano nui o ka la, a he waikahi hoi ma na mea liilii —o na lono lauahea e kue ana aohe pahukani nana e hoolohe.